ಪರಿಶ್ರಮದಿಂದ ಓದಿದರೆ ಅಸಾಧ್ಯವಾದ ಸಾಧನೆ ಸಾಧ್ಯ: ಬಸವರಾಜ ಮನಗೂಳಿ

ಕನ್ನಡಪ್ರಭ ವಾರ್ತೆ ಹುನಗುಂದ

ತಾಲೂಕಿನ ಹಗೇದಾಳ ಗ್ರಾಮದಲ್ಲಿ ಶನಿವಾರ ಹಮ್ಮಿಕೊಂಡ ಹುನಗುಂದ ಸಾರಿಗೆ ಘಟಕದ ಬಸ್ ಚಾಲಕ ಗದಿಗೆಯ್ಯ ಹಿರೇಮಠ ಅವರ ಪುತ್ರಿ ಬಾಗಲಕೋಟೆ ಬಿವಿವಿ ಸಂಘದ ಸಜ್ಜಲಶ್ರೀ ನರ್ಸಿಂಗ್ ವಿಜ್ಞಾನ ಮಹಾವಿದ್ಯಾಲಯದಲ್ಲಿ 2023-24ನೇ ಸಾಲಿನ ವಾರ್ಷಿಕ ಪರೀಕ್ಷೆಯಲ್ಲಿ ಬೆಂಗಳೂರಿನ ರಾಜೀವ ಗಾಂಧಿ ಯುನಿವರ್ಸಿಟಿಯಿಂದ ರಾಜ್ಯಕ್ಕೆ 8ನೇ ರ್‍ಯಾಂಕ್ ಪಡೆದ ವಿದ್ಯಾರ್ಥಿನಿ ಸಂಗಮ್ಮ ಹಿರೇಮಠ ಅವರನ್ನು ಸನ್ಮಾನಿಸಿ ಮಾತನಾಡಿದ ಅವರು, ಪರಿಶ್ರಮ, ಸತತ ಪ್ರಯತ್ನವಾದಿಗಳಿಗೆ ಯಶಸ್ಸು ಕಟ್ಟಿಟ್ಟ ಬುತ್ತಿ ಎನ್ನುವಂತೆ ನಮ್ಮೂರ ಮಗಳಿಗೆ ಸಾಧನೆ ಮಾಡಿದ್ದು, ಹಗೇದಾಳ ಗ್ರಾಮ, ತಾಲೂಕು ಮತ್ತು ಜಿಲ್ಲೆಗೆ ಸಂತಸ ತಂದಿದೆ. ಯಾವುದೆ ಕ್ಷೇತ್ರದಲ್ಲಿ ಯಶಸ್ವು ಕಾಣಬೇಕಾದರೆ ನಿರಂತರ ಪಯತ್ನ, ಸತತ ಅಧ್ಯಯನದಿಂದ ಮಾತ್ರ ಸಾಧ್ಯ. ಸೌಲಭ್ಯಗಳಿಲ್ಲದ ಗ್ರಾಮೀಣ ಭಾಗದ ಈ ಪ್ರತಿಭೆ ನಮ್ಮೂರಿನ ಮೆರಗು ಹೆಚ್ಚಿಸಿದೆ ಎಂದು ಹರ್ಷ ವ್ಯಕ್ತಪಡಿಸಿದರು.

ಕಾಂಗ್ರೆಸ್ ಮುಖಂಡ ಜೈನಸಾಬ ಹಗೇದಾಳ ಮಾತನಾಡಿ, ಸತತ ಪರಿಶ್ರಮವು ಕಠಿಣತೆಯನ್ನು ಸರಳವಾಗಿ ಪಡೆದಾಗ ಇಂಥ ಸಾಧನೆ ಸಾಧ್ಯ ಎಂದರು. ಪರಶುರಾಮ ನಿರ್ವಾಲಿ, ಗಿರಿಗೌಡ ಚಿತ್ತರಗಿ, ಬಸವರಾಜ ಮನಗೂಳಿ, ಶಂಕ್ರಪ್ಪ ರಾಮಥಾಳ, ಸಂಗನಗೌಡ ಪಾಟೀಲ, ಬಾನಪ್ಪ ಹಗೇದಾಳ, ಹೊನ್ನಪ್ಪ ಹಳ್ಳೂರ, ನಿಂಬನಗೌಡ ಲೂಟಿ, ಬಸನಗೌಡ ಗೌಡರ, ಮಳೇಂದ್ರಗೌಡ ಹೊಸಗೌಡರ, ಗ್ರಾಮದ ವಾಲಿಕಾರ, ರಹೆಮಾನಸಾಬ ಹಗೇದಾಳ, ವಿದ್ಯಾರ್ಥಿನಿ ಕುಟುಂಬದ ಸದಸ್ಯರು ಇದ್ದರು. ವರ್ಗದ ಎಲ್ಲ ಉಪನ್ಯಾಸಕರ, ಸಹಪಾಠಿಗಳ ಸ್ನೇಹ ಮತ್ತು ಅವರ ಜೊತೆ ಓದು ಹಂಚಿಕೊಳ್ಳುವುದು ನಿತ್ಯದ ಕೆಲಸವಾಗಿತ್ತು. ನನಗೆ ಈ ರ್‍ಯಾಂಕ್ ಬಂದಿರುವುದು ದೊಡ್ಡ ಸಾಧನೆ ಅಲ್ಲ. ಆದರೂ ಗ್ರಾಮಸ್ಥರು ನನ್ನನ್ನು ಸನ್ಮಾನಿಸಿ ಗೌರವಿಸಿದ್ದು ಸಂತೋಷ. ನನಗೆ ಇನ್ನೂ ಓದಿನ ಆಸಕ್ತಿ ಇದೆ. ನಾನು ಖಾಸಗಿ ಸಂಸ್ಥೆಯಲ್ಲಿ ಸೇವೆ ಮಾಡುತ್ತ ಸ್ಪರ್ಧಾತ್ಮಕ ಪರೀಕ್ಷೆ ಬರೆದು ಮತ್ತಷ್ಟು ಉನ್ನತ ಹುದ್ದೆಯಲ್ಲಿ ಸೇವೆ ಮಾಡುವ ಆಸೆ ಹೊಂದಿದ್ದೇನೆ. ಎಲ್ಲರ ಸಹಕಾರವೂ ನನಗಿದೆ.