ನರೇಗಾ ಗ್ರಾಮೀಣರ ಬದುಕಿಗೆ ಆಶಾಕಿರಣ

ಕನ್ನಡಪ್ರಭ ವಾರ್ತೆ ಗುಳೇದಗುಡ್ಡ

ತಾಲೂಕಿನ ಹಂಸನೂರ ಗ್ರಾಪಂ ವ್ಯಾಪ್ತಿಯ ರಾಘಾಪೂರ ಗ್ರಾಮದಲ್ಲಿ ಹಮ್ಮಿಕೊಂಡಿದ್ದ ಉದ್ಯೋಗ ಖಾತ್ರಿ ಅಭಿಯಾನದಲ್ಲಿ ನರೇಗಾ ಯೋಜನೆಯ ವಿವಿಧ ಅನುಕೂಲತೆಗಳ ಬಗ್ಗೆ ಮಾಹಿತಿ ನೀಡಿದ ಅವರು, ವಲಸೆ ತಪ್ಪಿಸಲು ಸರ್ಕಾರ ತಂದಿರುವ ನರೇಗಾ ಯೋಜನೆ ಬಹಳ ಅನುಕೂಲವಾಗಿದೆ. ಒಂದು ಕುಟುಂಬಕ್ಕೆ ಕೊಡುವ 100 ದಿನಗಳ ಕೂಲಿ ಕೆಲಸವನ್ನು ವರ್ಷವಿಡಿ ಮಾಡಿ ತಮ್ಮ ಗ್ರಾಮದಲ್ಲಿಯೇ ಇರಬಹುದು. ದೂರದ ಪಟ್ಟಣಕ್ಕೆ ಕೂಲಿಗಾಗಿ ಹೋಗುವುದನ್ನು ಬಿಟ್ಟುಬಿಡಿ ಎಂದು ಕೂಲಿ ಕಾರ್ಮಿಕರಿಗೆ ಕಿವಿಮಾತು ಹೇಳಿದರು.

ಆರಂಭದಲ್ಲಿ ಎನ್ಎಂಎಂಎಸ್ ಆಪ್ ಕುರಿತು ಕಡ್ಡಾಯವಾಗಿ 2 ಸಾರಿ ಹಾಜರಾತಿ ಹಾಕುವ ಮಾಹಿತಿ ನೀಡಲಾಯಿತು. ಹಾಗೂ 150 ಕೂಲಿ ಕಾರ್ಮಿಕರಿಂದ ನಮೂನೆ-6 ರಲ್ಲಿ ಕೆಲಸಕ್ಕಾಗಿ ಬೇಡಿಕೆ ಪಡೆದು, ಎನ್‌ಪಿಸಿಐ ಬಾಕಿ ಉಳಿಸಿಕೊಂಡ ಕೂಲಿ ಕಾರ್ಮಿಕರಿಗೆ ಕೂಡಲೇ ಮಾಹಿತಿ ನೀಡುವಂತೆ ತಿಳಿಸಲಾಯಿತು. ಗ್ರಾಪಂ ಸದಸ್ಯ ಬಸವರಾಜ ಕುರುಬಣ್ಣವರ, ರೇಣವ್ವ ಮುತ್ತಲಗೇರಿ, ತಾಪಂ ಮಾಜಿ ಸದಸ್ಯ ಯಮನಪ್ಪ ಒಡ್ಡರ ಹಾಗೂ ಗ್ರಾಮಸ್ಥರು ಹಾಜರಿದ್ದರು. ಕಾರ್ಯಕ್ರಮದ ಬಳಿಕ ಗ್ರಾಮದ ಮನೆ-ಮನೆ ಭೇಟಿ ನೀಡಿ ಕೂಲಿಕಾರರಿಂದ ಕೂಲಿ ಬೇಡಿಕೆಯ ಮಾಹಿತಿ ಸಂಗ್ರಹಿಸಲಾಯಿತು.