ನನೆಗುದಿಗೆ ಬಿದ್ದ ವ್ಯಾಜ್ಯಗಳ ವಿಲೇವಾರಿ ಲೋಕ ಅದಾಲತ್‌ ಸಹಕಾರಿ: ನ್ಯಾಯಾಧೀಶ ಸುನೀಲ್ ಎಸ್. ತಳವಾರ

ಶಿಗ್ಗಾಂವಿ: ನನೆಗುದಿಗೆ ಬಿದ್ದಿರುವ ವ್ಯಾಜ್ಯಗಳ ಇತ್ಯರ್ಥಕ್ಕೆ ಲೋಕ ಅದಾಲತ್ ಸಹಕಾರಿಯಾಗಿದ್ದು, ವಿಚ್ಛೇದನ ಕೋರಿ ಪ್ರಕರಣ ದಾಖಲಿಸಿದ್ದ ತಾಲೂಕಿನ ಚಿಕ್ಕಮಣಕಟ್ಟಿ ಪರಸಪ್ಪ ಬಡಿಗೇರ ಅವರ ಪತ್ನಿ ಸುಜಾತಾ ಪರಸಪ್ಪ ಬಡಿಗೇರ ಅವರನ್ನು ರಾಜೀ ಮಾಡಿಸುವ ಮೂಲಕ ಒಟ್ಟಾಗಿ ಬಾಳುವಂತೆ ಮಾಡಲಾಯಿತು ಎಂದು ನ್ಯಾಯಾಧೀಶ ಸುನೀಲ್ ಎಸ್. ತಳವಾರ ತಿಳಿಸಿದರು.ಪಟ್ಟಣದ ನ್ಯಾಯಾಲಯದ ಆವರಣದಲ್ಲಿ ತಾಲೂಕು ಕಾನೂನು ಸೇವಾ ಸಮಿತಿ ವತಿಯಿಂದ ನಡೆದ ರಾಷ್ಟ್ರೀಯ ಲೋಕ ಅದಾಲತ್‌ನಲ್ಲಿ ಮಾತನಾಡಿ, ವ್ಯಾಜ್ಯಗಳನ್ನು ಬಿಟ್ಟು ಸಮಾನತೆ, ಒಗ್ಗಟ್ಟಿನಿಂದ ಬಾಳಿದಾಗ ಶಾಂತಿ, ನೆಮ್ಮದಿ ಜೀವನ ನಡೆಸಲು ಸಾಧ್ಯವಿದೆ. ಹಿರಿಯ ನ್ಯಾಯಾಲಯದಲ್ಲಿ ಸುಮಾರು ೨೨೧ ಪ್ರಕರಣದಲ್ಲಿ ೨೧೩ ಪ್ರಕರಣಗಳನ್ನು ರಾಜೀ ಮಾಡಲಾಯಿತು. ವ್ಯಾಜ್ಯ ಪೂರ್ವ ೩೩೫೧ ಪ್ರಕರಣಗಳಲ್ಲಿ ೨೭೩೦ ಪ್ರಕರಣಗಳು ರಾಜೀ ಮಾಡಲಾಯಿತು ಎಂದರು.ಕಿರಿಯ ನ್ಯಾಯಾಲಯದ ನ್ಯಾಯಾಧೀಶರಾದ ಅಶ್ವಿನಿ ಚಂದ್ರಶೇಖರ ಮಾತನಾಡಿ, ಕಿರಿಯ ನ್ಯಾಯಾಲಯದಲ್ಲಿನ ಬಾಕಿ ಇರುವ ೪೧೪ ಪ್ರಕರಣಗಳಲ್ಲಿ ೪೦೫ ಪ್ರಕರಣಗಳು ರಾಜೀಯಾಗಿವೆ. ಅದೇ ರೀತಿ ವ್ಯಾಜ್ಯಪೂರ್ವ ೨೩೫೫ ಪ್ರಕರಣದಲ್ಲಿ ೧೮೧೬ ಪ್ರಕರಣಗಳು ರಾಜೀ ಮಾಡಿಸಲಾಯಿತು ಎಂದರು.ವಕೀಲರಾದ ಜಿ.ಕೆ. ಗುಂಜಾಳ, ಎನ್.ಎಂ. ಪವಾರ, ಕೆ.ಎಸ್. ಜೋಶಿ, ಎಸ್.ಜಿ. ಟೋಪಣ್ಣವರ ಇತರರು ಇದ್ದರು.ಮಟ್ಕಾ ದಂಧೆಗೆ ಕಡಿವಾಣ ಹಾಕಲು ಆಗ್ರಹ

ಪ್ರಭು ಪೂಜಾರ, ಚೇತನ ಪೂಜಾರ, ಹಾಲೇಶಪ್ಪ ಸಾಲಕಟ್ಟಿ, ರಂಜಾನಸಾಬ್, ಹನುಮಂತಪ್ಪ ಮೆಡ್ಲೇರಿ, ಚಂದ್ರಶೇಖರ ಬಿ.ಪಿ., ಹಾಲೇಶ ಕರಡೆಪ್ಪನವರ, ಜಗದೀಶ ಪೂಜಾರ, ಬಸವರಾಜ ಮತ್ತಿತರರಿದ್ದರು.