ಸ್ಥಳೀಯ ಗುತ್ತಿಗೆದಾರರಿಗೆ ಪ್ರೋತ್ಸಾಹ: ರಾಮನಾಥ ಶಾನಭಾಗ

ಕನ್ನಡಪ್ರಭ ವಾರ್ತೆ ಶಿರಸಿ

ನಗರದ ತೋಟಗಾರ್ಸ್‌ ಕಲ್ಯಾಣ ಮಂಟಪದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿ, ಜಿಲ್ಲೆಯ ಶಿರಸಿ ಲೊಕೋಪಯೋಗಿ ವಿಭಾಗದಲ್ಲಿ ₹118 ಕೋಟಿಯಲ್ಲಿ 78 ಕೋಟಿ ಬಾಕಿ ಇದ್ದು, ಕಾರವಾರ ಲೊಕೋಪಯೋಗಿ ವಿಭಾಗದಲ್ಲಿ ₹105 ಕೋಟಿಯಲ್ಲಿ 67 ಕೋಟಿ ಬಾಕಿ ಇದೆ. ಹಳೆಯ ಪಾವತಿ ಜತೆ ಹೊಸ ಕಾಮಗಾರಿಗಳ ಹಣವೂ ಬಿಡುಗಡೆಯಾಗುತ್ತಿದೆ. ₹50‌ ಲಕ್ಷಕ್ಕಿಂತ ಅಧಿಕ ಮೊತ್ತದ ಟೆಂಡರ್‌ಗಳಲ್ಲಿ ಹೊರ ತಾಲೂಕು ಗುತ್ತಿಗೆದಾರರು ಭಾಗವಹಿಸಬಹುದು ಎಂದು ನಿರ್ಧರಿಸಿದ್ದೇವೆ. ಲೋಕೋಪಯೋಗಿ ಇಲಾಖೆಯ ಸಚಿವರ ಸಹಕಾರದ ಕಾರಣದಿಂದ ಬಾಕಿ ಹಣ ಪಾವತಿ ಆಗುತ್ತಿದೆ. ಆದರೆ, ಜಿಪಂ ಎಂಜಿನಿಯರಿಂಗ್ ವಿಭಾಗದಲ್ಲಿ ಅಧಿಕ ಕಮಿಷನ್ ಪಡೆಯುವ ಆರೋಪವಿದೆ. ಇದನ್ನು ಸಚಿವರ ಗಮನಕ್ಕೆ ತರುತ್ತೇವೆ. ಕಳೆದ 20 ವರ್ಷಗಳಿಗೂ ಅಧಿಕ ಕಾಲದಿಂದ ಕಾಮಗಾರಿಗಳನ್ನು ನಿರ್ಮಿತಿ, ಲ್ಯಾಂಡ್ ಆರ್ಮಿಗೆ ಅಧಿಕ ಸಂಖ್ಯೆಯಲ್ಲಿ ವಹಿಸುವದನ್ನು ಆಕ್ಷೇಪಿಸುತ್ತಿದ್ದರೂ ಇನ್ನೂ ನಿಂತಿಲ್ಲ. ಇನ್ನೊಮ್ಮೆ ಮುಖ್ಯಮಂತ್ರಿ, ಉಪ ಮುಖ್ಯಮಂತ್ರಿ, ಸಚಿವರ ಗಮನಕ್ಕೆ ತರುತ್ತೇವೆ ಎಂದು ಹೇಳಿದರು.

ಉಪಾಧ್ಯಕ್ಷ ಸತೀಶ ಗೌಡ, ಕೋಶಾಧ್ಯಕ್ಷ ಗಣೇಶ ದಾವಣಗೆರೆ, ತಾಂತ್ರಿಕ ಸಲಹೆಗಾರ ಜೀನರಾಜ ಕುಮಟಾ, ಸಹ ಕಾರ್ಯದರ್ಶಿ ಮಹಾದೇವ ಭಟ್‌, ಸುಧಾಕರ ರೆಡ್ಡಿ, ಛತ್ರಪತಿ ಮಾಳ್ಸೇಕರ, ಬಿ.ಎಲ್‌.ಲಮಾಣಿ, ವಸಂತ ಹನುಕಂತ, ನಾಗೇಶ ನಾಯ್ಕ ಮತ್ತಿತರರು ಇದ್ದರು.ಪದಾಧಿಕಾರಿಗಳ ಆಯ್ಕೆ