ಮಡಹಳ್ಳಿ ಸರ್ಕಲ್‌ ಮಳೆಗೆ ಚಿಕ್ಕ ಕೆರೆಯಾಯ್ತು!

ರಂಗೂಪುರ ಶಿವಕುಮಾರ್‌

ಪಟ್ಟಣದ ಮಡಹಳ್ಳಿ ಸರ್ಕಲ್‌ನಲ್ಲಿ ಮಳೆ ನೀರು ನಿಂತು ಸಾರ್ವಜನಿಕರು, ಸವಾರರಿಗೆ ತೊಂದರೆಯಾಗುತ್ತದೆ ಎಂದು ಕನ್ನಡಪ್ರಭ ಪತ್ರಿಕೆ ಎರಡು ಬಾರಿ ವರದಿ ಪ್ರಕಟಿಸಿದರೂ ತಾಲೂಕು ಆಡಳಿತದ ಗಮನಕ್ಕೆ ತಂದರೂ ಪೊಲೀಸರು ಒತ್ತುವರಿ ಮಾಡಿಕೊಂಡ ಕಾಗೇಹಳ್ಳ ತೆರವುಗೊಳಿಸಲು ವಿಫಲವಾಗಿದ್ದು ಸೋಮವಾರ ಬಿದ್ದ ಮಳೆಗೆ ಮತ್ತೆ ಮಡಹಳ್ಳಿ ಸರ್ಕಲ್‌ ಚಿಕ್ಕ ಕೆರೆಯಂತಾಗಿದೆ.

ಸೋಮವಾರ ಮಧ್ಯಾಹ್ನ ಸುರಿದ ಮಳೆ ಮಡಹಳ್ಳಿ ಸರ್ಕಲ್‌ ಅಕ್ಷರಶ ಚಿಕ್ಕ ಕೆರೆಯಂತಾಗಿದೆ. ಕಾರುಗಳು ಈ ರಸ್ತೆಯಲ್ಲಿ ತೆರಳಲು ಆಗದೆ ಕಾರು ಸವಾರರು ಪರದಾಡಿದರು. ಓಮಿನಿಯೊಂದು ನೀರಲ್ಲಿ ಸಾಗದೆ ಮಳೆಯಲ್ಲಿಯೇ ನಿಂತಿತು. ಮಡಹಳ್ಳಿ ಸರ್ಕಲ್‌ ಮೂಲಕ ತೆರಳಬೇಕಾದ ಬೈಕ್‌ ಸವಾರರು, ಸೈಕಲ್‌ ಸವಾರರು ಹಾಗೂ ಸಾರ್ವಜನಿಕರು ಮಂಡಿಯುದ್ದ ನಿಂತ ಮಳೆಯ ನೀರಲ್ಲಿ ಹೋಗಲು ಆಗದೆ ಪರದಾಡುತ್ತ ತಾಲೂಕು ಆಡಳಿತದ ವಿರುದ್ಧ ಕಿಡಿ ಕಾರಿದ್ದಾರೆ.