ಕೆಸರ್ ಗದ್ದೆಯಲ್ಲಿ ಜಿಎಸ್‌ಬಿ ಸ್ಪರ್ಧಾ ಸಂಭ್ರಮ

ಮೂಡುಬಿದಿರೆ: ಶ್ರೀ ರಾಮ ಮಂದಿರ ಕೆಸರ್ ಗದ್ದೆ ಇಲ್ಲಿ ಹದಿನಾಲ್ಕನೇ ವರ್ಷದ ಜಿಎಸ್‌ಬಿ ಸ್ಪರ್ಧಾ ಕಾರ್ಯಕ್ರಮ, ಸಾಧಕರಿಗೆ ಸಮ್ಮಾನ, ಪ್ರತಿಭಾ ಪುರಸ್ಕಾರ ಸಂಭ್ರಮ ಇಲ್ಲಿನ ಸುನಂದಾ ಮಾಧವ ಪ್ರಭು ಸಭಾಂಗಣದಲ್ಲಿ ಜರುಗಿತು. ಸಮಾರೋಪ ಸಮಾರಂಭದಲ್ಲಿ ಕಳೆದ ಮೂರೂವರೆ ದಶಕಗಳಿಂದ ಪುತ್ತಿಗೆ ಶ್ರೀ ಸೋಮನಾಥೇಶ್ವರ ಚಿಕ್ಕ ಮೇಳದ ಭಾಗವತ ರಾಗಿ ಸಂಚಾಲಕರಾಗಿಯೂ ಸೇವೆ ಸಲ್ಲಿಸಿರುವ ಯಕ್ಷ ರಂಗದ ಸಂಪಿಗೆ ಸುರೇಂದ್ರ ಪೈ ಪುತ್ತಿಗೆ ಅವರನ್ನು ಸಮ್ಮಾನಿಸಲಾಯಿತು.

ಸ್ಪರ್ಧಾ ಕಾರ್ಯಕ್ರಮದಲ್ಲಿ ವಿಶೇಷ ಸಾಧನೆ ಮಾಡಿದ ಲಾವಣ್ಯ ಕಾಮತ್ ಮೂಡುಬಿದಿರೆ ( 1 ರಿಂದ 5 ನೇ ತರಗತಿ ವಿಭಾಗ) ರಚನಾ ಪೈ ಕಾರ್ಕಳ ( 6 ರಿಂದ 10 ನೇ ತರಗತಿ ವಿಭಾಗ) ಎಂ. ಸುಧೀಂದ್ರ ಕಾಮತ್ ಮೂಡುಬಿದಿರೆ ( ಕಾಲೇಜು ಮತ್ತು ಸಮಾಜ ಬಾಂಧವರ ವಿಭಾಗ ) ಅವರನ್ನು ವೈಯಕ್ತಿಕ ಸಾಧನೆ ಪ್ರಶಸ್ತಿಯೊಂದಿಗೆ ಪುರಸ್ಕರಿಸಲಾಯಿತು.

ವಿವಿಧ ಹಂತಗಳಲ್ಲಿ ನಡೆದ ಗೌರವಾರ್ಪಣೆಯಲ್ಲಿ ದಾನಿಗಳು, ಪ್ರಾಯೋಜಕರು ಪಾಲ್ಗೊಂಡಿದ್ದರು. ಕಾರ್ಯಕ್ರಮ ಸಂಯೋಜಕ ಕೆ. ಸುಧೇಶ್ ಭಟ್ ಕಾರ್ಯಕ್ರಮದ ಸವಿವರ ನೀಡಿದರು. ಕೆ. ದಯಾನಂದ ಭಟ್ ಸ್ವಾಗತಿಸಿದರು. ಸುವರ್ಣಿ ಪೈ ಹಾಗು ನಿರ್ಮಲಾ ಕಾಮತ್ ಸನ್ಮಾನ ಪತ್ರ ವಾಚನ ವಾಚಿಸಿದರು.