ಕಲ್ಯಾಣದ ನರ್ಸರಿ ಮಾದರಿ ಶಾಲೆಗಳಿಗೆ ಆರಂಭದಲ್ಲೇ ಅಪಸ್ವರ

ಶೇಷಮೂರ್ತಿ ಅವಧಾನಿ

ಪ್ರಾಥಮಿಕ ಹಂತದಲ್ಲಿಯೆ ಮಕ್ಕಳಿಗೆ ಗುಣಾತ್ಮಕ ಶಿಕ್ಷಣ ನೀಡಬೇಕು, ಯಾವ ಮಕ್ಕಳು ಕಲಿಕೆಯಿಂದ ಹಿಂದುಳಿಯಬಾರದೆಂಬ ಉದ್ದೇಶದಿಂದ ರಾಜ್ಯ ಸರ್ಕಾರವು ಪ್ರಸಕ್ತ 2024-25ನೇ ಸಾಲಿನಲ್ಲಿ ಕಲಬುರಗಿ ವಿಭಾಗದ ಆಯ್ದ 1,008 ಪ್ರಾಥಮಿಕ ಶಾಲೆಗಳಲ್ಲಿ ಆರಂಭಿಸಲು ಉದ್ದೇಶಿಸಿರುವ ಪೂರ್ವ ಪ್ರಾಥಮಿಕ (ಎಲ್.ಕೆ.ಜಿ-ಯು.ಕೆ.ಜಿ.) ನರ್ಸರಿ ಮಾದರಿ ತರಗತಿಗಳಿಗೆ ಅಂಗನವಾಡಿ ನೌಕರರ ಸಂಘಟನೆ ಪ್ರಬಲ ವಿರೋಧ ವ್ಯಕ್ತಪಡಿಸಿದೆ.

ಕಳೆದ 2 ವಾರದಿಂದ ಶಾಲಾ ಶಿಕ್ಷಣ ಇಲಾಖೆಯ ಕಕ ಭಾಗದ ಡಿಡಿಪಿಐ, ಮಹಿಳಾ, ಮಕ್ಕಳ ಇಲಾಖೆಯ ಜಿಲ್ಲಾ ಕಚೇರಿಗಳು, ಕಲ್ಯಾಣದ ಶಾಸಕರು, ಸಂಸದರ ಮನೆಗಳ ಮುಂದೆಲ್ಲ ಧರಣಿ ಮಾಡುತ್ತ ತಮ್ಮ ಆತಂಕ ಹೊರಹಾಕುತ್ತ ಸದರಿ ಅರ್ಲಿ ಚೈಲ್ಡ್‌ ಹುಡ್‌ ಕೇರ್‌ ಆಂಡ್‌ ಡೆವಲಪ್‌ಮೆಂಟ್‌- ಇಸಿಸಿಡಿ ಯೋಜನೆಯಡಿಯ ನರ್ಸರಿ ತರಗತಿಗಳನ್ನು ಬಲವಾಗಿ ವಿರೋಧಿಸುತ್ತಿದ್ದಾರೆ.

