ಮುಖ್ಯಾಧಿಕಾರಿಗೆ ಶಿಸ್ತಿಲ್ಲವೆಂದರೆ ಸಿಬ್ಬಂದಿಗೆ ಶಿಸ್ತು ಬರಲು ಹೇಗೆ ಸಾಧ್ಯ

ಕನ್ನಡಪ್ರಭವಾರ್ತೆ ಹೊಸದುರ್ಗ

ಸಭೆ ಪ್ರಾರಂಭವಾಗುತ್ತಿದ್ದಂತೆ ಆಡಳಿತ ಪಕ್ಷದ ಸದಸ್ಯರೆ ಪುರಸಭೆಯಲ್ಲಿ ಸಾರ್ವಜನಿಕರ ಕೆಲಸ ಒಂದೂ ಆಗುತ್ತಿಲ್ಲ ನಮಗೆ ಮತ ಹಾಕಿದ ಜನ ಬಾಯಿಗೆ ಬದಂತೆ ಬಯ್ಯುತ್ತಿದ್ದಾರೆ. ಕಂದಾಯ ಇಲಾಕೆಯಲ್ಲಿ ಲಕ್ಷಾಂತರ ರು. ಅವ್ಯವಹಾರ ನಡೆದಿದೆ ತನಿಖೆ ಆಗುವವರೆಗೂ ಯಾವುದೇ ಬಿಲ್‌ ನೀಡಬೇಡಿ ಎಂದು ತಿಳಿಸಿದರೂ ಬಿಲ್‌ ಪಾವತಿಸಲಾಗಿದೆ ಹಾಗಾದರೆ ಸದಸ್ಯರ ಮಾತಿಗೆ ಯಾವುದೇ ಕಿಮ್ಮತ್ತಿಲ್ಲವಾ ಎಂದು ಸದಸ್ಯ ದಾಳಿಂಬೆ ಗಿರೀಶ್‌ ಪ್ರಶ್ನಿಸಿದರು.

ಇದಕ್ಕೆ ಅಧ್ಯಕ್ಷೆ ರಾಜೇಶ್ವರಿ ಪ್ರತಿಕ್ರಿಯಿಸಿ ನಾನು ಬಿಲ್‌ ಪಾವತಿ ಮಾಡಲು ಅನುಮೋದನೆ ನೀಡಿಲ್ಲ ನಾನು ಕೂಡ ಬಿಲ್‌ ನೀಡದಂತೆ ಮುಖ್ಯಾಧಿಕಾರಿಗೆ ಹೇಳಿದ್ದೇ ಆದರೂ ಬಿಲ್‌ ನಿಡಿದ್ದಾರೆ. ಈ ಬಗ್ಗೆ ತನಿಖೆಯಾಗಲೀ ಎಂದರು.

ಇದಕ್ಕೆ ಕುಪಿತರಾದ ಅಧ್ಯಕ್ಷೆ ರಾಜೇಶ್ವರಿ ಕಣ್ಣೆದುರೇ ಲಕ್ಷಾಂತರ ಹಣ ಅವ್ಯವಹಾರ ನಡೆದಿದೆ. ನಾನೇನೂ ಸತ್ತಿಲ್ಲ ಹರಾಜು ಹೇಗೆ ಮಾಡಿದ್ದೀಯಾ ಎಲ್ಲದಕ್ಕೂ ಸಹಿ ಹಾಕು ಎಂದರೆ ನಾನೇಕೆ ಹಾಕಲಿ ಸದಸ್ಯರ ಮುಂದೆ ನನ್ನನ್ನು ನಿಷ್ಠೂರ ಮಾಡಬೇಡಿ ಎಂದು ಆರೋಗ್ಯ ಶಾಖೆಯ ಅಧಿಕಾರಿ ಕಲ್ಪನಾ ವಿರುದ್ಧ ಹರಿಹಾಯ್ದರು.

ಸಭೆಯಲ್ಲಿ ಇನ್ನೂ ಕೆಲವು ವಿಚಾರಗಳು ಚರ್ಚೆಯಿರುವಾಗಲೇ ಹಲವು ಸದಸ್ಯರು ಹೊರ ನಡೆದರು ಇದರಿಂದ ಉಳಿದ ವಿಷಯಗಳಿಗೆ ಮೂರ್ನಾಲ್ಕು ಜನ ಸದಸ್ಯರೇ ತೀರ್ಮಾನ ತೆಗೆದುಕೊಳ್ಳಲು ಮುಂದಾಗುತ್ತಿದ್ದಂತೆ ಕಾಂಗ್ರೆಸ್‌ ಪಕ್ಷದ ಸದಸ್ಯರು ಕೋರಂ ಇಲ್ಲದೆ ಯಾವುದೇ ತೀರ್ಮಾನ ಮಾಡಬಾರದು ಎಂದು ಗದ್ದಲ ಎಬ್ಬಿಸಿದ್ದರಿಂದ ಸಭೆಯನ್ನು ಮುಂದೂಡಲಾಯಿತು.