ಪೊಲೀಸ್ ಠಾಣೆಯಲ್ಲಿಯೇ ಮೊಬೈಲ್ ರಹಸ್ಯ ಮಾಹಿತಿ ಮಾರಾಟ

ಸಿಕ್ಕಿಬಿದ್ದ ಪೊಲೀಸ್ ನಾಪತ್ತೆ

ತಬ್ಬಿಬ್ಬಾಗಿರುವ ಪೊಲೀಸ್ ಇಲಾಖೆ

ಮೊಬೈಲ್ ಕಾಲ್ ಹಿಸ್ಟರಿ ಸೇರಿದಂತೆ ಮೊಬೈಲ್ ಸಿಡಿಆರ್ ಮಾಹಿತಿಯನ್ನು ಇಲ್ಲಿಯ ಸೆನ್ ಪೊಲೀಸ್ ಠಾಣೆಯ ಮುಖ್ಯ ಪೊಲೀಸ್ ಕಾನಸ್ಟೇಬಲ್‌ ಮಾರಾಟ ಮಾಡಿರುವ ಅಂಶ ತಡವಾಗಿ ಬೆಳಕಿಗೆ ಬಂದಿದೆ.

ಯಾವುದಾದರೂ ಮಾಹಿತಿ ಬೇಕಾಗಿದ್ದಲ್ಲಿ ಹಣ ನೀಡಿದರೆ, ಮೊಬೈಲ್‌ ಲೊಕೇಶನ್‌, ಸಿಡಿಆರ್‌ ಮಾಹಿತಿ, ಟಾವರ್‌ ಮಾಹಿತಿಯನ್ನು ಇಲ್ಲಿಯ ಎಸ್ಪಿ ಕಚೇರಿಯಲ್ಲಿರುವ ಸೆನ್‌ ಪೊಲೀಸ್‌ ಠಾಣೆಯ ಮುಖ್ಯ ಕಾನ್‌ಸ್ಟೇಬಲ್‌ ಕೋಟೆಪ್ಪ ನೀಡುತ್ತಿದ್ದ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ. ಸುಮಾರು 145 ಇಂತಹ ಮಾಹಿತಿಯನ್ನು ಆತ ಸೋರಿಕೆ ಮಾಡಿದ್ದು ಪತ್ತೆಯಾಗಿದೆ.

ಕಳೆದ ತಿಂಗಳು ಪ್ರಕರಣ ದಾಖಲಾಗಿದ್ದರೂ ಸಹ ಇದು ತಡವಾಗಿ ಬೆಳಕಿಗೆ ಬಂದಿದೆ. ಇದುವರೆಗೂ ಪೊಲೀಸ್ ಇಲಾಖೆಯೂ ಸಹ ಸಾರ್ವಜನಿಕರ ಮಾಹಿತಿಗಾಗಿಯೂ ಈ ವಿಷಯವನ್ನು ಹಂಚಿಕೆ ಮಾಡಿಲ್ಲ. ಆರೋಪಿ ನಾಪತ್ತೆ:

ಸೆನ್ ಠಾಣೆಯ ಎಎಸ್ಐ ದಾಖಲಿಸಿರುವ ದೂರಿನ ಆಧಾರದ ಮೇಲೆ ಎಫ್ಐಆರ್ ದಾಖಲು ಮಾಡಲಾಗಿದೆ.ಮಹಾ ಅಪರಾಧ:

145 ಮೊಬೈಲ್ ಸಿಡಿಆರ್ ಮಾಹಿತಿ ಮತ್ತು 9 ಮೊಬೈಲ್ ಟವರ್ ಲೋಕೇಶನ್ ಮಾಹಿತಿಯನ್ನು ಆತ ಸೋರಿಕೆ ಮಾಡಿದ್ದಾನೆ. ಆದರೆ, ಇದು ಯಾವ ಕಾರಣಕ್ಕಾಗಿ ನೀಡಿರುವ ಮಾಹಿತಿ, ಯಾರದು ಮಾಹಿತಿ ನೀಡಿದ್ದಾರೆ. ಅದರಿಂದಾಗಿರುವ ಪರಿಣಾಮ ಏನು, ಮಾಹಿತಿ ಸೋರಿಕೆಯಿಂದ ಯಾರಿಗಾದರೂ ತೊಂದರೆಯಾಗಿದೆಯಾ ಎನ್ನುವುದು ಸಹ ತನಿಖೆಯಾಗಬೇಕು ಎನ್ನುವುದು ಸಾರ್ವಜನಿಕರ ಆಗ್ರಹ.