ಮೂಡುವೇಣುಪುರದೊಡೆಯನ ಪ್ರತಿಷ್ಠಾ ವರ್ಧಂತಿ, ಗಡಿ ಪ್ರಸಾದ

ಕನ್ನಡಪ್ರಭ ವಾರ್ತೆ ಮೂಡುಬಿದಿರೆ

* ಒಡೆಯನ ಪೇಟೆ ಸವಾರಿ:

ಛತ್ರ, ಚಾಮರ, ದಂಡ, ಧ್ವಜ ದೀವಟಿಗೆ ವಾದ್ಯ ಮೇಳ ಸಹಿತ ಜಯ ಘೋಷಗಳೊಂದಿಗೆ ಸವಾರಿ ಹೊರಟು ಶ್ರೀ ಹನುಮಂತ ದೇವಸ್ಥಾನ, ಹಳೇ ಪೊಲೀಸ್ ಠಾಣೆ, ಕಲ್ಸಂಕ ಅಲ್ಲಿಂದ ಮರಳಿ ಜಿ.ವಿ.ಪೈ ನಗರ ರೋಟರಿ ಶಾಲಾ ಜಂಕ್ಷನ್, ಅಲ್ಲಿಂದ ಮರಳಿ ಮತ್ತೆ ಹಳೆ ಪೊಲೀಸ್‌ ಠಾಣೆ ಜಂಕ್ಷನ್ ಮೂಲಕ ಮುಖ್ಯ ರಸ್ತೆಯಾಗಿ ಹಳೆ ಬಸ್ ನಿಲ್ದಾಣ ಜಂಕ್ಷನ್ ಮತ್ತೆ ಅಲ್ಲಿಂದ ಮುಖ್ಯರಸ್ತೆ, ಶ್ರೀ ಹನುಮಂತ ದೇವಸ್ಥಾನ ಬಳಿ ತಿರುಗಿ ದೇವಳಕ್ಕೆ ಉತ್ಸವ ಮರಳಿತು.ಸಮಾಜ ಬಾಂಧವರ ಘರಣೆಯವರು ತಮ್ಮ ಮನೆ ಬಾಗಿಲತ್ತ ಬಂದ ಒಡೆಯನಿಗೆ ಆರತಿ, ಹಣ್ಣುಕಾಯಿ, ಹೂವು ಕಾಣಿಕೆ ಅರ್ಪಿಸಿ ತಮ್ಮ ಸೇವೆ ಅರ್ಪಿಸಿದರು. ರಾತ್ರಿ ವೇದ, ಅಷ್ಟಕ, ಸಂಕೀರ್ತನೆ, ವಾದ್ಯ ಸೇವೆಯ ಪ್ರದಕ್ಷಿಣೆಗಳ ಬಳಿಕ ವಸಂತ ಮಂಟಪದಲ್ಲಿ ವಸಂತ ಪೂಜೆ ನಡೆಯಿತು.

ವೈಶಾಖ ಬಹುಳ ತದಿಗೆಯ ಭಾನುವಾರ ದೇವರ ಪೇಟೆ ಉತ್ಸವದ ಸಮಾರೋಪ ದಿನವಾಗಿದ್ದು, ವೈಶಾಖ ಹುಣ್ಣಿಮೆಯ ಪೇಟೆ ಉತ್ಸವ ಜರುಗಿತು. ರಾತ್ರಿ ವಸಂತ ಪೂಜೆಯ ಬಳಿಕ ಉತ್ಸವ ಮೂರ್ತಿ ಪಲ್ಲಕ್ಕಿಯಲ್ಲಿ ದೇವಳದ ಒಳಾಂಗಣದ ಪ್ರದಕ್ಷಿಣೆಯ ಕೊನೆಯಲ್ಲಿ ಸಮಾಜದ ಪ್ರತೀ ಘರಣೆಯವರು ಕಾಣಿಕೆಯೊಂದಿಗೆ ನೀಡಿದ ತೆಂಗಿನಕಾಯಿಗಳನ್ನು ದೇವರ ಬಿಂಬಕ್ಕೆ ನಿವಾಳಿಸಿ ಗಣೆ ಕಲ್ಲಿಗೆ ಎಸೆದು ಒಡೆಯುವ ಕಾರ್ಯದಲ್ಲಿ ಭಜಕರು ಉತ್ಸಾಹದಿಂದ ಪಾಲ್ಗೊಂಡರು.

ಒಡೆಯನ ಪ್ರಥಮ ಪೇಟೆ ಸವಾರಿ, ಮಂಗಲೋತ್ಸವ!

ವಾಡಿಕೆಯಂತೆ ಅಂದು ಸಂಕಷ್ಟ ಚತುರ್ಥಿಯೂ ಆಗಿರುವುದರಿಂದ ಪರಿವಾರ ಗಣಪತಿ ದೇವರ ಸನ್ನಿಧಿಯಲ್ಲೂ ವಿಶೇಷ ಸೇವೆ ಇರುತ್ತದೆ. ಮತ್ತೆ ಪೇಟೆ ಉತ್ಸವ ಆರಂಭವಾಗುವುದು ಉತ್ಥಾನ ದ್ವಾದಶಿಯಂದು. ಅದೇ ವರ್ಷಾವಧಿ ಕಾರ್ತಿಕ ದೀಪೋತ್ಸವದ ಸಂಭ್ರಮ. ಕಾರ್ತಿಕ ಹುಣ್ಣಿಮೆಯಂದು ಮತ್ತೊಮ್ಮೆ ಪಟ್ಟದ ದೇವರು ಪೇಟೆ ಸವಾರಿ ಹೊರಟು ರಾತ್ರಿ ಬೆಳಗಾಗುವವರೆಗೆ ಕಟ್ಟೆ ಪೂಜೆಗಳೊಂದಿಗೆ ಸಂಭ್ರಮಿಸುವುದು ಇವರೆರಡೂ ಭಜಕರಿಗೆ ವಿಶೇಷ ದಿನ, ಕ್ಷಣಗಳಾಗಿವೆ.