ಸಾಮರಸ್ಯಕ್ಕೆ ಸಾಮೂಹಿಕ ವಿವಾಹ ಪೂರಕ

ಕುಕನೂರು: ಸಾಮರಸ್ಯಕ್ಕೆ ಸಾಮೂಹಿಕ ವಿವಾಹ ಪೂರಕ ಎಂದು ಮಾಜಿ ತಾಪಂ ಉಪಾಧ್ಯಕ್ಷ ಕಳಕಪ್ಪ ಕಂಬಳಿ ಹೇಳಿದರು.

ಯುವಕರು ದುಶ್ಚಟದಿಂದ ದೂರವಿದ್ದು ಆರ್ಥಿಕ, ರಾಜಕೀಯವಾಗಿ ಬೆಳೆಯಬೇಕು. ಸಮಾಜದಲ್ಲಿ ಯುವಕರು ಮುನ್ನೆಲೆಗೆ ಬರುವಂತ ಕಾರ್ಯ ಚಟುವಟಿಕೆಗಳಲ್ಲಿ ಭಾಗಿಯಾಗಿ ತಮ್ಮದೆ ಆದ ಸಾಮಾಜಿಕ ಕೊಡುಗೆ ನೀಡಬೇಕು. ಪಾಲಕರು ತಮ್ಮ ಮಕ್ಕಳನ್ನು ಶೈಕ್ಷಣೀಕವಾಗಿ ಬಲಿಷ್ಠರನ್ನಾಗಿಸಬೇಕು. ಸಮಾಜ ಗುರುತಿಸುವಂತೆ ಪ್ರಜ್ಞಾವಂತರಾಗಬೇಕು ಎಂದರು.

ಉಪನ್ಯಾಸ ನೀಡಿ ಮಾತನಾಡಿದ ನಿವೃತ್ತ ಉಪನ್ಯಾಸಕ ಆರ್. ಪಿ.ರಾಜೂರ, ಆಧ್ಯಾತ್ಮಿಕ ಶಕ್ತಿ ಕನಕದಾಸರದಲ್ಲಿ ಜಗತ್ತನ್ನು ಸುಧಾರಿಸುವ ಕಾರ್ಯ ಮಾಡಿತು. ಕನಕದಾಸರು ಆಧ್ಯಾತ್ಮಿಕ ವಿಚಾರದಲ್ಲಿ ಸಾಧನೆ ಮಾಡಿದರು. ಕನಕದಾಸರ ಆಚಾರ ವಿಚಾರ ಜೀವನದಲ್ಲಿ ಅಳವಡಿಸಿಕೊಂಡಾಗ ಮಾತ್ರ ಜಯಂತ್ಯುತ್ಸವಕ್ಕೆ ಅರ್ಥ ಎಂದರು.