ರಾಯಣ್ಣನ ಕ್ರಾಂತಿಯ ನೆಲದಲ್ಲಿ ಜಟ್ಟಿಗಳ ಸೆಣಸಾಟ

ಕನ್ನಡಪ್ರಭ ವಾರ್ತೆ ಬೈಲಹೊಂಗಲ

ಕಣದಲ್ಲಿ ಪೈಲ್ವಾನರು ಮದಗಜಗಳಂತೆ ಕಾದಾಡಿದರು. ಸಹಸ್ರಾರು ಪ್ರೇಕ್ಷಕರು ಅಪಾರ ಸಂಖ್ಯೆಯ ಕುಸ್ತಿಪಟುಗಳು ಸಿಳ್ಳೆ, ಕೇಕೆ ಹಾಕಿ, ಚಪ್ಪಾಳೆ ತಟ್ಟಿ ಹುರಿದುಂಬಿಸಿದರು.

ಮಹಿಳಾ ವಿಭಾಗ: ಮಹಿಳಾ ಕುಸ್ತಿಯಲ್ಲಿ ಮಹಾರಾಷ್ಟ್ರದ ಮಯೂರಿ ಸಾಲೂಂಕೆ ವಿರುದ್ಧ ಹಳಿಯಾಳದ ಪ್ರತೀಕ್ಷಾ ಭೋವಿ ಗೆಲುವು ಸಾಧಿಸಿದರು. ಎರಡನೇ ಜೋಡಿಯಲ್ಲಿ ಬೆಳಗಾವಿಯ ರಾಧಿಕಾ ತೊಂಡಿಹಾಲ, ಮಹಾರಾಷ್ಟ್ರದ ಸ್ಮಿತಾ ಪಾಟೀಲ ಹಾಗೂ ಮೂರನೇ ಜೋಡಿಯ ಧಾರವಾಡದ ಕಾವ್ಯಾ ದಾನನ್ನವರ ಜೊತೆ ಖಾನಾಪುರದ ರುತೂಜಾ ಗುರವ ಸಮಬಲ ಸಾಧಿಸಿದರು. ನಾಲ್ಕನೇ ಜೋಡಿಯಲ್ಲಿ ಹಳ್ಳಿಯಾಳದ ಗಂಗೋತ್ರಿ ವಿರುದ್ಧ ಸೆಣಸಾಡಿದ ಧಾರವಾಡದ ಪುಪ್ಪ ಗೆಲುವು ಸಾಧಿಸಿದರು. ಐದನೇ ಜೋಡಿಯಲ್ಲಿ ಬೆಳಗಾವಿ ಸಿತಾಲ್ ಸುತಾಳನ್ನು ಮುಧೋಳದ ಭಾಗ್ಯಶ್ರೀ ಚಿತ್‌ ಮಾಡಿದರು.