ಚಿತ್ರಕಲಾ ಕ್ಷೇತ್ರವನ್ನೂ ಪ್ರೀತಿಸುವಂತೆ ಕಾರದ ಕಟ್ಟಿ ಸಲಹೆ

ಕನ್ನಡಪ್ರಭ ವಾರ್ತೆ ಹಾಸನ

ನಗರದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಭವನದಲ್ಲಿ ನಿರ್ಮಲ ಕಲಾಶಾಲೆಯ ಹಳೆ ವಿದ್ಯಾರ್ಥಿಗಳಿಂದ ಭಾನುವಾರ ಬೆಳಿಗ್ಗೆ ಹಮ್ಮಿಕೊಳ್ಳಲಾಗಿದ್ದ ಗುರುವಂದನಾ ಕಾರ್ಯಕ್ರಮದಲ್ಲಿ ಗೌರವ ಸ್ವೀಕರಿಸಿ ನಂತರ ಮಾತನಾಡಿದ ಅವರು, ತಾತ್ಕಾಲಿಕವಾಗಿ ಇಲ್ಲಿಗೆ ಬಂದಾಗ ಕಾರಣಾಂತರದಿಂದ ೩೮ ವರ್ಷಗಳ ಜರ್ನಿ ಇಲ್ಲೆ ಕಳೆದಿದ್ದೇನೆ. ನನ್ನ ಹಳೆ ವಿದ್ಯಾರ್ಥಿಗಳು ಇಲ್ಲಿ ಸೇರಿದ್ದು, ಇಲ್ಲಿ ಶಿಕ್ಷಕರು ಮತ್ತು ದೊಡ್ಡ ದೊಡ್ಡ ಕಲಾವಿದರು ಕೂಡ ಇದ್ದು, ತಮ್ಮ ಸಂತೋಷವನ್ನು ನನಗೊಂದು ಗೌರವ ಸೂಚಿಸಿ ಸಂಭ್ರಮಿಸುತ್ತಿರುವುದಕ್ಕೆ ಅವರಿಗೆಲ್ಲಾ ಧನ್ಯವಾದಗಳನ್ನು ಅರ್ಪಿಸುತ್ತೇನೆ ಎಂದರು.

ಕಾರ್ಯಕ್ರಮಕ್ಕೂ ಮೊದಲು ಆರ್‌.ಸಿ. ಕಾರದ ಕಟ್ಟಿ ಅವರು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತುಗೆ ಬಂದಾಗ ಮುಖ್ಯದ್ವಾರದಿಂದಲೇ ಸಾಲಾಗಿ ಹಳೆ ವಿದ್ಯಾರ್ಥಿಗಳು ನಿಂತು ಹೂವಿನ ಮಳೆ ಕರೆದು ಗೌರವ ಸೂಚಿಸಿ ಸಭಾ ಕಾರ್ಯಕ್ರಮಕ್ಕೆ ಬರಮಾಡಿಕೊಂಡರು. ಇವರ ಜೊತೆಯಲ್ಲಿ ಆರ್.ಸಿ. ಕಾರದ ಕಟ್ಟಿ ಧರ್ಮಪತ್ನಿ ಎನ್. ಲಕ್ಷ್ಮಿ ಇದ್ದರು.