ಮಹಾಭಾರತವನ್ನು ಪ್ರಸ್ತುತಪಡಿಸುವಲ್ಲಿ ಕುಮಾರವ್ಯಾಸ ಯಶಸ್ವಿ: ಬೆಳ್ಳಿಪ್ರಕಾಶ್

‘ಕುಮಾರವ್ಯಾಸ ಜನಸಾಮಾನ್ಯರ ಕವಿ । ಯಗಟಿಯಲ್ಲಿ ಕುಮಾರವ್ಯಾಸ ಜಯಂತಿ

ಜನಸಾಮಾನ್ಯರಿಗೆ ಅರ್ಥವಾಗುವಂತೆ ನಾಡಿನ ಭಾಷೆಯಲ್ಲಿ ಮಹಾಭಾರತವನ್ನು ಕುಮಾರವ್ಯಾಸನ ಕರ್ಣಾಟಕ ಭಾರತ ಕಥಾ ಮಂಜರಿಯನ್ನು ನಿರರ್ಗಳತೆಯಿಂದ ಪ್ರಸ್ತುತಪಡಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಅಪೆಕ್ಸ್ ಬ್ಯಾಂಕ್ ಅಧ್ಯಕ್ಷ ಬೆಳ್ಳಿಪ್ರಕಾಶ್ ಹೇಳಿದರು.

