ಸಾಧನೆ ಕನಸು ಹೊತ್ತವರಿಗೆ ಅಕ್ಷರ ಜ್ಞಾನ ಆಧಾರ: ವಿಶ್ವನಾಥ್‌

ಸಿರಿಗೆರೆ: ಸಾಧನೆಯ ಶಿಖರದ ಕನಸು ಹೊತ್ತವರಿಗೆ ಅಕ್ಷರ ಜ್ಞಾನವೇ ಆಧಾರ ಎಂದು ಕರ್ನಾಟಕ ರಾಜ್ಯ ಮುಕ್ತ ವಿವಿ ನೂತನ ಕುಲಸಚಿವ ಡಾ.ಎಚ್.‌ವಿಶ್ವನಾಥ್‌ ಹೇಳಿದರು.

ಬಡವರು, ಶೋಷಿತರ ಜೊತೆಗೆ ಎಲ್ಲರೂ ಹೆಚ್ಚು ಹೆಚ್ಚು ಅಕ್ಷರ ಜ್ಞಾನ ಪಡೆದು ಜೀವನದಲ್ಲಿ ಮುಂದೆ ಬರಬೇಕು ಎಂಬುದು ಬಾಬಾ ಸಾಹೇಬ್ ಅಂಬೇಡ್ಕರ್, ಬಾಬು ಜಗಜೀವನ್ ರಾಮ್, ಫುಲೆ, ಗಾಂಧೀಜಿ, ವಿವೇಕಾನಂದರ ಆಶಯವಾಗಿತ್ತು. ಹಾಗಾಗಿ ಎಲ್ಲರೂ ಕೂಡ ಮಕ್ಕಳಿಗೆ ಉತ್ತಮ ಶಿಕ್ಷಣ ಕೊಡಿಸುವ ಮೂಲಕ ಹಲವು ರೀತಿಯ ದಾಸ್ಯಗಳಿಂದ ಮುಕ್ತಿ ಕಾಣಬೇಕು ಎಂದರು.

ದ್ಯಾಪನಹಳ್ಳಿ ನಿವೃತ್ತ ಶಿಕ್ಷಕರಾದ ಮಲ್ಲಿಕಾರ್ಜುನಪ್ಪ, ಚವಲಿಹಳ್ಳಿ ನಿವೃತ್ತ ಶಿಕ್ಷಕರಾದ ಕರಿಯಪ್ಪ, ಭರಮಸಾಗರ ಬ್ಲಾಕ್ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ಎಂ. ದುರ್ಗೇಶ್ ಪೂಜಾರ್, ಮಾಜಿ ಜಿಲ್ಲಾ ಪಂಚಾಯಿತಿ ಸದಸ್ಯ ನರಸಿಂಹರಾಜು ಎಸ್ಸಿ ಸೆಲ್ ಪ್ರಧಾನ ಕಾರ್ಯದರ್ಶಿ ಶಿವಣ್ಣ ಎಸ್ಟಿ ಸೆಲ್ ಪ್ರಧಾನ ಕಾರ್ಯದರ್ಶಿ ಹನುಮಂತಪ್ಪ ಸಮುದಾಯದ ಮುಖಂಡರಾದ ರಾಜು ಸೀಗೇಹಳ್ಳಿ, ಅಂಜಿನಪ್ಪ, ವೀರಬಸಪ್ಪ ಹಾಗೂ ಭರಮಸಾಗರ ಹೋಬಳಿಯ ಮಾದಿಗ ಸಮಾಜದ ಬಂಧುಗಳು, ಶಿಕ್ಷಣ ಪ್ರೇಮಿಗಳು ಹಾಗೂ ಇತರೆ ಗಣ್ಯ ಮುಖಂಡರು ಹಾಜರಿದ್ದರು.