ಕಷ್ಟದಲ್ಲಿರುವವರಿಗೆ ನೆರವಾಗುವುದು ಪ್ರತಿಯೊಬ್ಬರ ಕರ್ತವ್ಯ: ಸುಜಿತ

ಬಳಗದಿಂದ ಅಪಘಾತಕ್ಕೊಳಗಾದ ವ್ಯಕ್ತಿಗೆ ಹಣಕಾಸಿನ ನೆರವು ನೀಡುವ ಕಾರ್ಯಕ್ರಮ

ಯಾವುದೇ ವ್ಯಕ್ತಿ ಕಷ್ಟದಲ್ಲಿರುವ ಸಂದರ್ಭದಲ್ಲಿ ನೆರವಾಗುವುದು ಪ್ರತಿಯೊಬ್ಬ ವ್ಯಕ್ತಿ ಕರ್ತವ್ಯ ಎಂದು ಉಡೇವ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಸುಚಿತ ಹೇಳಿದ್ದಾರೆ.ತಾಲೂಕು ನಾರಿ ಶಕ್ತಿ ಬಳಗದಿಂದ ಲಿಂಗದಹಳ್ಳಿ ಹೋಬಳಿ ಕೃಷ್ಣಾಪುರ ಗ್ರಾಮದಲ್ಲಿ ನಡೆದ ಅಪಘಾತಕ್ಕೊಳಗಾದ ವ್ಯಕ್ತಿಗೆ ಹಣಕಾಸಿನ ನೆರವು ನೀಡುವ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಆಕಸ್ಮಿಕವಾಗಿ ಮರದಿಂದ ಬಿದ್ದ ವ್ಯಕ್ತಿ ಗಾಯ ಗೊಂಡಾಗ ಕುಟುಂಬ ಅಪಾರ ನೋವಿನ ನಡುವೆ ಬದುಕುತ್ತದೆ. ಜವಾಬ್ದಾರಿ ಹೊತ್ತಿರುವ ವ್ಯಕ್ತಿ ಹಾಸಿಗೆ ಹಿಡಿದರೆ ಅವರ ಕುಟುಂಬ ಬದುಕುವುದು ತುಂಬಾ ಕಷ್ಟ. ಇಂಥಹ ಸಮಯದಲ್ಲಿ ನಮ್ಮ ನಾರಿಶಕ್ತಿ ಬಳಗ ಒಂದಿಷ್ಟು ಹಣಕಾಸಿನ ಸಹಕಾರ ನೀಡಿದರೆ ಅವರ ಕುಟುಂಬ 5-6 ತಿಂಗಳು ಆಹಾರ ಪದಾರ್ಥ ಪಡೆದು ಬದುಕುವುದಕ್ಕೆ ಸಾಧ್ಯ ಎಂದು ಹೇಳಿದರು. ಈ ದಿನ ಈ ಕೃಷ್ಣಾಪುರ ಗ್ರಾಮದಲ್ಲಿ ಮರದಿಂದ ಕೆಳಗೆ ಬಿದ್ದ ವ್ಯಕ್ತಿ ಕುಟುಂಬಕ್ಕೆ ನಮ್ಮ ಬಳಗದಿಂದ ಸ್ವಲ್ಪ ಹಣಕಾಸಿನ ಸಹಕಾರ ನೀಡುತ್ತಿರುವುದು ನಮ್ಮ ಬಳಗಕ್ಕೆ ಬಹಳ ಸಂತೋಷ ತಂದಿದೆ. ಇಂಥಹ ಸಂದರ್ಭದಲ್ಲಿ ಮಾನವೀಯತೆ ಬಹಳ ಮುಖ್ಯ ಎಂದರು.

ತರೀಕೆರೆ ಸಮೀಪದ ಕೃಷ್ಣಾಪುರ ಗ್ರಾಮದಲ್ಲಿ ನಾರಿಶಕ್ತಿ ಬಳಗ ದಿಂದ ಅಪಘಾತಕ್ಕೊಳಗಾದ ವ್ಯಕ್ತಿಗೆ ಹಣಕಾಸಿನ ನೆರವು ನೀಡುವ ಕಾರ್ಯಕ್ರಮದಲ್ಲಿ ಉಡೇವ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಸುಚಿತ ಇತರರಿದ್ದರು.