ತರೀಕೆರೆ: ಶ್ರೀ ಶೃಂಗೇರಿ ಶಂಕರ ಮಠದ ನೂತನ ಮುಖಮಂಟಪ, ವಿಮಾನಗೋಪುರ ಉದ್ಘಾಟನೆ

- ಶ್ರೀ ಶೃಂಗೇರಿ ಜಗದ್ಗುರು ಷ್ಕೀ ವಿಧುಶೇಖರ ಭಾರತಿ ಸ್ವಾವೀಜಿಯಿಂದ 20 ರಂದು ಮಹಾ ಕುಂಭಾಭಿಷೇಕ

ಪಟ್ಟಣದ ಶ್ರೀ ಶೃಂಗೇರಿ ಶಂಕರ ಮಠದಲ್ಲಿ ಶ್ರೀ ಗಣೇಶ, ಶ್ರೀ ಶಾರದಾ ಪರಮೇಶ್ವರಿ ಹಾಗೂ ಶ್ರೀ ಆದಿಶಂಕರರ ಸನ್ನಿಧಿಯಲ್ಲಿ ನೂತನವಾಗಿ ನಿರ್ಮಾಣ ಗೊಂಡಿರುವ ಮುಖಮಂಟಪ, ವಿಶಾಲವಾದ ಪ್ರಾಕಾರ ಹಾಗೂ ಮೂರು ವಿಮಾನ ಗೋಪುರಗಳ ಮಹಾ ಕುಂಭಾಬಿಷೇಕವನ್ನು ಮಾ.20 ರಂದು ಶೃಂಗೇರಿ ಜಗದ್ಗುರು ಶ್ರೀ ಭಾರತೀ ತೀರ್ಥ ಸ್ವಾಮೀಜಿ ಪೂರ್ಣಾನುಗ್ರಹದಿಂದ ಶ್ರೀ ವಿಧುಶೇಖರಭಾರತೀ ಸ್ವಾಮೀಜಿ ನೆರವೇರಿಸಲಿದ್ದಾರೆ.

ಸುಮಾರು 45 ವರ್ಷಗಳ ಮೊದಲು ಶ್ರೀ ಶೃಂಗೇರಿ ಶಾರದಾಪೀಠಾಧೀಶ್ವರ ಜಗದ್ದುರು ಶ್ರೀ ಅಭಿನವ ವಿದ್ಯಾತೀರ್ಥ ಮಹಾಸ್ವಾಮಿ, ಶ್ರೀ ಭಾರತೀತೀರ್ಥ ಮಹಾಸ್ವಾಮಿ ಅವರೊಡನೆ ತರೀಕೆರೆ ಪಟ್ಚಣಕ್ಕೆ ಆಗಮಿಸಿದ ಸಂದರ್ಭದಲ್ಲಿ ಮಹಾಸ್ವಾಮಿಗಳ ಸಂಕಲ್ಪದಂತೆ ಇದೇ ಸ್ಥಳದಲ್ಲಿ ಶ್ರೀ ಶೃಂಗೇರಿ ಶಾರದಾ ಸಭಾಭವನ ನಿರ್ಮಾಣ ಮಾಡಿಸಿ, ಶ್ರೀಗಳ ಸನ್ನಿಧಾನದಲ್ಲೆ ಶ್ರೀ ಭಾರತೀ ತೀರ್ಥ ಸ್ವಾಮಿಗಳ ಅಮೃತಹಸ್ತದಿಂದ 1988ರಲ್ಲಿ ಉದ್ಘಾಟನೆ ನೆರವೇರಿಸಿದ್ದರು. ನಂತರ 1990ರಲ್ಲಿ ಈ ದೇವಸ್ಥಾನವನ್ನು ಶ್ರೀ ಮಠದ ಧರ್ಮಾಧಿಕಾರಿ ಕೀರ್ತಿ ಶೇಷರಾದ ಕೆ.ರಾಮ ಐಯ್ಯರ್‌ ಮತ್ತು ಸಹೋದರರು ಅವರ ಮಾತೃಶ್ರೀ ಲಕ್ಷ್ಮಮ್ಮ ಮತ್ತು ಕೃಷ್ಣ ಐಯ್ಯರ್ ಸ್ಮರಣಾರ್ಥ ಸಮರ್ಪಿಸಿದ್ದಾರೆ. ಶ್ರೀ ಗಣೇಶ, ಶ್ರೀ ಶಾರದಾ ಪರಮೇಶ್ವರಿ ಹಾಗೂ ಶ್ರೀ ಆದಿಶಂಕರರ ದೇವಸ್ಥಾನದಲ್ಲಿ ಜಗದ್ಗುರು ಶ್ರೀ ಭಾರತೀತೀರ್ಥ ಮಹಾಸ್ವಾಮಿ ಕುಂಭಾಬಿಷೇಕ ನೆರವೇರಿಸಿದ್ದರು.ದೇವಸ್ಥಾನಕ್ಕೆ ವಿಶಾಲ ಪ್ರಾಕಾರ, ಮೂರು ವಿಮಾನಗೋಪುರ, ಮುಖ್ಯದ್ವಾರಗಳನ್ನು ನಿರ್ಮಾಣ ಮಾಡುವುದೆಂದು ಶ್ರೀ ಶೃಂಗೇರಿ ಮಹಾಪೀಠದ ಉಭಯ ಶ್ರೀಗಳವರಲ್ಲಿ ಅರಿಕೆ ಮಾಡಿದಾಗ ಶ್ರೀಗಳು ಸಂತೋಷದಿಂದ ಸಮ್ಮತಿಸಿ ಅನುಗ್ರಹಿಸಿದ್ದು ಅಪರೂಪದ ಸಂದರ್ಭ. ಇದೀಗ ಈ ನೂತನ ಮುಖಮಂಟಪ, ದೇವಸ್ಥಾನದ ಪ್ರಾಂಗಣ, ಮೂರು ವಿಮಾನ ಗೋಪುರಗಳು ಮತ್ತು ಮಹಾ ಕುಂಭಾಭಿಷೇಕಕ್ಕೆ ತರೀಕೆರೆ ಪಟ್ಟಣ ಸಕಲ ರೀತಿಯಲ್ಲಿ ಸಜ್ಜಾಗಿದೆ.

- ಕೋಟ್ಃ --

ಎನ್.ಮಂಜುನಾಥ್‌, ಮಾಜಿ ಅಧ್ಯಕ್ಷ, ಮಲೆನಾಡು ಪ್ರದೇಶ ಅಭಿವೃದ್ದಿ ಮಂಡಳಿ-- ಕೋಟ್ಃ ---

ಎ.ವಿ.ನಾಗಭೂಷಣ್, ಕಾರ್ಯಾಧ್ಯಕ್ಷ, ಅಂಚೆ ಪ್ರತಿಷ್ಠಾನ

ತರೀಕೆರೆ ಶ್ರೀ ಶಂಕರ ಮಠದ ದೇವಸ್ಥಾನದಲ್ಲಿ ನೂತನವಾಗಿ ನಿರ್ಮಾಣಗೊಂಡಿರುವ ಶ್ರೀ ಗಣೇಶ, ಶ್ರೀಶಾರದಾ ಅಮ್ಮನವರ ದೇವಸ್ಥಾನ