ಆತ್ಮ, ಪರಮಾತ್ಮನ ಮೇಲೆ ನಂಬಿ ಬದುಕಿದರೆ ನೆಮ್ಮದಿ: ಸಂಸದ ಡಾ.ಸಿ.ಎನ್.ಮಂಜುನಾಥ್

ಕನ್ನಡಪ್ರಭ ವಾರ್ತೆ ಕಿಕ್ಕೇರಿ

ಬೋಳಮಾರನಹಳ್ಳಿಯಲ್ಲಿ ಶನಿವಾರ ನೂತನವಾಗಿ ಲೋಕಾರ್ಪಣೆಗೊಂಡ ಲಕ್ಷ್ಮೀದೇವಿ ದೇಗುಲವನ್ನು ಉದ್ಘಾಟಿಸಿ ಮಾತನಾಡಿ, ತನ್ನ ಬಾಲ್ಯವನ್ನು ಹೆಚ್ಚು ಕಳೆದ ಗ್ರಾಮ ಇದು. ಈ ಹಿಂದೆ ನಮ್ಮ ಕುಟುಂಬ ಕೆಲಸ ಹಂಚಿಕೊಂಡು ಮಾಡಿಕೊಳ್ಳುತ್ತಿದ್ದರು. ಇದರಿಂದ ನೆಮ್ಮದಿ, ಶಾಂತಿ, ಆರೋಗ್ಯ, ನೆಮ್ಮದಿ ತನ್ನಿಂದ ತಾನೇ ಲಭಿಸುತಿತ್ತು ಎಂದರು.

ಬಡತನ ಹೃದಯಕ್ಕೆ ಇರಬಾರದು. ದೇಶದ ಎಲ್ಲ ಜನರ ಕೈಯಲಿ ಮೊಬೈಲ್ ಬಂದು ಒಂಟಿತನ ಕಾಡುವಂತಾಗಿದೆ. ಬಹುತೇಕ ಕೆಟ್ಟ, ಅನಿಷ್ಟ ಕಾರ್ಯಗಳಿಗೆ ಸುಶಿಕ್ಷಿತರೇ ಆಗುವಂತಾಗಿದೆ. ದೇಶದ ಮೊದಲ ಶತ್ರು ಸೋಮಾರಿತನ ಎಂಬುದನ್ನು ಮರೆಯಬಾರದು ಎಂದರು.

ದೇಗುಲ ಸರ್ವರನ್ನುಒಂದೆಡೆ ಸೇರಿಸಿ ಸಾಮರಸ್ಯ ಬೆಸೆಯುವ ಶ್ರದ್ಧಾ ಕೇಂದ್ರವಾಗಬೇಕಿದೆ. ನಮ್ಮ ಸಂಪ್ರದಾಯ, ಪೂಜೆ, ಆರಾಧನೆ ಮಕ್ಕಳಿಗೆ ಕಲಿಸಬೇಕಿದೆ. ಬಡವರ ಕಣ್ಣೀರು ಒರೆಸುವ, ಸಹಾಯ ಮಾಡುವ ಕೆಲಸ ಮಾಡಿದರೆ ದೇವರುಗುಡಿಯಲ್ಲಿ ಇರದೆ ಎಲ್ಲರ ಮನೆಗಳಲ್ಲಿಯೇ ಇರುವಂತಾಗಲಿದೆ ಎಂದರು.

ಶ್ರಮವಿಲ್ಲದ ಕಾರಣ ಮಾಲೀಕರು ರೋಗಿಗಳಾಗುತ್ತಿದ್ದಾರೆ. ಕಾರ್ಮಿಕರ ಆರೋಗ್ಯ ಉತ್ತಮವಾಗಿದೆ. ಪ್ರಸ್ತುತ ಶ್ರಮಿಕ ವರ್ಗ ಮರೆಯಾಗಿದೆ. ವ್ಯಾಯಾಮ, ಕೆಲಸ ಮರೆತು ಅನಾರೋಗ್ಯ ಮನೆಬಾಗಿಲು ತಟ್ಟುತ್ತಿದೆ. ಈ ಬಗ್ಗೆ ಎಚ್ಚರ ವಹಿಸಬೇಕು ಎಂದು ಸಲಹೆ ನೀಡಿದರು.

ಶಾಸಕ ಎಚ್.ಡಿ.ರೇವಣ್ಣ ತಮ್ಮ ಇಡೀ ಕುಟುಂಬ ಗ್ರಾಮದೊಂದಿಗೆ ಅವಿಭಾಜ್ಯ ಸಂಬಂಧವಿದೆ. ಇಲ್ಲಿ ಹರಿಯುವ ಶ್ರೀರಾಮದೇವರ ನಾಲೆ ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡರ ಕೊಡುಗೆಯಾಗಿದೆ. ಗ್ರಾಮದ ಅಭಿವೃದ್ಧಿಗೆ ತಮ್ಮ ಕುಟುಂಬದ ಕೊಡುಗೆ ಸದಾ ಇರಲಿದೆ ಎಂದರು.