ಜಾತಿ, ವರ್ಣರಹಿತ ವಿವಿಗಳಿರಲಿ: ಹೋರಾಟಗಾರ್ತಿ ಕೆ.ನೀಲಾ

ಬಳ್ಳಾರಿ: ಲಿಂಗ ತಾರತಮ್ಯವಿಲ್ಲದ, ವರ್ಗ, ವರ್ಣ, ಜಾತಿಭೇದ ಇಲ್ಲದ ವಿಶ್ವವಿದ್ಯಾಲಯಗಳಿರಲಿ ಎಂದು ಅಖಿಲ ಭಾರತೀಯ ಜನವಾದಿ ಮಹಿಳಾ ಸಂಘಟನೆಯ ರಾಜ್ಯ ಉಪಾಧ್ಯಕ್ಷೆ, ಹೋರಾಟಗಾರ್ತಿ ಕೆ.ನೀಲಾ ಹೇಳಿದರು.ಇಲ್ಲಿನ ವಿಜಯನಗರ ಶ್ರೀಕೃಷ್ಣ ದೇವರಾಯ ವಿಶ್ವವಿದ್ಯಾಲಯದಲ್ಲಿ ಗುರುವಾರ ಆಯೋಜಿಸಿದ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಅವರು ಮಾತನಾಡಿದರು.ವಿಶ್ವವಿದ್ಯಾಲಯಗಳಲ್ಲಿ ಹೆರಿಗೆ ರಜೆ ಸಿಗಲಿ, ಮಹಿಳಾ ಸಿಬ್ಬಂದಿಗೆ ವಿಶ್ರಾಂತಿ ಕೋಣೆ ಇರಲಿ, ಆಂತರಿಕ ದೂರು ಸಮಿತಿ ರಚನೆಯಾಗಿರಲಿ, ಮಹಿಳಾ ಸಿಬ್ಬಂದಿಯ ಸಂಘ ರಚನೆಯಾಗಲಿ ಎಂದು ಸಲಹೆ ನೀಡಿದರು.ವಿಜ್ಞಾನ-ತಂತ್ರಜ್ಞಾನ ಬೆಳೆದರೂ ಹೆಣ್ಣಿನ ಮೇಲೆ ಅವೈಜ್ಞಾನಿಕ ನಂಬಿಕೆ ಸಮಾಜದಲ್ಲಿದೆ. ಹೆಣ್ಣಿನ ಕೆಲಸವನ್ನು ಅಮಾನವೀಯ, ಅವೈಜ್ಞಾನಿಕ ಕೆಲಸದ ವಿಭಜನೆಯಾಗಿದೆ. ಆದರೆ ಮಹಿಳೆಯರು ವೈಜ್ಞಾನಿಕವಾಗಿ ನಡೆಯಬೇಕು ಎಂದು ನಮ್ಮ ನೆಲದ ಚಳವಳಿಗಳು ತಿಳಿಸಿಕೊಟ್ಟಿವೆ ಎಂದು ಹೇಳಿದರು.