ಕಾಲಚಕ್ರ ನಾಟಕ: ರಂಗಾಯಣ ಕಲಾವಿದರ ಮನೋಜ್ಞ ಅಭಿನಯ

ಶೇಷಮೂರ್ತಿ ಅವಧಾನಿ

ಪತ್ರಕರ್ತರಾದವರು ವರಿದಿಗಾರಿಕೆ ಕಾಯಕದಲ್ಲಿ ಸುಖ- ದುಃಖದ ಎಲ್ಲಾ ಸನ್ನಿವೇಶಗಳಿಗೆ ಮುಖಾಮುಖಿಯಾದ್ರೂ ಆಯಾ ಸಮಯ- ಸಂದರ್ಭಕ್ಕೆ ಭೌತಿಕವಾಗಿ ಸ್ಪಂದಿಸೋದಕ್ಕಿಂತ ರಿಪೋರ್ಟಿಂಗ್‌ ನಲ್ಲೇ ತಾವು ಕಂಡುಂಡ ಸನ್ನಿವೇಶಗಳಿಗೆ ಸೂಕ್ಷ್ಮ ಸಂವೇದಿಯಾಗ್ತಾರೆ.

ಮಾಧ್ಯಮದವರಿಗಾಗಿಯೆ ನಡೆದ ವಿಶೇಷ ಪ್ರದರ್ಶನದಲ್ಲಿ ಎಲ್ಲರ ಮನೆ ಕಥೆಯಾಗಿರುವ ವಯೋವೃದ್ಧರ ನಿರ್ಲಕ್ಷ್ಯ ವಿಷಯದ, ಮರಾಠಿ ರಂಗಭೂಮಿ ಹೆಸರಾಂತ ನಾಟಕರಾರ ಜಯವಂತ ದಳ್ವಿ ರಚಿಸಿದ “ಕಾಲಚಕ್ರ” ನಾಟಕ, ಅಲ್ಲಿ ಸನ್ನಿವೇಶಗಳಲ್ಲಿ 2 ಗಂಟೆ ಕಳೆದು ಹೋದ ಪತ್ರಕರ್ತರು ಮೊಬೈಲ್‌ ಕೂಡಾ ದಿಟ್ಟಿಸದೆ ನಾಟಕದಲ್ಲಿ ಮುಳುಗಿ ಹಲವು ಸನ್ನಿವೇಶಗಳಿಗೆ ಕಣ್ಣೀರಾದರು.

ದತ್ತು ಪದ್ಧತಿಗೆ ಹೊಸ ವ್ಯಾಖ್ಯೆ

ವೃದ್ಧ ಪೋಷಕರು ಹೊರೆ ಎಂಬ ಮಕ್ಕಳು, ಸೊಸೆಯಂದಿರ ಮನೋವ್ಯಾಪಾರ, ಮಕ್ಕಳ ಮೇಲಿನ ವೃದ್ಧರ ಅವಲಂಬನೆ, ಭವಿಷ್ಯದ ಅನಿಶ್ಚಿತತೆಗಳು, ಕುಟುಂಬ ಸದಸ್ಯರ ನಿರ್ಲಕ್ಷ್ಯ, ಸಾಮಾಜಿಕ ಸಂಪರ್ಕಗಳ ಕೊರತೆಯಿಂದ ಹಿರಿಯರು ಅನುಭವಿಸುತ್ತಿರುವ ಒಂಟಿತನದ ವೇದನೆ, ವೃದ್ಧಾಪ್ಯದ ಸೂಕ್ಷ್ಮ ಸಂವೇದನೆಗಳು ಕಾಲಚಕ್ರದ ಎಲ್ಲ ಸನ್ನಿವೇಶಗಳಲ್ಲಿ ಸೊಗಸಾಗಿ ಮೂಡಿಬಂದಿವೆ.

---

-ಡಾ. ಸುಜಾತಾ ಜಂಗಮಶೆಟ್ಟಿ, ನಿರ್ದೇಶಕರು, ರಂಗಾಯಣ, ಕಲಬುರಗಿ

ಜೀವನದಾಗ ತಂದೆ - ತಾಯಿ ದೊಡ್ಡವರು, ಅವರ ಗೌರವ ಮರ್ಯಾದಿ ಉಳಸೋ ಕೆಲ್ಸ ಮಕ್ಕಳು ಮಾಡಬೇಕ್ರಿ, ಇಂಥಾ ನಾಟಕ ಮಾಡಿ ನೀವು ಪುಣ್ಯಾದ ಕೆಲ್ಸ ಮಾಡೀರಿ. ನಾಟಕ ನೋಡ್ತಿದ್ಹಂಗೆ ಕಣ್ಣಿರು ಹಂಗೇ ಬರ್ತಿತ್ತು. ಪೋಷಕರಿಗೆ ಮಕ್ಕಳು ಚೆನ್ನಾಗಿ ನೋಡ್ಕೋಬೇಕ್ರಿ.