ತಂಪೆರೆದ ಮುಂಜಾನೆ ಮಳೆ: ರೈತರ ಮುಖದಲ್ಲಿ ಜೀವ ಕಳೆ

ಬೆಳಗ್ಗೆಯಿಂದ ಮಧ್ಯಾಹ್ನದವರೆಗೆ ಸುರಿದ ಭಾರಿ ಮಳೆ, ತುಂಬಿದ ಹಳ್ಳಕೊಳ್ಳ

ಕನ್ನಡಪ್ರಭ ವಾರ್ತೆ ಹನೂರು

ಪೊನ್ನಾಚಿ ಗ್ರಾಮಮದ ದೊಡ್ಡ ಬೆಟ್ಟ ಹಾಗೂ ತೋಟದ ಮನೆಗಳಲ್ಲಿ ಅಪಾರ ಪ್ರಮಾಣದಲ್ಲಿ ಮಳೆ ನೀರು ನದಿಯಂತೆ ಹರಿದ ಪರಿಣಾಮ ಶಿವನಮ್ಮ, ವಸಂತಮ್ಮ, ಭಾಗ್ಯಮ್ಮ ಹಾಗೂ ಜಯಕ್ಕ ಎಂಬುವರ ನಾಲ್ಕು ಮನೆಗಳು ಜಲದಿಗ್ಭಂದನಕ್ಕೆ ಸಿಲುಕಿದಂತಾಗಿತು. ಪರಿಣಾಮ ನಿವಾಸಿಗಳು ತಮ್ಮ ಜೀವವನ್ನು ಕೈಯಲ್ಲಿ ಹಿಡಿದು ಕಾಲ ಕಳೆಯುವಂತಾಗಿತ್ತು.

ಪೊನ್ನಾಚಿ ಗ್ರಾಮ ಪಂಚಾಯ್ತಿ ಕೇಂದ್ರ ಸ್ಥಾನದಲ್ಲಿ ಮಳೆ ಬಂದರೆ ಹೀನಾಯ ಸ್ಥಿತಿ ಆಗುತ್ತಿದೆ. ಆದರೆ ಈ ಸಮಸ್ಯೆ ಶಮನಕ್ಕೆ ಚರಂಡಿ ರೀತಿ ನಿರ್ಮಿಸಿ, ಸ್ಲ್ಯಾಬ್‌ ಸೇತುವೆ ಮಾಡುವಂತೆ ಗ್ರಾಪಂ ಅಭಿವೃದ್ಧಿ ಅಧಿಕಾರಿಗೆ ಪತ್ರ ಬರೆದಿದ್ದರೂ, ಯಾವುದೇ ಕ್ರಮ ಕೈಗೊಂಡಿಲ್ಲ. ಈಗ ಅವರ ನಿರ್ಲಕ್ಷ್ಯಕ್ಕೆ ಜನರು ಪರದಾಡುವಂತಾಗಿದೆ ಎಂದು ಗ್ರಾಮಸ್ಥರು ಕಿಡಿಕಾರಿದ್ದಾರೆ.

ಗುರುವಾರ ಬೆಳಗ್ಗೆ ಸುರಿದ ಭಾರಿ ಮಳೆಗೆ ಹನೂರು ತಾಲೂಕಿನಲ್ಲಿ ಭಾರಿ ಸಂಚಾರ ವ್ಯತ್ಯಯವಾಗಿದೆ. ಶಾಲೆಗೆ ಹೋಗಲು ಮಕ್ಕಳು ಪರದಾಡುವಂತಾಗಿದ್ದು, ದಿನನಿತ್ಯದ ಜೀವನ ನಡೆಸಲು ಜನರಿಗೆ ತೊಂದರೆಯಾಯಿತು. ಕೆಲಸಕ್ಕೆ ತೆರಳುವವರು ಮಳೆಯಿಂದಾಗಿ ಪಡಿಪಾಟಲು ಅನುಭವಿಸಿದರು.

ರೈತರ ಮೊಗದಲ್ಲಿ ಮಂದಹಾಸ

---18ಸಿಎಚ್ಎನ್‌11

ತುಂಬಿ ತುಳುಕುತ್ತಿರುವ ಹಳ್ಳಕೊಳ್ಳಗಳು.