ಸಂಗೀತ ಕಲಾವಿದರಿಗೆ ಪ್ರೋತ್ಸಾಹ ಅಗತ್ಯ

ಭಟ್ಕಳ: ತಾಲೂಕಿನ ಮಾರುಕೇರಿಯ ರವಿ ಹೆಬ್ಬಾರ ಮನೆಯಂಗಳದಲ್ಲಿ ಸಮ್ಯಕ್ ಸಂಗೀತ ಗುರುಕುಲ ಕಿತ್ರೆ ಹಾಗೂ ಸಾಧನ ಕಲಾ ಸಂಗಮ ಕುಂದಾಪುರ, ಸ್ವರ ಸಂಗಮ ಗುಣವಂತೆ ಇವರ ಸಹಯೋಗದಲ್ಲಿ ಅಂತರಂಗ ಗಾನಯಾನ ಕಾರ್ಯಕ್ರಮ ನಡೆಯಿತು.

ಕುಂದಾಪುರದ ಮಕ್ಕಳ ತಜ್ಞ ಡಾ. ಎಚ್.ಆರ್. ಹೆಬ್ಬಾರ್ ಮಾತನಾಡಿ, ಸಂಗೀತದಿಂದ ಉತ್ತಮ ವ್ಯಕ್ತಿತ್ವ ನಿರ್ಮಾಣ ಆಗಲು ಸಾಧ್ಯ. ಸಂಗೀತ ತನ್ನದೇ ಅದ ವಿಶೇಷ ಹೊಂದಿದೆ. ಸಂಗೀತವನ್ನು ಉಳಿಸಿ ಬೆಳೆಸುತ್ತಿರುವ ಕಲಾವಿದರನ್ನು ಸರ್ಕಾರ ಸರಿಯಾಗಿ ಪ್ರೋತ್ಸಾಹಿಸಬೇಕು ಎಂದರು.

ಕುಂದಾಪುರದ ವಿಶ್ವಸ್ಥ ಸಾಧನ ಕಲಾ ಸಂಗಮದ ನಾರಾಯಣ ಐತಾಲ್, ಚಾರ್ಟೆಂಡ್ ಅಕೌಂಟೆಂಟ್ ವಸಂತ ಶ್ಯಾನಭಾಗ, ಸುಬ್ರಮಣ್ಯ ಹೆಗಡೆ, ಜ್ಯೋತಿಷಿ ಮಂಜುನಾಥ ಹೆಬ್ಬಾರ, ಹಿರಿಯ ಸಂಗೀತಗಾರ ಸುಬ್ರಹ್ಮಣ್ಯ ಹೆಗಡೆ ಮಾತನಾದರು. ಶೇಷಾದ್ರಿ ಅಯ್ಯಂಗಾರ್ ಸ್ವಾಗತಿಸಿದರು. ಸಮ್ಯಕ್ ಸಂಗೀತ ಗುರುಕುಲದ ಮುಖ್ಯಸ್ಥ ಗಜಾನನ ಹೆಬ್ಬಾರ ಪ್ರಾಸ್ತಾವಿಕವಾಗಿ ಮಾತನಾಡಿದರು.