ಬೆಳಗು ಪುಸ್ತಕದ ರಾಷ್ಟ್ರವಿರೋಧಿ ಲೇಖನ ಕೈ ಬಿಟ್ಟ ಕವಿವಿ

ಧಾರವಾಡ:

ಈ ಕುರಿತು ಕರ್ನಾಟಕ ವಿವಿ ಪ್ರಭಾರಿ ಕುಲಪತಿ ಜಯಶ್ರೀ ಅವರು ಸ್ಪಷ್ಟಪಡಿಸಿದ್ದು, ಬೆಳಗು ಪುಸ್ತಕದ ಬರಹಗಳ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ಈ ಕುರಿತು ತಜ್ಞರ ಸಮಿತಿಯು ನೀಡಿದ ವರದಿ ಸರ್ಕಾರಕ್ಕೆ ಕಳುಹಿಸಲಾಗಿತ್ತು. ವರದಿಯನ್ವಯ ಬೆಳಗು ಪಠ್ಯಪುಸ್ತಕದ ವಿವಾದಾತ್ಮಕ ಭಾಗ ಕೈಬಿಡಲಾಗಿದೆ. ಜ. 29ರಂದು ನಡೆಯಬೇಕಿದ್ದ ಬಿಎ ಪ್ರಥಮ ಸೆಮಿಸ್ಟರ್‌ ಕನ್ನಡ ಪರೀಕ್ಷೆಯನ್ನು ಮುಂದೂಡಲಾಗಿದೆ. ಪರೀಕ್ಷೆಯಲ್ಲಿ ವಿವಾದಿತ ಪಠ್ಯವನ್ನು ಪರಿಗಣಿಸದೇ ಪ್ರಶ್ನೆ ಪತ್ರಿಕೆ ರೂಪಿಸಲಾಗುವುದು. ಪಠ್ಯಪುಸ್ತಕ ಆಯ್ಕೆ ಸಮಿತಿ ಮೇಲೆ ಕ್ರಮಕೈಗೊಳ್ಳುವ ಕುರಿತು ಸಭೆಗಳನ್ನು ನಡೆಸಲಾಗುವುದು. ಸಭೆಯ ತೀರ್ಮಾನದನ್ವಯ ಕ್ರಮಕೈಗೊಳ್ಳಲಾಗುವುದು ಎಂದು ಮಾಧ್ಯಮಗಳಿಗೆ ಶುಕ್ರವಾರ ತಿಳಿಸಿದರು.

ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ಶಾಸಕ ಅರವಿಂದ ಬೆಲ್ಲದ ಮಾತನಾಡಿ, ಬೆಳಗು ಪಠ್ಯಪುಸ್ತಕದಲ್ಲಿ ಸಂವಿಧಾನ ವಿರೋಧಿ ಲೇಖನ ಸೇರಿಸಿದ್ದರಿಂದ ಇಡೀ ರಾಜ್ಯವೇ ತಲೆತಗ್ಗಿಸುವಂತಾಗಿದೆ. ಕೂಡಲೇ ಸರ್ಕಾರ ಲೇಖನದ ಲೇಖಕರು, ಪುಸ್ತಕದ ಸಂಪಾದಕರ ಮೇಲೆ ಅಗತ್ಯ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.

ಪ್ರತಿಭಟನೆಯಲ್ಲಿ ಪಾಲಿಕೆ ಸದಸ್ಯರಾದ ಶಿವು ಹಿರೇಮಠ, ಜ್ಯೋತಿ ಪಾಟೀಲ, ಶಂಕರ ಶೇಳಕೆ, ಚಂದ್ರಶೇಖರ ಮನಗುಂಡಿ, ಮಂಜುನಾಥ ಬಟ್ಟೆಣ್ಣವರ, ವಿಷ್ಣು ಕೊರ್ಲಹಳ್ಳಿ ಹಾಗೂ ಎಬಿವಿಪಿಯ ಅರುಣ ಅಮರಗೋಳ, ಮಣಿಕಂಠ ಕಳಸ, ವಿಜಯ ಕಲ್ಲೂರ, ಸೋಹನ ಮಲ್ಲಾಡದ, ನಾಗರತ್ನ, ತೃಪ್ತಿ,ಪೂನಂ , ವಿಜಯಲಕ್ಷ್ಮಿ ಸೇರಿದಂತೆ ನೂರಾರು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.