ಕ್ರೀಡೋತ್ಸವ ದೇಶಪ್ರೇಮ ಬೆಳೆಸಲಿ: ವಿನೋದ ಪ್ರಭು

ಅಶೋಕೆಯ ಸಾರ್ವಭೌಮ ಗುರುಕುಲದ ನೇತೃತ್ವದಲ್ಲಿ ವಾರ್ಷಿಕ ಕ್ರೀಡೋತ್ಸವ

ಮನುಷ್ಯ ಹುಟ್ಟಿನಿಂದಲೇ ಕ್ರೀಡೆ ಪ್ರಾರಂಭವಾಗುತ್ತದೆ, ಕ್ರೀಡಾ ಮನೋಭಾವನೆ ಎಂಬುದು ನಿತ್ಯ ಜೀವನದಲ್ಲೂ ಉತ್ತಮ ಜೀವಿಕೆಗೆ ಪ್ರೇರಣೆಯಾಗಿದೆ ಎಂದು ವಾಲಿಬಾಲ್ ಆಟಗಾರ ಹಾಗೂ ಹಿರಿಯ ರಾಜಕಾರಣಿ ವಿನೋದ ಪ್ರಭು ಹೇಳಿದರು.

ವಿವಿವಿಯ ಅಶೋಕಾಲೋಕದ ಸಂಯೋಜಕ ಮಂಜುನಾಥ ಸುವರ್ಣಗದ್ದೆ ಮಾತನಾಡಿ, ಜೀವನದಲ್ಲಿ ಎಲ್ಲ ಬಾರಿಗೂ ಗೆಲುವೇ ಸಿಗುವುದಿಲ್ಲ, ಇಲ್ಲಿ ಸೋತವರು ಬದುಕಿನಲ್ಲಿ ಬರುವ ಸೋಲುಗಳನ್ನು ಎದುರಿಸುವ ಧೈರ್ಯ-ಸಾಮರ್ಥ್ಯ ಬೆಳೆಸಿಕೊಳ್ಳುವಂತಾಗಲಿ. ಗುರುಕುಲದ ವಿದ್ಯಾರ್ಥಿಗಳು ಈ ವರೆಗೆ ಮಾಡಿರುವಂತಹ ಸಾಧನೆಗಳು ಸಂತಸ ತಂದಿದೆ. ಎಲ್ಲ ಕ್ಷೇತ್ರಗಳಲ್ಲೂ ನಿರಂತರ ಸಾಧನೆ ನಡೆದು ಗುರುಕುಲಗಳಿಗೆ ಕೀರ್ತಿ ತರುವಂತಾಗಿರಿ ಎಂದು ಶುಭ ಹಾರೈಸಿದರು.

ಗಣ್ಯರಾದ ಎಸ್.ಎನ್. ಹೆಗಡೆ ಮಾತನಾಡಿ, ಭಾರತದಲ್ಲಿ ಸ್ವಾತಂತ್ರ‍್ಯಾನಂತರ ಕ್ರೀಡಾಕೂಟ ಆರಂಭವಾದ ಇತಿಹಾಸವನ್ನು ಮಕ್ಕಳಿಗೆ ತಿಳಿಸಿ, ಕ್ರೀಡೋತ್ಸವಕ್ಕೆ ಶುಭ ಹಾರೈಸಿದರು.

ಜಾನಪದ ವಾದ್ಯಘೋಷಗಳಿಂದ ಗಣ್ಯರನ್ನು ಸ್ವಾಗತಿಸುವ ಮೂಲಕ ಕ್ರೀಡೋತ್ಸವಕ್ಕೆ ಚಾಲನೆ ನೀಡಲಾಯಿತು. ಸೌಭಾಗ್ಯಾ ಭಟ್ಟ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಛಾಯಾ ಹೆಗಡೆ ವಂದಿಸಿದರು. ಲೋಹಿತ ಹೆಬ್ಬಾರ್ ಕಾರ್ಯಕ್ರಮ ನಿರ್ವಹಿಸಿದರು. ದೈಹಿಕ ಶಿಕ್ಷಣ ಶಿಕ್ಷಕರಾದ ಅಕ್ಷಯ ಅಡಿಗುಂಡಿ ಹಾಗೂ ಸಹಶಿಕ್ಷಕ ಸದಾನಂದ ಹೆಬ್ಬಾರ್ ಸಂಯೋಜಕತ್ವದಲ್ಲಿ ಕ್ರೀಡೋತ್ಸವ ನಡೆಯಿತು.