ವಿದ್ಯಾರ್ಥಿಗಳು ಬಾಲ್ಯದಲ್ಲೇ ವಿದ್ಯೆ ಜತೆ ಸದ್ಗುಣ ಕಲಿಯಲಿ: ಬಸವಕುಮಾರ ಪಾಟೀಲ್

ಕಾರವಾರ: ಕಲ್ಯಾಣ ಕರ್ನಾಟಕ ಪ್ರತಿಷ್ಠಾನ ಬೀದರ, ಕರ್ನಾಟಕ ಸುವರ್ಣ ಸಂಭ್ರಮ- ೫೦ ನಿಮಿತ್ತ ರಾಜ್ಯ ಮತ್ತು ಗಡಿಭಾಗಗಳಲ್ಲಿ ಹಮ್ಮಿಕೊಂಡಿರುವ ಬಸವಕುಮಾರ ಪಾಟೀಲ್ ನೇತೃತ್ವದ ಅಕ್ಷರ ಜ್ಯೋತಿ ಯಾತ್ರೆ- ೨೦೨೪ ಕಾರ್ಯಕ್ರಮವನ್ನು ತಾಲೂಕಿನ ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರದಲ್ಲಿ ಆಯೋಜಿಸಲಾಗಿತ್ತು.ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅಕ್ಷರ ಜ್ಯೋತಿ ಯಾತ್ರೆಯ ರೂವಾರಿ ಬಸವಕುಮಾರ ಪಾಟೀಲ್, ನಮ್ಮ ಶಿಕ್ಷಣ ವ್ಯವಸ್ಥೆಯಲ್ಲಿ ಪ್ರಮುಖ ಘಟ್ಟಗಳು ಎಂದು ಕರೆಯಲ್ಪಡುವ ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ಹಂತಗಳಿಗೆ ಬಹಳ ಮಹತ್ವವಿದೆ. ಈ ಹಂತದಲ್ಲಿ ವಿದ್ಯಾರ್ಥಿಗಳು ಉತ್ತಮ ಶಿಕ್ಷಣ ಪಡೆದರೆ ಮುಂದಿನ ಉನ್ನತ ಶಿಕ್ಷಣ ಅತ್ಯುತ್ತಮ ರೀತಿಯಲ್ಲಿ ಮುಂದುವರಿಯುತ್ತದೆ. ಇದರಿಂದ ದೇಶದ ಸಮೃದ್ಧ ಮಾನವ ಸಂಪನ್ಮೂಲ ಸೃಷ್ಟಿಯಾಗುವ ಸಮಯವಾಗಿದೆ. ಅದನ್ನು ಬಿಟ್ಟು ಸ್ವಲ್ಪ ಹೆಚ್ಚು ಕಡಿಮೆ ಆದರೂ ವಿದ್ಯಾರ್ಥಿಗಳು ಉದ್ದೇಶಿತ ಗುರಿಯಿಂದಲೇ ದೂರವಾಗಬಹುದು.

ಕೈಗಾ ಎನ್‌ಪಿಸಿಎಲ್ ಉದ್ಯೋಗಿ ಬಸವಕುಮಾರ ಮಾತನಾಡಿ, ಇಂದು ವ್ಯಕ್ತಿತ್ವ ವಿಕಸನ ಅಗತ್ಯವಾಗಿದೆ. ಅದರಲ್ಲೂ ಸಂಸ್ಕಾರಭರಿತ ಶಿಕ್ಷಣ ಅತ್ಯಗತ್ಯವಾಗಿದ್ದು, ಅದನ್ನು ಉಣಬಡಿಸಲು ಬೀದರನಿಂದ ರಾಜ್ಯದ ಮೂಲೆ ಮೂಲೆಗಳಲ್ಲಿ ಸಂಚರಿಸಿ ಅಕ್ಷರ ಜ್ಯೋತಿ ಬೆಳಗಿಸುತ್ತಿರುವ ಕಾರ್ಯ ಶ್ಲಾಘನೀಯ ಎಂದರು.

ಶಾಲಾ ಮುಖ್ಯಾಧ್ಯಾಪಕ ದಿನೇಶ್ ಗಾಂವಕರ ಅಧ್ಯಕ್ಷತೆ ವಹಿಸಿದ್ದರು. ಡಿ. ಶಾಂತಪ್ಪ, ಶಿಕ್ಷಕರಾದ ಸಂತೋಷ ಕಾಂಬಳೆ, ರೂಪಾಲಿ ಸಾವಂತ, ನೀಲವ್ವ ಮಹದೇವಪ್ಪ ರೇವಡ್ಯಾಳ, ಎ.ಎನ್. ರಮೇಶ, ಶಿಕ್ಷಕ ಡಾ. ಗಣೇಶ ಬಿಷ್ಟಣ್ಣನವರ ಇದ್ದರು.ಇಂದು ಬಂಕಿಕೊಡ್ಲದಲ್ಲಿ ಯಕ್ಷಗಾನ ಪ್ರದರ್ಶನ