ಬಸವಧರ್ಮ ಜಾಗತಿಕ ಧರ್ಮ ಆಗಲಿ: ಸಚಿವ ಎಂ.ಬಿ. ಪಾಟೀಲ

ಧಾರವಾಡ:

ಇಲ್ಲಿಯ ಚನ್ನಬಸವೇಶ್ವರ ನಗರದಲ್ಲಿನ ಲಿಂಗಾಯತ ಭವನದಲ್ಲಿ ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ಜಿಲ್ಲಾ ಘಟಕವು ಶುಕ್ರವಾರ ಆಯೋಜಿಸಿದ್ದ ಸಾಂಸ್ಕೃತಿಕ ನಾಯಕ ವಿಶ್ವಗುರು ಶ್ರೀ ಬಸವಣ್ಣನವರು- ಚಿಂತನೆ ಹಾಗೂ ಲಿಂಗಾಯತ ಭವನದ ಎರಡನೇ ಮಹಡಿ'''''''' ಮಹಾದಾನಿ ತ್ಯಾಗವೀರ ಶಿರಸಂಗಿ ಲಿಂಗರಾಜ ದೇಸಾಯಿ ಸಭಾಭವನ ಉದ್ಘಾಟಿಸಿ ಮಾತನಾಡಿದರು.

ಲಿಂಗಾಯತ ಒಳಪಂಗಡಗಳು ಒಂದಾದರೆ ಮಾತ್ರ ದೊಡ್ಡ ಶಕ್ತಿಯಾಗಿ ಹೊರಹೊಮ್ಮಲು ಸಾಧ್ಯವಾಗುತ್ತದೆ. ಒಳ ಪಂಗಡಗಳ ಮಧ್ಯೆ ನೆಂಟಸ್ತಿಕೆ ಬೆಳೆಯಬೇಕು. ಇದೇ ಉದ್ದೇಶ ವೀರಶೈವ ಲಿಂಗಾಯತ ಮಹಾಸಭಾದ್ದಾಗಿದೆ. ಅದು ಅನುಷ್ಠಾನ ಆಗಬೇಕು ಎಂದ ಅವರು, ಧಾರವಾಡದಲ್ಲಿ ಮಹಾಸಭಾದ ಮನವಿ ಅನ್ವಯ ಸಮಾಜದ ಮಕ್ಕಳಿಗೆ ವಸತಿ ನಿಲಯ ನಿರ್ಮಾಣಕ್ಕೆ ಭೂಮಿ ಒದಗಿಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು ಎಂದು‌‌ ಸಚಿವರು ಭರವಸೆ ನೀಡಿದರು.

ವೈದಿಕ ಪರಂಪರೆ ತೊಲಗಿಸಲು, ಧರ್ಮಕ್ಕೆ ಹೊಸ ರೂಪ‌ಕೊಟ್ಟವರು ಬಸವಣ್ಣನವರು. ಧರ್ಮಕ್ಕೆ ಭಯ ಅಲ್ಲ ಭಕ್ತಿ‌ ಸಾಕು ಎಂದು ಸಾರಿದ್ದರು. ಅವರು ಸಮಾಜಕ್ಕೆ ‌ಕೊಟ್ಟಿದ್ದು ಅತಿ ಸರಳ ಬದುಕು. ಇಂತಹ ಬಸವಣ್ಣನವರ ಬೋಧಿಸಿದ ಮೌಲ್ಯಗಳ ಆಚರಣೆಯೇ ಸಾಂಸ್ಕೃತಿಕ ನಾಯಕ ಎಂದು ಕರೆದಿರುವುದಕ್ಕೆ ಸಾರ್ಥಕ ಎಂದರು.

ಮುಂಡರಗಿಯ ನಿಜಗುಣಪ್ರಭು ತೋಂಟದಾರ್ಯ ಸ್ವಾಮಿ ಮಾತನಾಡಿ, ಬಸವಣ್ಣನವರು ಬರೀ ಧಾರ್ಮಿಕ, ಸಾಮಾಜಿಕ, ಆರ್ಥಿಕ ಸುಧಾರಣೆಗೆ ಮಾತ್ರ ಸೀಮಿತವಾಗಿರಲಿಲ್ಲ. ಅವರು ಅಪಾರ ಕನ್ನಡ ಭಾಷಾ ಪ್ರೇಮಿ ಆಗಿದ್ದರು. ಈ ಕಾರಣದಿಂದ ಅನ್ಯ ಪ್ರಾಂತ್ಯಗಳಿಂದ ಬಂದ ಶರಣರಿಗೂ ಕನ್ನಡ‌ ಕಲಿಸಿ, ಕನ್ನಡದಲ್ಲಿ ವಚನ ರಚನೆಗೆ ಪ್ರೋತ್ಸಾಹಿಸಿದರು. ಸಮಾನತೆಯ ತಳಹದಿಯಲ್ಲಿ ಸಾಮಾಜಿಕ ವ್ಯವಸ್ಥೆ ಸುಧಾರಣೆಗೆ‌ ಶ್ರಮಿಸಿದ ಸಾಮಾಜಿಕ ನಾಯಕ‌ ಕೂಡ ಬಸವಣ್ಣ. ಆದರೆ, ಬಸವಣ್ಣನವರನ್ನು ಅರ್ಥೈಸಿಕೊಳ್ಳುವಲ್ಲಿ ನಾವು ಸೋತಿದ್ದೇವೆ. ಅವರನ್ನು ಸಾಂಸ್ಕೃತಿಕ ನಾಯಕ ಎಂದು ಘೋಷಿಸಿದರೆ ಸಾಲದು, ಅವರ ಸಂದೇಶಗಳನ್ನು ರಾಜ್ಯದ ಪ್ರತಿ ಹಳ್ಳಿಗೂ ತಲುಪಿಸುವ ಕಾರ್ಯವನ್ನು ಸರ್ಕಾರ ಮಾಡಬೇಕು ಎಂದು ಹೇಳಿದರು.