ಯುವ ಸಮುದಾಯ ರಂಗಕಲೆಯಲ್ಲಿ ತೊಡಗಿಕೊಳ್ಳಲಿ

ಮರಿಯಮ್ಮನಹಳ್ಳಿ: ನಾಟಕಗಳು ಸಮಾಜದ ಅಂಕುಡೊಂಕು ತಿದ್ದುವ ಕೆಲಸ ಮಾಡುತ್ತಿವೆ. ರಂಗಭೂಮಿ ಉಳಿಯಬೇಕಾದರೆ ಇಂದಿನ ಯುವ ಸಮುದಾಯ ರಂಗಕಲೆಯಲ್ಲಿ ತೊಡಗಿಸಿಕೊಂಡು ಪ್ರತಿಭಾವಂತ ಕಲಾವಿದರಾಗಿ ತಮ್ಮನ್ನು ತಾವು ಗುರುತಿಸಿಕೊಳ್ಳಬೇಕು ಎಂದು ಹೊಸಪೇಟೆಯ ಕಲಾವಿದ ಮುದೇನೂರು ಉಮಾಮಹೇಶ್ವರ ಹೇಳಿದರು.

ಮರಿಯಮ್ಮನಹಳ್ಳಿ ಒಂದು ಕಲಾ ಗ್ರಾಮವಾಗಿದ್ದು, ಈ ಊರಿನ ಅನೇಕ ಕಲಾವಿದರು ರಂಗಭೂಮಿ ಮತ್ತು ಮರಿಯಮ್ಮನಹಳ್ಳಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿದ್ದಾರೆ. ಅವರಂತೆ ಮುಂದಿನ ಪೀಳಿಗೆ ರಂಗಭೂಮಿ ಅಭಿವೃದ್ಧಿಗೆ ಶ್ರಮಿಸಬೇಕು ಎಂದು ಹೇಳಿದರು.

ಕಾರ್ಯಕ್ರಮದ ನಂತರ ಕೆ. ಕಾಳೇಶ ಮತ್ತು ತಂಡದಿಂದ ಸಮೂಹ ನೃತ್ಯ ಹಾಗೂ ಸರದಾರ ಅವರ ನಿರ್ದೇಶನದಲ್ಲಿ ’ನಾನಕ್ಕನೇನ್ ನಿನಗೆ ತಂಗೆ’ಎಂಬ ಪೌರಾಣಿಕ ನಾಟಕವನ್ನು ಪುಷ್ಪ ಪಿ ಮತ್ತು ತಂಡವರು ಪ್ರದರ್ಶಿಸಿದರು.