ನರ್ಸಿಂಗ್‌ ವೃತ್ತಿಯಲ್ಲಿ ಜ್ಞಾನದ ಜತೆಗೆ ಸಹಾನುಭೂತಿಯೂ ಮುಖ್ಯ

ಕನ್ನಡಪ್ರಭ ವಾರ್ತೆ ಹೊಳೆನರಸೀಪುರ

ಪಟ್ಟಣದ ಚಿಟ್ಟನಹಳ್ಳಿ ಬಡಾವಣೆಯಲ್ಲಿರುವ ಸರ್ಕಾರಿ ಶುಶ್ರೂಷಕ ಕಾಲೇಜಿನಲ್ಲಿ ಆಯೋಜಿಸಿದ್ದ ಜ್ಯೋತಿ ಬೆಳಗಿಸುವಿಕೆ ಮತ್ತು ಪ್ರತಿಜ್ಞಾವಿಧಿ ಸ್ವೀಕಾರ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು. ಇತ್ತೀಚಿನ ವರ್ಷಗಳಲ್ಲಿ ಆಸ್ಪತ್ರೆಗಳಲ್ಲಿ ಗಲಾಟೆ ನಡೆದ ಬಗ್ಗೆ ಕಂಡಿದ್ದೇವೆ, ಈ ಸನ್ನಿವೇಶಕ್ಕೆ ಹಲವಾರು ಕಾರಣಗಳು ಇರಬಹುದು, ಆದರೆ ನಾವುಗಳು ಆತ್ಮವಲೋಕನ ಮಾಡಿಕೊಳ್ಳಬೇಕು. ರೋಗಿಗಳಿಗೆ ಚಿಕಿತ್ಸೆ ನೀಡುವ ಸಂದರ್ಭದಲ್ಲಿ ನಾವು ಏನೇ ಮಾಡಿದರೂ, ಏನೇ ಯೋಚಿಸಿದರೂ, ಏನು ಮಾತನಾಡುತ್ತೇವೊ ಎಲ್ಲವೂ ರೋಗಿಗಳ ಹಿತದೃಷ್ಠಿಗಾಗಷ್ಟೇ ಇರಬೇಕು. ಮಾತು, ಆಲೋಚನೆ ಹಾಗೂ ನಡೆಯೂ ರೋಗಿಯ ಒಳಿತಿಗಾಗಿ ಮಾತ್ರ ಇರಬೇಕು ಯಾವುದೇ ವ್ಯಾವಹಾರಿಕ ಅಥವಾ ಇತರೆ ಚಿಂತನೆಗಳು ಇರಬಾರದು ಎಂದರು. ನಮ್ಮ ದೈನಂದಿನ ಜೀವನದಲ್ಲಿ ಉಡುಗೆ ತೊಡುಗೆಗಳಲ್ಲಿ ಗಮನವಿರಬೇಕು ಹಾಗೂ ನಗುಮೊಗದಿಂದ ಕೂಡಿದ ಮೃದು ಮಾತುಗಳು ರೋಗಿಗೆ ಚೈತನ್ಯವನ್ನು ನೀಡುತ್ತದೆ ಎಂದರು. ನಮ್ಮ ಸಂಬಳ ಹಾಗೂ ಆರ್ಥಿಕತೆಯ ನಡುವೆಯೂ ನಮ್ಮ ಜೀವನದಲ್ಲಿ ಸಂಬಂಧಗಳಿಗೆ ಪ್ರಾಮುಖ್ಯತೆ ನೀಡುವ ಜತೆಗೆ ಗುರು ಹಿರಿಯರ ಮಾರ್ಗದರ್ಶನದಲ್ಲಿ ಮುನ್ನಡೆದಾಗ ಯಶಸ್ವಿ ಜೀವನ ಸಾಧ್ಯವೆಂದು ತಿಳಿಸಿ, ಶುಭಕೋರಿದರು. ಪ್ರಥಮ ವರ್ಷದ ಬೇಸಿಕ್ ಬಿಎಸ್ಸಿ(ನ) ವಿದ್ಯಾರ್ಥಿಗಳಿಗೆ ಹಣೆಗೆ ತಿಲಕವಿಟ್ಟು, ಪುಷ್ಪ ನೀಡಿ, ಹಿರಿಯ ವಿದ್ಯಾರ್ಥಿಗಳು ಸ್ವಾಗತಿಸಿದರು ಹಾಗೂ ಉಪನ್ಯಾಸಕರಾದ ಸರಸ್ಪತಿ ಅವರು ಪ್ರಮಾಣವಚನ ಬೋಧಿಸಿದರು. ವಿದ್ಯಾರ್ಥಿಗಳಾದ ಅನಗ್ನ್ಯ ಪ್ರಾರ್ಥಿಸಿದರು, ಸಿದ್ಧರಾಮ ಸ್ವಾಗತಿಸಿದರು, ಕಾವ್ಯ ಹಾಗೂ ಅಕ್ಷತಾ ನಿರೂಪಿಸಿದರು ಹಾಗೂ ರಾಜಶ್ರೀ ಪ್ರಾಸ್ತವಿಕ ನುಡಿಗಳನ್ನಾಡಿದರು.