ಕೊಳ್ಳೇಗಾಲ ಟಿಎಪಿಸಿಎಂಎಸ್ ವ್ಯಾಪಕ ಭ್ರಷ್ಟಾಚಾರ

ಕನ್ನಡಪ್ರಭ ವಾರ್ತೆ ಕೊಳ್ಳೇಗಾಲ

ಇಲ್ಲಿನ ವ್ಯಾಪಕ ಭ್ರಷ್ಟಾಚಾರದ ವಿರುದ್ಧ ಹಲವು ಸದಸ್ಯರು ತಿರುಗಿ ಬಿದ್ದು ಈ ಪ್ರಕರಣದಲ್ಲಿ ಭಾಗಿಯಾಗಿದ್ದ ಪ್ರಮುಖ ಆರೋಪಿ ಆಹಾರ ಇಲಾಖೆಯ ಹಿಂದಿನ ನಿರ್ದೇಶಕರು, ನಿರೀಕ್ಷಕರನ್ನು ರಕ್ಷಿಸುವ ಕೆಲಸ ಆಗುತ್ತಿದೆ. ಎರಡೂವರೆ ವರ್ಷಗಳಿಂದಲೂ ಆಡಳಿತ ಮಂಡಳಿ ನಿಷ್ಕ್ರಿಯವಾಗಿದೆ ಎಂದು ತರಾಟೆ ತೆಗೆದುಕೊಂಡ ಘಟನೆ ಜರುಗಿತು.

ಹಿಂದಿನ ನೌಕರ ಕೃಷ್ಣಶೆಟ್ಟಿ ಅವರನ್ನು ಸಂಸ್ಥೆಯಿಂದ ವಜಾಗೊಳಿಸಿರುವುದಾಗಿ ನ್ಯಾಯಾಲಯಕ್ಕೆ ತಪ್ಪು ಮಾಹಿತಿ ನೀಡಲಾಗಿದೆ ಎಂದು ಪ್ರಶ್ನಿಸುತ್ತಿದ್ದಂತೆ ಗಣಕ ಯಂತ್ರ ನಿರ್ವಾಹಕ ಮಹದೇವಸ್ವಾಮಿ ಅದು ಕಂಪ್ಯೂಟರ್ ನಿಂದ ಆದ ತಪ್ಪಿರಬಹುದು ಎನ್ನುತ್ತಿದ್ದಂತೆ ಸದಸ್ಯ ಬಸವರಾಜು, ಪರಶಿವ ಅವರು ಕಾರ್ಯದರ್ಶಿ ಹಾಗೂ ಕಂಪ್ಯೂಟರ್ ಆಪರೇಟರ್ ಅವರನ್ನು ತರಾಟೆ ತೆಗೆದುಕೊಂಡರು. ನ್ಯಾಯಾಲಯವನ್ನೆ ದಿಕ್ಕು ತಪ್ಪಿಸಲು ಹೇಗೆ ಆ ರೀತಿ ಮಾಹಿತಿ ನೀಡಿದ್ದೀರಿ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಸಭೆಯಲ್ಲಿ ಮಾತನಾಡಿದ ಸೋಮಶೇಖರ್ ಅವರು ಇಲ್ಲಿನ ಅವ್ಯವಹಾರದಲ್ಲಿ ನಾನು ಭಾಗಿಯಾಗಿಲ್ಲ, ಆಡಿಟ್ ವರದಿ ಪರಿಶೀಲಿಸದೆ ಲೋಪ ಎಸಗಿ ನನ್ನನ್ನು ಬಲಿಪಶು ಮಾಡಲಾಗಿದೆ ಎಂದು ನೌಕರ ನಾಗೇಂದ್ರಸ್ವಾಮಿ ಎಂಬವರು ಹೇಳುತ್ತಿದ್ದಾರೆ, ಇದು