ಇಂದು ಲೋಹಿಯಾ ಚನ್ನಬಸವಣ್ಣ ಅವರ ಚುಂಬಕಗಾಳಿ ಲೋಕಾರ್ಪಣೆ

ಬಳ್ಳಾರಿ: ಕನ್ನಡ ಸಾಹಿತ್ಯ- ಸಾಂಸ್ಕೃತಿಕ ಲೋಕದ ಸಾಕ್ಷಿ ಪ್ರಜ್ಞೆಯಂತಿರುವ ಲೋಹಿಯಾ ಚನ್ನಬಸವಣ್ಣ ಅವರ ಗುಣವಿಶೇಷ ಕೃತಿ "ಚುಂಬಕಗಾಳಿ " ನಗರದ ರಾಘವ ಕಲಾ ಮಂದಿರದಲ್ಲಿ ಮೇ 4ರಂದು ಬೆಳಗ್ಗೆ 10.30ಕ್ಕೆ ಲೋಕಾರ್ಪಣೆಗೊಳ್ಳಲಿದೆ.

ಸಮಾಜಮುಖಿ ಮಾಸಪತ್ರಿಕೆಯ ಸಂಪಾದಕ, ಲೇಖಕ ಚಂದ್ರಕಾಂತ ವಡ್ಡು ಹಾಗೂ ಲೋಹಿಯಾ ಸಿ. ಚನ್ನಬಸವಣ್ಣ ಅವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿರುವರು. ಕಾರ್ಯಕ್ರಮ ಆರಂಭಕ್ಕೂ ಮುನ್ನ ನಗರದ ವಿವಿಧ ಕಲಾವಿದರಿಂದ ಕನ್ನಡಗೀತೆಗಳ ಗಾಯನ ಕಾರ್ಯಕ್ರಮ ಇರಲಿದ್ದು, ನಾಡಿನ ಅನೇಕ ಭಾಗಗಳಿಂದ ಸಾಂಸ್ಕೃತಿಕ ಚಿಂತಕರು ಹಾಗೂ ಚನ್ನಬಸವಣ್ಣ ಅವರ ಅಭಿಮಾನಿಗಳು ಸಮಾರಂಭಕ್ಕೆ ಆಗಮಿಸಲಿದ್ದಾರೆ ಎಂದು ಲೋಹಿಯಾ ಚನ್ನಬಸವಣ್ಣ ಅವರ ಯುವ ಸ್ನೇಹಿತರ ಬಳಗ ತಿಳಿಸಿದೆ.

ಬೆಂಗಳೂರಿನ ಸಮಾಜಮುಖಿ ಮಾಸಪತ್ರಿಕೆ ಹೊರ ತಂದಿರುವ ಕೃತಿ ಇಂದು ಬಳ್ಳಾರಿಯಲ್ಲಿ ಲೋಕಾರ್ಪಣೆಗೊಳ್ಳುತ್ತಿರುವುದು ಅಭಿಮಾನಿಗಳ ಸಂಭ್ರಮ ಮತ್ತಷ್ಟು ಇಮ್ಮಡಿಗೊಳ್ಳುವಂತೆ ಮಾಡಿದೆ.