ಬಸವ ಸಂಸ್ಕೃತಿ ಅಭಿಯಾನ ಅರ್ಥಪೂರ್ಣವಾಗಿಸೋಣ

ಕನ್ನಡಪ್ರಭ ವಾರ್ತೆ ವಿಜಯಪುರ

ನಗರದ ಮನಗೂಳಿ ರಸ್ತೆಯಲ್ಲಿರುವ ಗದುಗಿನ ತೋಂಟದಾರ್ಯ ಮಠದ ಸಭಾಂಗಣದಲ್ಲಿ ಬಸವ ಸಂಸ್ಕೃತಿ ಅಭಿಯಾನದ ಪ್ರಥಮ ಪೂರ್ವಭಾವಿ ಸಭೆಯಲ್ಲಿ ಅವರು ಮಾತನಾಡಿದರು. ಪ್ರಾರಂಭೋತ್ಸವ ಜವಾಬ್ದಾರಿಯನ್ನು ಸಚಿವ ಶಿವಾನಂದ ಪಾಟೀಲ ವಹಿಸಲಿದ್ದಾರೆ. ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಅಕ್ಟೋಬರ್‌ ತಿಂಗಳಲ್ಲಿ ನಡೆಯುವ ಸಮಾರೋಪ ಸಮಾರಂಭದ ಜವಾಬ್ದಾರಿಯನ್ನು ಸಚಿವ ಡಾ.ಎಂ.ಬಿ ಪಾಟೀಲ ವಹಿಸಿಕೊಂಡಿದ್ದು ಸಂತೋಷದ ವಿಷಯ ಎಂದರು.

ಜಾಗತಿಕ ಲಿಂಗಾಯತ ಮಹಾಸಭೆಯ ಜಿಲ್ಲಾ ಘಟಕದ ಅಧ್ಯಕ್ಷ ಬಸನಗೌಡ ಹರನಾಳ ಮಾತನಾಡಿ, ಬಸವಾಭಿಮಾನಿಗಳು ಅಭಿಯಾನದ ಜವಾಬ್ದಾರಿಯುತ ವಹಿಸಿಕೊಂಡು ಕಾರ್ಯ ನಿರ್ವಹಿಸಬೇಕು. ಪೂಜ್ಯರು, ಗಣ್ಯರು ಹಾಗೂ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸುವ ಬಸವ ಭಕ್ತರಿಗೆ ಸಂಪೂರ್ಣ ವ್ಯವಸ್ಥೆ ಕಲ್ಪಿಸಬೇಕು ಎಂದರು. ಬಸವನಬಾಗೇವಾಡಿಯ ಮುಖಂಡ ಈರಣ್ಣ ಪಟ್ಟಣಶೆಟ್ಟಿ ಮಾತನಾಡಿ, ಸಚಿವ ಶಿವಾನಂದ ಪಾಟೀಲ ಮಾರ್ಗದರ್ಶನದಲ್ಲಿ ನಿರಂತರ ಸಭೆಗಳನ್ನು ನಡೆಸುತ್ತಿದ್ದೇವೆ. ಸಕಲ ಸಿದ್ಧತೆ ಭರದಿಂದ ಸಾಗಿದೆ. ಬಸವಾಭಿಮಾನಿಗಳ ಬರುವಿಗಾಗಿ ಬಸವನಬಾಗೇವಾಡಿ ಉತ್ಸುಕತೆಯಿಂದ ಕಾಯುತ್ತಿದೆ ಎಂದರು.

ಈ ಕಾರ್ಯಕ್ರಮದಲ್ಲಿ ದೇವರಹಿಪ್ಪರಗಿ ಗದಗಿನಮಠ ಮಹಾಂತ ಸ್ವಾಮೀಜಿ, ಡಾ.ರವಿಕುಮಾರ ಬಿರಾದಾರ, ಮಹಾದೇವಿ ಗೋಕಾಕ, ಸುಜಾತಾ ಕಳ್ಳಿಮನಿ, ಶಶಿಕಲಾ ಕೋಟಗಿ, ಸಿದ್ರಾಮಯ್ಯ ಲಕ್ಕುಂಡಿಮಠ, ಡಾ.ಮಿನಾಕ್ಷಿ ಪಾಟೀಲ, ಖಾಜಾಮೈನುದ್ದೀನ್ ಪಾಟೀಲ, ಶಿವಲಿಂಗ ಕಲಬುರ್ಗಿ, ಎಫ್.ಡಿ.ಮೇಟಿ, ಶಿವಲಿಂಗ ನಾಶಿ, ಎ.ಬಿ.ಮರ್ತೂರ, ಆರ್‌.ಜಿ.ಅಳ್ಳಗಿ, ಪ್ರೊ.ಬಿ.ಎಂ.ಬಿರಾದಾರ, ಎಂ.ಎಸ್‌. ಝಳಕಿ, ಎಸ್.ಬಿ.ಅವಜಿ, ಪ್ರಭುಗೌಡ ಪಾಟೀಲ, ಅಂಬಿಕಾ ಪಾಟೀಲ, ರಾಧಾ ಬಡಿಗೇರ, ಎನ್.ಕೆ.ಕುಂಬಾರ ಮುಂತಾದವರು ಇದ್ದರು.