ಕೋತಿಯ ಹಾವಳಿ: ಎರಡು ದಿನಗಳಲ್ಲಿ ಮೂವರಿಗೆ ಗಾಯ

ಕಂಪ್ಲಿ: ತಾಲೂಕಿನ ಜವುಕು ಗ್ರಾಮದಲ್ಲಿ ಕಳೆದ ಹದಿನೈದು ದಿನಗಳಿಂದ ಕೋತಿಯೊಂದು ಗ್ರಾಮಸ್ಥರಿಗೆ ಭಾರಿ ತೊಂದರೆ ಉಂಟು ಮಾಡುತ್ತಿದೆ. ಎರಡು ದಿನಗಳ ಅವಧಿಯಲ್ಲಿ ಮೂವರಿಗೆ ಕಚ್ಚಿ ಗಾಯಗೊಳಿಸಿದ್ದು, ಗ್ರಾಮಸ್ಥರು ಆತಂಕದಲ್ಲಿ ಓಡಾಡುವ ಪರಿಸ್ಥಿತಿ ಉಲ್ಬಣವಾಗಿದೆ.

ಅದೇ ದಿನ ಸಂಜೆ ಬೈಕ್ ನಿಲ್ಲಿಸಿ ಮನೆ ಒಳಗೆ ಹೋಗುತ್ತಿದ್ದ ಎ. ಲೋಕೇಶ್ ಎಂಬಾತನ ಎಡ ಮೊಣಕೈಗೆ ಬಲವಾಗಿ ಕಚ್ಚಿದ ಪರಿಣಾಮ ಆತನಿಗೆ ಗಂಭೀರವಾದ ಗಾಯಗಳಾಗಿವೆ.

ಸುಮಾರು ಹದಿನೈದು ದಿನಗಳಿಂದ ಗ್ರಾಮದಲ್ಲಿ ಕರಿ ಕೋತಿ ಉಪಟಳ ಹೆಚ್ಚಾಗಿದ್ದು, ಬೀದಿಗಳಲ್ಲಿ ಸಂಚರಿಸುತ್ತಿರುವವರಿಗೆ, ಮನೆಯಲ್ಲಿ ಕೂರುವ ಹಿರಿಯರು, ಹೊಲಕ್ಕೆ ಹೋಗುವ ರೈತರು, ಶಾಲಾ ಮಕ್ಕಳು ಭಯದ ವಾತಾವರಣದಲ್ಲಿ ಓಡಾಡುವ ಪರಿಸ್ಥಿತಿ ಉಲ್ಬಣವಾಗಿದೆ. ಈ ಕುರಿತು ತಾಲೂಕು ಪಂಚಾಯಿತಿ ಇಒ ಆರ್.ಕೆ. ಶ್ರೀಕುಮಾರ್ ಹಾಗೂ ಪಿಡಿಒ ಬೀರಲಿಂಗ ಅವರ ಗಮನಕ್ಕೆ ತಂದಿದ್ದು, ಕರಿ ಕೋತಿಯನ್ನು ಸೆರೆ ಹಿಡಿಯಲು ಕ್ರಮ ಕೈಗೊಳ್ಳುವಂತೆ ಗ್ರಾಮಸ್ಥರಾದ ಎನ್. ಬಸವರಾಜ, ರಾಜನಗೌಡ್ರು, ಹಾಲ್ವಿ ಕುಮಾರಸ್ವಾಮಿ, ಜೆ. ಜಡೆಪ್ಪ, ನೀರಗಂಟಿ ವೀರೇಶ, ಸಿ. ಯಂಕಪ್ಪ, ಬಿ. ತಿಮ್ಮಾರೆಡ್ಡಿ, ಜೆ.ಸಿ. ಬಸವರಾಜ, ಅಂಗಡಿ ನಾಗರಾಜ ಒತ್ತಾಯಿಸಿದ್ದಾರೆ.