ಈಗಾಗಲೇ ಅಂಗನವಾಡಿಗಳಲ್ಲಿ 3ರಿಂದ 6 ವರ್ಷದೊಳಗಿನ ಮಕ್ಕಳ ಆರೈಕೆ ಸಾಗಿರೋದಾಗ ಮತ್ಯಾಕೆ ಕೆಕೆಆರ್‌ಡಿಬಿ ಅಡಿಯಲ್ಲಿ ನರ್ಸರಿ ಮಾದರಿ ಶಾಲೆಗಳು ಆರಂಭಿಸುತ್ತೀರಿ? ಕಲ್ಯಾಣ ಭಾಗದಲ್ಲಿ ಆಯ್ದ ಅಂಗನವಾಡಿಗಳಲ್ಲೇ 1008 ನರ್ಸರಿ ತರಗತಿಗಳನ್ನು ಆರಂಭಿಸಬಹುದಲ್ಲವೆ? ಎಂಬುದು ಅಂಗನವಾಡಿ ನೌಕರರ ಪ್ರಶ್ನೆಯಾಗಿದೆ.ಅಂಗನವಾಡಿಗಳು ಚೆನ್ನಾಗಿ ಕೆಲಸ ಮಾಡುತ್ತಿವೆಯೋ, ಇಲ್ಲವೋ ಎಂದು ಗುರುತಿಸಲು ಮಕ್ಕಳ ಸಂಖ್ಯಾಬಲ, ಸ್ಥಿಗತಿ ಅಧ್ಯಯನ ನಡೆಯಲಿ. ಪರಿಣಿತರ ತಂಡ ನೀಡುವ ಅಧ್ಯಯನ ವರದಿ ಬರೋವರೆಗೂ ಇಸಿಸಿಡಿ ಅಡಿಯಲ್ಲಿ 1008 ನರ್ಸರಿ ಶಾಲೆಗಳನ್ನು ಆರಂಭಿಸಬೇಡಿರೆಂದು ಅಂಗನವಾಡಿ ನೌಕರರು ಸರ್ಕಾರವನ್ನು ಆಗ್ರಹಿಸುತ್ತಿದ್ದಾರೆ.

1) ಪ್ರಾಥಮಿಕ ಹಂತದಲ್ಲಿಯೆ ಮಕ್ಕಳಿಗೆ ಗುಣಾತ್ಮಕ ಶಿಕ್ಷಣ ನೀಡಬೇಕು

3) ಆರಂಭದಲ್ಲೇ ಶಿಕ್ಷಣದ ಭದ್ರ ಬುನಾದಿ ಹಾಕಲು ಪೂರ್ವ ಪ್ರಾಥಮಿಕ ತರಗತಿಗಳತ್ತ ಲಕ್ಷ

5) ಇದಕ್ಕಾಗಿ ಕೆಕೆಆರ್‌ಡಿಬಿ ಯ ಅಕ್ಷರ ಅವಿಷ್ಕಾರದಲ್ಲಿ ಹಣಕಾಸು ನೆರವು ಪಡೆದು ಕ್ರಮ

7) ಪೂರ್ವ ಪ್ರಾಥಮಿಕ ಹಂತದಲ್ಲಿ ಗುಣಾತ್ಮಕ ಶಿಕ್ಷಣ, ಕ್ರಿಯಾತ್ಮಕ ಚಟುವಟಿಕೆಗೆ ಹೆಚ್ಚಿನ ಅನುದಾನ ನಿರೀಕ್ಷೆ

1) 4 ವರ್ಷದ ಮಕ್ಕಳು ನರ್ಸರಿಗೆ ಹೋದಲ್ಲಿ ಅಂಗನವಾಡಿಗಳಿಗೆ ಮಕ್ಕಳ ಬರ ಕಾಡೋದು ನಿಶ್ಚಿತ

3) ಅಂಗನವಾಡಿಗೆ ದಾಖಲಾದ ಮಕ್ಕಳೇ ನರ್ಸರಿ ಶಾಲೆಗಳಿಗೂ ದಾಖಲಾಗಿ ಡಬ್ಬಲ್‌ ದಾಖಲೆ ಸಮಸ್ಯೆ

5) ನರ್ಸರಿಗೆ ನೇಮಕವಾಗುವ ಈಗಿನ ಯುವಕ- ಯುವತಿಯರು ಪುಟಾಣಿಗಳೊಂದಿಗೆ ಬೆರೆಯೋದೇ ಆತಂಕ

7) ಹೊಸತಾಗಿರೋ ಯುವಕ- ಯುವತಿಯರಿಗೂ, ಅನುಭವಿ ಅಂಗನವಾಡಿಯವರಿಗೂ ವ್ಯತ್ಯಾಸ ಇರೋದಿಲ್ಲವೆ?

