ಭಾಷೆ ಸಮರ್ಪಕವಾಗಿ ಬಳಕೆಯಾದರೆ ಅಸ್ಮಿತೆ ಉಳಿಯಲಿದೆ: ಗುಂಡೂರು

ಕನ್ನಡಪ್ರಭ ವಾರ್ತೆ ಕಾರಟಗಿ

ಪಟ್ಟಣದ ಹೊರವಲಯದ ಸಿದ್ದಲಿಂಗನಗರದ ತೋಂಟದಾರ್ಯ ಕೇಂದ್ರದ ಸಿ. ಮಲ್ಲಿಕಾರ್ಜುನ ನಾಗಪ್ಪ ಪದವಿ ಮಹಾವಿದ್ಯಾಲಯದಲ್ಲಿ ತಾಲೂಕು ಕಸಾಪ ಹಮ್ಮಿಕೊಂಡಿದ್ದ ಪ್ರಸಕ್ತ ಸಾಲಿನ ರಾಜ್ಯೋತ್ಸವದಿಂದ ಕುವೆಂಪು ಅವರ ಜನ್ಮದಿನದ ವಿಶ್ವಮಾನವ ದಿನಾಚರಣೆಯವರೆಗಿನ ಕನ್ನಡ ಕಾರ್ತಿಕೋತ್ಸವ ಉದ್ಘಾಟಿಸಿ ಮಾತನಾಡಿದರು.ಕನ್ನಡ ಉಳಿಸಿ, ಬೆಳೆಸುವುದು ಎಂದರೆ ಅದು ಬರೀ ಕನ್ನಡ ಸಾಹಿತ್ಯ ಪರಿಷತ್, ಕನ್ನಡ ಪರ ಸಂಘಟನೆಗಳ ಕೆಲಸವಲ್ಲ. ಕನ್ನಡ ಸಮೃದ್ಧವಾಗಬೇಕು. ಕನ್ನಡ ಉದ್ಯಮವಾಗಿ ಬೆಳೆಯಬೇಕು. ವಿಜ್ಞಾನ, ತಂತ್ರಜ್ಞಾನ, ಬ್ಯಾಂಕಿಂಗ್ ವಲಯ ಮತ್ತು ಸರ್ಕಾರದ ಮಟ್ಟದಲ್ಲಿ ಕನ್ನಡ ಸಮರ್ಪಕವಾಗಿ ಬಳಕೆಯಾಗಬೇಕು. ಆಗ ಕನ್ನಡಕ್ಕೆ ಗೌರವ, ಘನತೆ ಬರುತ್ತದೆ ಎಂದರು.

ತಾಲೂಕು ಘಟಕದ ಕಸಾಪ ಅಧ್ಯಕ್ಷ ಶರಣಪ್ಪ ಕೊಟ್ಯಾಳ ಮಾತನಾಡಿ, ನಾಡು-ನುಡಿ, ನೆಲ-ಜಲ ಹಾಗೂ ಸಾಹಿತ್ಯ ಸಂಸ್ಕೃತಿಗಳ ಪರಂಪರೆ ನಡೆದು ಬಂದ ದಾರಿ ಹಾಗೂ ಕನ್ನಡ ಸಾಹಿತ್ಯ ಮತ್ತು ಸಂಸ್ಕೃತಿಯ ಪರಂಪರೆಯನ್ನು ಕಟ್ಟಿ ಬೆಳೆಸಿದ ಮಹನೀಯರನ್ನು ಸ್ಮರಿಸುವುದು ನಮ್ಮ ಆದ್ಯ ಕರ್ತವ್ಯ ಎಂದರು.

ಪ್ರಾಂಶುಪಾಲ ನಾರಾಯಣ ವೈದ್ಯ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಉಪನ್ಯಾಸಕ ವಿರೂಪಾಕ್ಷೇಶ್ವರ ಕಾರ್ಯಕ್ರಮ ನಿರೂಪಿಸಿ, ಹಾಲಯ್ಯಸ್ವಾಮಿ ಸ್ವಾಗತಿಸಿ, ಮರುಳೀಧರ ಶಾಸ್ತ್ರಿ ನಿರ್ವಹಿಸಿದರು.