ಶಾಲಾ ಮಕ್ಕಳೊಂದಿಗೆ ಕಾಲ ಕಳೆದ ಸಚಿವ ಬೋಸರಾಜು

ಅಳ್ನಾವರ:

ತಾಲೂಕಿನ ಹೂಲಿಕೇರಿ ಇಂದಿರಮ್ಮನ ಕೆರೆಗೆ ಭೇಟಿ ನೀಡಿ ಮರಳಿ ಧಾರವಾಡದತ್ತ ಹೊರಟಾಗ ಮಧ್ಯಾಹ್ನ ಶಾಲಾ ಆವರಣದಲ್ಲಿ ಮಕ್ಕಳು ಬಿಸಿಯೂಟ ಸೇವಿಸುವುದನ್ನು ಗಮನಿಸಿದ ಸಚಿವರು, ಕಾರು ನಿಲ್ಲಿಸಿ ಶಾಲಾ ಆವರಣದೊಳಗೆ ಆಗಮಿಸಿ ಮಕ್ಕಳೊಂದಿಗೆ ಪಲಾವ್‌, ಶೇಂಗಾ ಚಟ್ನಿ, ಸಾಂಬಾರ ಸವಿದರು. ಇವರೊಂದಿಗೆ ಬಂದಿದ್ದ ಅಧಿಕಾರಿಗಳು ಸಹ ಬಿಸಿಯೂಟ ರುಚಿ ಕಂಡರು.

ಮಕ್ಕಳೊಂದಿಗೆ ಕಾಲ ಕಳೆದ ಸಚಿವರು ತಮ್ಮ ಶಾಲಾ ದಿನಗಳನ್ನು ನೆನೆದರು. ಮಕ್ಕಳಿಗೆ ಪೌಷ್ಟಿಕಾಂಶಯುಳ್ಳ ಆಹಾರ ಸರಿಯಾಗಿ ದೊರೆಯಬೇಕು. ಹಸಿದ ಹೊಟ್ಟೆಗೆ ಊಟ ದೊರೆತಾಗ ಪಾಠದ ಮೇಲೆ ಗಮನ ಹರಿಸಲು ಸಾಧ್ಯ, ಸರ್ಕಾರ ಮಕ್ಕಳ ಶಿಕ್ಷಣ ಹಾಗೂ ಬಿಸಿಯೂಟಕ್ಕೆ ಸಾಕಷ್ಟು ಹಣ ನೀಡುತ್ತಿದೆ. ಇದನ್ನು ಸರಿಯಾಗಿ ಬಳಸಿಕೊಂಡು ದೇಶದ ಉಜ್ವಲ ಭವಿಷ್ಯ ರೂಪಿಸುವ ಮಕ್ಕಳನ್ನು ತಯಾರಿಸುವ ಗುರುತರ ಜವಾಬ್ದಾರಿ ಶಿಕ್ಷಕರ ಮೇಲಿದೆ ಎಂದರು.

ಈ ವೇಳೆ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸುರೇಶಗೌಡ ಕರಿಗೌಡರ, ಶ್ರಿಕಾಂತ ಗಾಯಕವಾಡ, ಹರೀಶ, ವೀರಭದ್ರ ಹಂಚಿನಾಳ, ಸಾವಕ್ಕ ಹಿರೇಮಠ, ಡಾ. ನರಸಿಂಹಲು, ಚೆನ್ನಮ್ಮ ಹಿರೇಮಠ, ಚಂದ್ರವತಿ, ದಸಗೀರಸಾಬ ಹುನಸಿಕಟ್ಟಿ, ಪಿಎಸ್‌ಐ ಪ್ರವೀಣ ನೆಸರಗಿ ಇದ್ದರು.