ಸ್ವಚ್ಚತೆ ಕಾಪಾಡುವಲ್ಲಿ ನಿಲಯಪಾಲಕರ ಬೇಜವಾಬ್ದಾರಿ

ಕನ್ನಡಪ್ರಭವಾರ್ತೆ ಪಾವಗಡ

ಈ ವೇಳೆ ಬಾಲಕಿಯರ ಹಾಜರಾತಿ ಕಡಿಮೆ, ಅಡುಗೆ ಕೋಣೆ ಹಾಗೂ ಶೌಚಾಲಯಗಳ ಅಸರ್ಮಪಕ ನಿರ್ವಹಣೆ ಹಾಗೂ ಹಾಸ್ಟೆಲ್‌ ಸ್ವಚ್ಚತೆ ಮರೀಚಿಕೆ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು.

ಬಳಿಕ ಪಟ್ಟಣದ ಅಪ್‌ಬಂಡೆಯಲಿರುವ, ತಾಲೂಕು ಸಮಾಜ ಕಲ್ಯಾಣ ಇಲಾಖೆಯ ಮೆಟ್ರಿಕ್‌ ಪೂರ್ವ ಎಸ್‌ಸಿ ಎಸ್‌ಟಿ ಬಾಲಕರ ಹಾಸ್ಟೆಲ್‌ಗಳಿಗೆ ಭೇಟಿ ನೀಡಿದ ಆಯೋಗ ಸದಸ್ಯ ತಿಪ್ಪೇಸ್ವಾಮಿ, ಅಲ್ಲಿನ ನಂ.1 ಹಾಗೂ ನ.2 ಹಾಸ್ಟೆಲ್‌ ನಿರ್ವಹಣೆ ಕುರಿತು ಪರಿಶೀಲನೆ ನಡೆಸಿದರು. ಈ ವೇಳೆ ಸರ್ಕಾರದ ನಿಯಮಾನುಸಾರ ಹಾಸ್ಟೆಲ್‌ಗಳ ನಿರ್ವಹಣೆ ಅಸಮರ್ಪಕತೆದಿಂದ ಕೂಡಿದ್ದು, ಹಾಸ್ಟೆಲ್‌ಗಳ ಸ್ವಚ್ಚತೆ ಹಾಗೂ ಶೌಚಾಲಯಗಳು ವಾಸನೆಯಿಂದ ಕೂಡಿರುವುದನ್ನು ಕಂಡು ಅತ್ಯಂತ ಬೇಸರ ವ್ಯಕ್ತಪಡಿಸಿದರು. ಸಮಾಜ ಕಲ್ಯಾಣ ಇಲಾಖೆಯ ನ.2 ಡಾ.ಬಿ.ಆರ್‌.ಅಂಬೇಡ್ಕರ್‌ ವಿದ್ಯಾರ್ಥಿ ನಿಲಯದಲ್ಲಿ, 58 ಮಕ್ಕಳ ಹಾಜರಾತಿ ಪೈಕಿ ಕೇವಲ 12ಮಂದಿ ಮಾತ್ರ ವಿದ್ಯಾರ್ಥಿಗಳಿದ್ದು, ಮಕ್ಕಳು ಊರಿಗೆ ಹೋದ ಬಗ್ಗೆ ಸೂಕ್ತ ಮಾಹಿತಿ ಪಡೆದಿಲ್ಲದಿದ್ದರಿಂದ ನಿಲಯಪಾಲಕರನ್ನು ಪ್ರಶ್ನಿಸಿದರು.