ಸುಳ್ಳಿನ ಪ್ರಕರಣ ಎಂದು ಹೇಳುತ್ತಿದ್ದಾರೆ. ಅವರು ಹಣ ದುರ್ಬಳಕೆ ಮಾಡಿಕೊಂಡಿದ್ದಾರೆ ಎಂಬುದಕ್ಕೆ ನಿಮ್ಮ ಬಳಿ ದಾಖಲೆ ಏನಿದೆ ಎಂದು ಪ್ರಶ್ನಿಸಿದರಲ್ಲದೆ ಯಾರು ಹಣ ದುರ್ಬಳಕೆ ಮಾಡಿಕೊಂಡಿದ್ದರೆ ಅವರ ಮೇಲೆ ಕ್ರಮವಾಗಲಿ ಎಂದು ಆಗ್ರಹಿಸಿದರು .ಕೃಷ್ಣಶೆಟ್ಟಿ ವಜಾ ಪ್ರಕರಣದಲ್ಲಿ ಸಭೆಯಲ್ಲಿ ಮಾತಿನ ಚಕಮಕಿ ನಡೆಯಿತು. ಕೃಷ್ಣಶೆಟ್ಟಿ ಅವರನ್ನು ವಯೋ ನಿವೃತ್ತಿ ಹೊಂದಿದ ಹಿನ್ನೆಲೆ ನೌಕರನನ್ನು ಬಿಡುಗಡೆಗೊಳಿಸಲಾಗಿದೆ ಎಂದು ಹೇಳಿದ್ದಿರಿ, ಆದರೆ ಆತನನ್ನು ಅಮಾನತ್ತುಗೊಳಿಸಲಾಗಿದೆ. ಆತನ ವಿರುದ್ಧ ಹಣ ದುರ್ಬಳಕೆ ಪ್ರಕರಣವಿದೆ, 2 ಲಕ್ಷ ಹಣವನ್ನು ಸಂಸ್ಥೆಗೆ ಪಾವತಿಸಿಕೊಂಡಿದ್ದಿರಿ, ಹೀಗಾಗಿ ನೀವು ನಿಯಮ ಮೀರಿ ಆತನನ್ನು ಯಾವ ರೀತಿ ವಜಾಗೊಳಿಸಿದ್ದೀರಿ, ಬೈಲಾ ಪ್ರಕರಣ ಇದು ಅಕ್ಷಮ್ಯ ಅಪರಾಧ ಎಂದು ಬೈಲಾ ಹಾಗೂ ಸರ್ಕಾರಿ ನಿಯಮ ಓದಿ ಹೇಳುವ ಮೂಲಕ ಆಡಳಿತ ಮಂಡಳಿಯೆ ನಿಬ್ಬೆರಗಾಗುವಂತೆ ಪಾಳ್ಯ ಪರಶಿವಮೂರ್ತಿ ಆದೇಶ ಪ್ರತಿ ಓದಿ ಗಮನ ಸೆಳೆದರು. ಹಿಂದಿನ ಆಡಳಿತ ಮಂಡಳಿಯೇ ಇಲ್ಲಿನ ಕೋಟಿಗಟ್ಟಲೆ ಅವ್ಯವಹಾರಕ್ಕೆ ಕಾರಣವಾಗಿದ್ದು ಯಾರ ವಿರುದ್ಧ ದೂರು ಕೊಡಿಸಲಾಗಿದೆ ತಿಳಿಸಿ, ಅದೇ ರೀತಿ ಅವ್ಯವಹಾರದಲ್ಲಿ ಭಾಗಿಯಾದ ಎಲ್ಲರ ಮೇಲೆ ಕ್ರಮವಾಗಲಿದೆ ಎಂದಿದ್ದೀರಿ, ಯಾರ ಮೇಲೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಮೊದಲು ಸಭೆಗೆ ಮಾಹಿತಿ ನೀಡಿ. ಅಲ್ಲದೆ ಕೃಷ್ಣಶೆಟ್ಟಿ ಅವರನ್ನು ನಿಯಮ ಮೀರಿ ವಜಾಗೊಳಿಸಿದ್ದು ನ್ಯಾಯಾಲಯಕ್ಕೂ ತಪ್ಪು ಮಾಹಿತಿ ನೀಡಲಾಗಿದೆ ಎಂದು ಬಸವರಾಜು, ಪರಶಿವ ಅವರು ಆಡಳಿತ ಮಂಡಳಿಯ ಕಾರ್ಯವೈಖರಿಗೆ ಹರಿಹಾಯ್ದರು.ಎರಡೂವರೆ ವರ್ಷದಲ್ಲಿ ನೂತನ ಆಡಳಿತ ಮಂಡಳಿ ತಪ್ಪಿತಸ್ಥರ ರಕ್ಷಣೆ ಮಾಡುತ್ತಿದೆ, ನಿಜಕ್ಕೂ ಸಹ ಮಂಡಳಿಗೆ ಸೌಜನ್ಯವಿದ್ದರೆ ಹಿಂದಿನ ಆಹಾರ ಇಲಾಖೆಯ ನಿರ್ದೇಶಕರ ರಾಚಪ್ಪ ಮತ್ತು ನಿಂಗರಾಜು ಸೇರಿದಂತೆ ಹಲವರನ್ನು ರಕ್ಷಣೆ ಮಾಡಲಾಗಿದೆ. ಈ ಬೆಳವಣಿಗೆ ಸರಿಯಲ್ಲ ಎಂದು ಸಭೆಯಲ್ಲಿ ತರಾಟೆ ತೆಗೆದುಕೊಳ್ಳಲಾಯಿತು.ಅನುಭವಿಗಳಿದ್ದೀರಾ, ನೀವು ಮಾಡಿದ್ದೇನು?: ನೀವು ಅನುಭವಿಗಳಿದ್ದೀರಿ, ಜಿಪಂನ ಪ್ರಭಾರಿ ಅದ್ಯಕ್ಷರಾಗಿದ್ದ ಚಾಮರಾಜು, ತಾಪಂನ ಅಧ್ಯಕ್ಷರಾಗಿದ್ದ ಮುರಳಿ ಸೇರಿದಂತೆ ಇಲ್ಲಿರುವ ಅನೇಕ ಮಂದಿ ಟಿಎಪಿಸಿಎಂಎಸ್ ಆಡಳಿತ ಮಂಡಳಿಯಲ್ಲಿದ್ದೀರಿ, ನೀವು ಇಲ್ಲಿಗೆ ಸುಪ್ರಿಂಗಳು, ಹಾಗಿದ್ದರೂ ಸಹ ಇಲ್ಲಿನ ತಪ್ಪಿತಸ್ಥರನ್ನು ರಕ್ಷಿಸುವ ಕೆಲಸ ಇಲ್ಲಾಗುತ್ತಿದೆ. ಹಿಂದಿನ ಪುಡ್ ಡಿಡಿ ಸೇರಿದಂತೆ ಅವ್ಯವಹಾರ ನಡೆಸಿದ ಇಲ್ಲಿನ ನೌಕರರ ಮೇಲೂ ಕ್ರಮ ಆಗಬೇಕು ಎಂದು ಕೆಲವು ಸದಸ್ಯರು ಆಗ್ರಹಿಸಿದರು. ಎರಡೂವರೆ ವರ್ಷದಲ್ಲಿ ಆಗದ ಕೆಲ ಮುಂದಿನ ದಿನಗಳಲ್ಲಾದರೂ ಆಗಲಿ ಎಂದು ಹಲವು ಸದಸ್ಯರ ಸಭೆಯಲ್ಲಿ ಪ್ರಸ್ತಾಪಿಸಿ ಗಮನ ಸೆಳೆದರು ಕಳೆ ಬದಲು ಪೈರನ್ನೆ ಕಿತ್ತರು!