ಸಮಾನತೆಯ ಸಾಮಾಜಿಕ ಜೀವನ ಆದ್ಯತೆಯಾಗಲಿ: ನ್ಯಾಯಾಧೀಶ ಜನಾರ್ದನ

ಕಾನೂನು ಅರಿವು ನೆರವು ಕಾರ್ಯಕ್ರಮ ಉದ್ಘಾಟನೆ

ಜಾತಿ ಧರ್ಮ, ಹೆಣ್ಣು ಗಂಡು ಎಂಬ ಭೇದಕ್ಕೆ ಅವಕಾಶವಿಲ್ಲದಂತೆ ಸಮಾನತೆಯ ಸಾಮಾಜಿಕ ಜೀವನ ನಮ್ಮೆಲ್ಲರ ಮೊದಲ ಆದ್ಯತೆಯಾಗಬೇಕಲ್ಲದೆ, ಇದೆಲ್ಲದಕ್ಕೂ ಇರುವ ಕಾನೂನಿನ ಅರಿವು ಎಲ್ಲರಿಗೂ ಇರಲಿ ಎಂದು ಹಾನಗಲ್ಲ ನ್ಯಾಯಾಲಯದ ಸಿವಿಲ್ ನ್ಯಾಯಾಧೀಶ ಎಸ್.ಕೆ. ಜನಾರ್ದನ ತಿಳಿಸಿದರು.

ನ್ಯಾಯವಾದಿ ವೀಣಾ ಬ್ಯಾತನಾಳ ಉಪನ್ಯಾಸಕಿಯಾಗಿ ಮಾತನಾಡಿ, ಮಹಿಳಾ ದೌರ್ಜನ್ಯ ಒಂದು ಸಮಸ್ಯೆಯಾದರೆ, ಕಾನೂನಿನ ದುರುಪಯೋಗವೂ ಇನ್ನೊಂದು ಸಮಸ್ಯೆಯಗುತ್ತಿದೆ. ಬಾಲ್ಯ ವಿವಾಹ ಸರಿ ಅಲ್ಲ ಎಂಬುದರ ಅರಿವು ಮೂಡಿಸಬೇಕಾಗಿದೆ. ಹದಿ ಹರಯದವರು ಪಾಲಕರ ಗಮನಕ್ಕೆ ಇಲ್ಲದೆ ದೂರ ಹೋಗಿ ಮದುವೆಯಾಗುವುದು ಒಂದಾದರೆ,ಮದುವೆಯಾದ ಒಂದೆರಡು ವರುಷಗಳಲ್ಲಿಯೇ ಅನನುಭವಿಗಳು ಹಲವರು ವಿವಾಹ ವಿಚ್ಛೇದನಕ್ಕೆ ಬರುತ್ತಿರುವುದು ಕೂಡ ವಿಷಾದದ ಸಂಗತಿ. ಪೋಷಕರು ಟಿವಿ ಮನರಂಜನೆಯಲ್ಲಿ ಮುಳುಗಿ ಮಕ್ಕಳ ವಿದ್ಯಾಭ್ಯಾಸ ಹಾಗೂ ಅವರ ನಡುವಳಿಕೆಗಳ ಕಡೆಗೆ ಗಮನ ಕೊಡದೇ ಹೋದ ಕಾರಣ ಮಕ್ಕಳು ದಾರಿ ತಪ್ಪುತ್ತಿದ್ದಾರೆ. ಮಕ್ಕಳ ಬಗ್ಗೆ ನಿಗಾ ಇರಲಿ. ಅವರ ಭವಿಷ್ಯಕ್ಕಾಗಿ ಪಾಲಕರು ಸಮಯ ಕೊಡಿ ಎಂದು ಮನವಿ ಮಾಡಿದರು.

ಕಾವೇರಿ, ವೀಣಾ, ನೇತ್ರ ಪ್ರಾರ್ಥನೆ ಹಾಡಿದರು. ಅನಿತಾ ಕೂಡಲಮಠ ಸ್ವಾಗತಿಸಿದರು. ಲಕ್ಷ್ಮೀ ಪಾಟೀಲ ನಿರೂಪಿಸಿದರು. ನೇತ್ರಾ ಕ್ಯಾಲಕೊಂಡ ವಂದಿಸಿದರು.