ಅಕ್ರಮ ಸಂಬಂಧ ಶಂಕೆಗೆಚಾಕು ಇರಿದು ವ್ಯಕ್ತಿ ಕೊಲೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ದೇವರಾಜ್‌ ಅರಸು ನಗರದ ನಿವಾಸಿ ಅಕ್ರಂಪಾಷಾ (45) ಕೊಲೆಯಾದ ದುರ್ದೈವಿ. ಈ ಹತ್ಯೆ ಸಂಬಂಧ ಮೃತನ ಪರಿಚಿತ ಉಮರ್ ಖಲೀದ್‌ನ ಬಂಧನವಾಗಿದೆ. ಮನೆ ಸಮೀಪ ಬುಧವಾರ ನಸುಕಿನಲ್ಲಿ ಬೈಕ್‌ನಲ್ಲಿ ಹೋಗುತ್ತಿದ್ದ ಪಾಷನನ್ನು ಅಡ್ಡಗಟ್ಟಿ ಉಮರ್ ಚಾಕುವಿನಿಂದ ಹಲ್ಲೆ ನಡೆಸಿ ಕೊಂದು ಪರಾರಿಯಾಗಿದ್ದ. ಕೂಡಲೇ ಕೃತ್ಯದ ಬಗ್ಗೆ ಮಾಹಿತಿ ಪಡೆದು ತನಿಖೆಗಿಳಿದ ಪೊಲೀಸರು, ಕೆಲವೇ ತಾಸಿನಲ್ಲಿ ಆತನನ್ನು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಅಂತೆಯೇ ಸಂಬಂಧಿಕರ ಮನೆ ಕಾರ್ಯಕ್ರಮಕ್ಕೆ ಮಂಗಳವಾರ ರಾತ್ರಿ ಪಾಷ ಹೋಗಿರುವ ಸಂಗತಿ ಉಮರ್ ತಿಳಿಯಿತು. ಆಗ ಆ ಕಾರ್ಯಕ್ರಮ ಮುಗಿಸಿ ಬರುವವರೆಗೆ ಕಾದು ಆರೋಪಿ ಹತ್ಯೆ ಮಾಡಿದ್ದಾನೆ. ಟಿಪ್ಪು ಚೌಕ ಸಮೀಪ ಪಾಷನ ಬೈಕ್ ಅಡ್ಡಗಟ್ಟಿ ಬುಧವಾರ ಮುಂಜಾನೆ ಆತ ಚಾಕುವಿನಿಂದ ಇರಿದು ಕೊಂದಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.