ನಡುಗನ್ನಡ ಕಾವ್ಯಲೋಕದಲ್ಲಿ ಅತ್ಯಂತ ವಿಶಿಷ್ಟ ಸ್ಥಾನಕುಮಾರವ್ಯಾಸನ ಕಾವ್ಯ ನಡುಗನ್ನಡ ಕಾವ್ಯಲೋಕದಲ್ಲಿ ಅತ್ಯಂತ ವಿಶಿಷ್ಟ ಸ್ಥಾನ ಪಡೆದಿದೆ ಎಂದು ಗಮಕಿ, ವ್ಯಾಖ್ಯಾನಕಾರ ಡಾ.ಎ.ವಿ ಪ್ರಸನ್ನ ತಿಳಿಸಿದರು.ಕರ್ಣಾಟ ಭಾರತ ಕಥಾ ಮಂಜರಿ ಕರ್ಣ ಪರ್ವದ ಐದನೇ ಸಂಧಿ ದುರ್ಯೋಧನ ಮತ್ತು ಶಲ್ಯನ ನಡುವಿನ ಕುರುಕ್ಷೇತ್ರ ಯುದ್ಧದ 11ನೇ ದಿನದ ಪ್ರಸಂಗಗಳ ಗಮಕ ವಾಚನ ವ್ಯಾಖ್ಯಾನಿಸಿ ಕನ್ನಡ ಕಾವ್ಯಗಳಿಗೆ ಅಲಂಕಾರವೆನಿಸಿದ ಕರ್ಣಾಟ ಭಾರತ ಕಥಾ ಮಂಜರಿಯನ್ನು ರಚಿಸಿದ ಗದುಗಿನ ವೀರನಾರಣಪ್ಪ ನಿಸ್ಸಂಶಯವಾಗಿ ಕನ್ನಡದ ನಡುಗನ್ನಡ ಕಾಲದ ಮೇರು ಪರ್ವತವಾಗಿದ್ದಾರೆ. ಸೋತಾಗ ಮತ್ತೊಬ್ಬರನ್ನು ಹೊಣೆಯಾಗಿಸುವ, ಗೆದ್ದಾಗ ಸ್ವ ಪ್ರಶಂಸೆ ಮಾಡಿಕೊಳ್ಳುವ ಮಾನವ ಸಹಜ ಗುಣಗಳು ಕರ್ಣನಲ್ಲೂ ಇತ್ತು. ಸಮಯಕ್ಕೆ ಅನುಗುಣವಾಗಿ ಬದಲಾಗುವ ಕೌಶಲ್ಯ ಗುಣಗಳು ದುರ್ಯೋಧನ ನಲ್ಲಿದ್ದವು. ನಮ್ಮ ಜವಾಬ್ದಾರಿಯನ್ನು ಮತ್ತೊಬ್ಬರ ಮೇಲೆ ಹಾಕುವ ಈ ಪರಿಪಾಠ ಪ್ರಸ್ತುತ ರಾಜಕಾರಣಿಗಳಲ್ಲಿ, ರಾಜಕೀಯ ಪಕ್ಷಗಳಲ್ಲಿ ಕಾಣಬಹುದಾಗಿದೆ. ಕುಮಾರವ್ಯಾಸನ ಕಾವ್ಯದಲ್ಲಿ ಇಂದಿನ ಪ್ರಸ್ತುತತೆಗೆ ಸಮೀಕರಿಸಲು ಸಾಕಷ್ಟು ಉದಾಹರಣೆ ಗಳು ಕಾಣಬಹುದಾಗಿದೆ. ಕಾವ್ಯ ರಚನೆ, ಕಲ್ಪನೆ, ಕಥಾವಸ್ತು, ಉಪಮೆಗಳು, ವರ್ಣನಾ ಚಾತುರ್ಯ ಕನ್ನಡ ನಡುಗನ್ನಡ ಕಾವ್ಯಲೋಕದಲ್ಲಿ ಅತ್ಯಂತ ವಿಶಿಷ್ಠ ಸ್ಥಾನ ಪಡೆದಿದೆ ಅಧರ್ಮ ವಿದ್ದಡೆಗೆ ಸದಾಕಾಲ ಗೆಲುವು ಸಾಧ್ಯವಿಲ್ಲ. ಧರ್ಮ ಇದ್ದಡೆಗೆ ವಿಜಯವೇ ಅಂತಿಮ ಸಾಧ್ಯತೆ ಎಂಬುದರ ಬಗ್ಗೆ ವರ್ಣಿಸಿರುವುದು ಕುಮಾರವ್ಯಾಸನ ಕಾವ್ಯದ ವಿಶೇಷತೆಗೆ ಸಾಕ್ಷಿ. ಎಂಬುದನ್ನು ಸಮೀಕರಿಸಿ ವ್ಯಾಖ್ಯಾನಿಸಿದರು. ಗಮಕಿ ನಿರ್ಮಲಾ ಪ್ರಸನ್ನ ಗಮಕವಾಚನ ನೆರವೇರಿಸಿಕೊಟ್ಟರು.26ಕೆಕೆಡಿಯು3.ಕಡೂರು ತಾಲೂಕಿನ ಯಗಟಿ ಗ್ರಾಮದ ಗದುಗಿನ ವೀರನಾರಾಯಣ ಸ್ವಾಮಿ ದೇವಸ್ಥಾನ ಟ್ರಸ್ಟ್ ನಿಂದ ನಡೆದ ಕುಮಾರವ್ಯಾಸ ಜಯಂತಿಯಲ್ಲಿ ಅಪೆಕ್ಸ್ ಬ್ಯಾಂಕ್ ಅಧ್ಯಕ್ಷ ಬೆಳ್ಳಿಪ್ರಕಾಶ್ ಅವರಿಗೆ ಕರ್ಣಾಟ ಭಾರತ ಕಥಾ ಮಂಜರಿ ಕಾವ್ಯದ ಪ್ರತಿಯನ್ನು ಮಾಜಿ ಶಾಸಕ ವೈ.ಎಸ್.ವಿ. ದತ್ತ ನೀಡಿ ಗೌರವಿಸಿದರು. ಭಂಡಾರಿ ಶ್ರೀನಿವಾಸ್, ಬಿದರೆ ಜಗದೀಶ್, ರವಿಪ್ರಕಾಶ್, ಅನಂತರಾಮಯ್ಯ, ವೈಟಿ. ರಮೇಶ್, ಕಂಸಾಗರ ರೇವಣ್ಣ ಮತ್ತಿತರರು ಇದ್ದರು.