9) 1008 ಅಂಗನವಾಡಿ ಗುರ್ತಿಸಿ ಅಲ್ಲೇ ಹೊಸ ನರ್ಸರಿ ಶಾಲೆ ಆರಂಭಿಸಿದರೆ ಅಭ್ಯಂತರವಿಲ್ಲ

11) ಅಧ್ಯಯನ ವರದಿ ಬರೋವರೆಗೂ ಇಸಿಸಿಡಿ ನರ್ಸರಿ ಶಾಲೆಗಳ ಆರಂಭ ಕೈಬಿಡಿವಿಭಾಗವಾರು ಮಕ್ಕಳ ದಾಖಲಾತಿ ನೋಟ: ಅಂಗನವಾಡಿಗಳಲ್ಲಿ 6 ತಿಂಗಳಿನಿಂದ 6 ವರ್ಷ ವರೆಗಿನ ಮಕ್ಕಳ ದಾಖಲಾತಿ ಪ್ರಮಾಣ ನೋಡಿದಾಗ ಬೆಂಗಳೂರು ವಿಭಾಗದಲ್ಲಿ ಶೇ.40.94, ಧಾರವಾಡ ವಿಭಾಗದಲ್ಲಿ ಶೇ.61.61, ಮೈಸೂರು ವಿಭಾಗದಲ್ಲಿ ಶೇ.34.48 ಹಾಗೂ ಕಲಬುರಗಿ ವಿಭಾಗದಲ್ಲಿ ಅತಿ ಹೆಚ್ಚು ಶೇ.70.93 ರಷ್ಟು ಮಕ್ಕಳು ಅಂಗನವಾಡಿ ಕೇಂದ್ರದ ಮೇಲೆ ಅವಲಂಬಿತರಾಗಿದ್ದಾರೆ. ಪೂರ್ವ ಪ್ರಾಥಮಿಕ ತರಗತಿ ಪ್ರಾರಂಭದಿಂದ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಅಂಗನವಾಡಿ ಮೇಲಿನ ಹೊರೆ ಸಹ ತಪ್ಪಲಿದೆ ಎಂದು ಶಾಲಾ ಶಿಕ್ಷಣ ಇಲಾಖೆಯ ಲೆಕ್ಕಾಚಾರವಾಗಿದೆ.ಶಿಕ್ಷಣ ಇಲಾಖೆಯಲ್ಲಿ ಈಗಾಗಲೇ 36 ಸಾವಿರ ಶಿಕ್ಷಕರಿಲ್ಲ, ಶಾಲಾ ಕಟ್ಟಡಗಳಿಲ್ಲ, ಸರಕಾರ ಈಗಾಗಲೇ ಆರ್ಥಿಕ ಮುಗ್ಗಟ್ಟಿನ ಲ್ಲಿರುವ ನಕಲು ಯೋಜನೆಗಳಿಂದ ಇರುವ ಮೂಲ ಯೋಜನೆ (ಐಸಿಡಿಎಸ್) ಗೆ ಧಕ್ಕೆಯಾಗುವ ಹಾಗೆ ನಡೆದುಕೊಳ್ಳುತ್ತಿದೆ. ಐಸಿಡಿಎಸ್ ಅಡಿಯಲ್ಲಿರುವ ಮಕ್ಕಳ ಸ್ಥಿತಿ-ಗತಿಯ ಬಗ್ಗೆ ಅಧ್ಯಯನ ಮಾಡಬೇಕು. ಅಧ್ಯಯನ ಮಾಡಲು ಮಕ್ಕಳ ತಜ್ಞರು, ಮಕ್ಕಳ ವೈದ್ಯರು ಮತ್ತು ಪೂರ್ವ ಪ್ರಾಥಮಿಕ ಶಿಕ್ಷಣಕ್ಕೆ ಸಂಬಂಧಿಸಿದ ತಜ್ಞರು ಹಾಗೂ ನಮ್ಮ ಸಂಘದ ಆ ಪ್ರತಿನಿಧಿಗಳು ಮತ್ತು ಎರಡು ಇಲಾಖೆಯ ಪ್ರಮುಖರ ನ್ನೊಳಗೊಂಡ ಸಮಿತಿ ಅವರಿಂದ ವರದಿ ಪಡೆದು ಮುಂದುವರಿಯಬೇಕು.