ಅನರ್ಹರಿಗೆ ನಿವೇಶನ ಹಕ್ಕುಪತ್ರ ರದ್ದುಪಡಿಸಲು ತಾಕೀತು

ಬ್ಯಾಡಗಿ: ಆಶ್ರಯ ನಿವೇಶನ ಹಂಚಿಕೆಯಲ್ಲಿ ಭಾರಿ ಗೋಲ್ ಮಾಲ್ ನಡೆದಿದೆ. ಪಟ್ಟಣದಲ್ಲಿ ಇಲ್ಲದೇ ಇರುವಂತವರು, ಈಗಾಗಲೇ ಮನೆ ಹಾಗೂ ಜಾಗ ಹೊಂದಿದವರು, ಇನ್ನು ಒಂದು ಹೆಜ್ಜೆ ಮುಂದೆ ಹೋಗಿ ಮೃತಪಟ್ಟವರ ಹೆಸರಲ್ಲಿಯೂ ಸಹ ನಿವೇಶನ ಹಕ್ಕುಪತ್ರ ನೀಡಲಾಗಿದೆ. ಆದ್ದರಿಂದ ಅನರ್ಹರ ಹಕ್ಕುಪತ್ರ ರದ್ದು ಮಾಡಿ ಅರ್ಹ ಬಡವರಿಗೆ ನಿವೇಶನ ಹಂಚಿಕೆ ಮಾಡುವಂತೆ ಪುರಸಭೆ ಸದಸ್ಯ ಬಸವರಾಜ ಛತ್ರದ ತಾಕೀತು ಮಾಡಿದ ಘಟನೆ ಮಂಗಳವಾರ ನಡೆದ ಪುರಸಭೆ ಸಾಮಾನ್ಯ ಸಭೆಯಲ್ಲಿ ನಡೆಯಿತು. ಸಭೆ ಆರಂಭವಾಗುತ್ತಿದ್ದಂತೆ ನಿವೇಶನ ಹಂಚಿಕೆ ವಿಚಾರದಲ್ಲಿ ನಿಯಮ ಗಾಳಿಗೆ ತೂರಲಾಗಿದೆ, ಅನರ್ಹರಿಗೆ ಹಾಗೂ ಅಲ್ಪ ಸಂಖ್ಯಾತರಿಗೆ ಅತೀ ಹೆಚ್ಚು ನಿವೇಶನ ಹಂಚಿಕೆ ಮಾಡಲಾಗಿದೆ. ಸಾಮಾನ್ಯ ವರ್ಗದಲ್ಲಿ ಅಲ್ಪಸಂಖ್ಯಾತರಿಗೆ ನಿವೇಶನ ನೀಡಲಾಗಿದೆ, ಅಂಗವಿಕಲರು, ಮಾಜಿ ಸೈನಿಕರು, ಹಿಂದುಳಿದ ವರ್ಗ ಮತ್ತು ಜಾತಿಗೆ ಅನ್ಯಾಯ ಮಾಡಲಾಗಿದೆ. ಇದಕ್ಕೆಲ್ಲ ಆಶ್ರಯ ಸಮಿತಿ ಅಧ್ಯಕ್ಷ, ಸದಸ್ಯರು ಮಾಡಿದ ಯಡವಟ್ಟು ಆಯ್ಕೆಗಳೆ ಕಾರಣ ಎಂದು ದೂರಿದರು. ಇದಕ್ಕೆ ಕಾಂಗ್ರೆಸ್ ಸದಸ್ಯರು ಸಹ ಸಹಮತ ವ್ಯಕ್ತಪಡಿಸಿದರು.

ಮಾಜಿ ಎಂಎಲ್‌ಎಗೆ ಅವಮಾನ: ಸದಸ್ಯ ವಿನಯ ಹಿರೇಮಠ ಮಾತನಾಡಿ, ಆಯ್ಕೆ ಪಟ್ಟಿ ನೀಡುವಂತೆ ಹಲವು ಬಾರಿ ಕಚೇರಿಗೆ ಬಂದು ಮಾಜಿ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿ ಅವರು ಕೇಳಿದರು ಸಹ ನೀಡದೆ ಉದ್ಧಟತನ ತೋರಿದ್ದೀರಿ, ಬಿಜೆಪಿ ಸದಸ್ಯರ ವಿರೋಧ ನಡುವೆಯೂ ಪುರಸಭೆ ಖರ್ಚಿನಲ್ಲಿ ಆಶ್ರಯ ಸಮಿತಿಗೆ ಹೊಸ ಕಚೇರಿ ಸಿದ್ಧ ಮಾಡಿ ಕೊಟ್ಟೀರಿ, ಇದನ್ನು ವಿರೋಧಿಸಿದ ನಮ್ಮನ್ನು ಆಯ್ಕೆ ಸಮಯದಲ್ಲಿ ದೂರವಿಟ್ಟು ಜನರಿಗೆ ಅನ್ಯಾಯವಾಲು ನೀವೇ ಕಾರಣರಾಗಿದ್ದೀರಿ ಎಂದು ಮುಖ್ಯಾಧಿಕಾರಿ ತರಾಟೆಗೆ ತೆಗೆದುಕೊಂಡರು.

ಹಕ್ಕುಪತ್ರ ರದ್ದಿಗೆ ಠರಾವು ಪಾಸ್‌: ನಿವೇಶನ ಹಂಚಿಕೆಯಲ್ಲಿ ಬಡವರಿಗೆ ಮೋಸವಾಗಿದೆ. ಆದ್ದರಿಂದ ಇಲ್ಲಿ ಆಯ್ಕೆಯಾದ ಅನರ್ಹ ಫಲಾನುಭವಿಗಳ ಹಕ್ಕುಪತ್ರ ರದ್ದು ಮಾಡಲು ಕೂಡಲೇ ಸಮಿತಿ ರಚನೆ ಮಾಡಿ ಜಿಲ್ಲಾಧಿಕಾರಿಗಳು ಸಂಬಂಧಪಟ್ಟ ಸಚಿವರಿಗೆ ಪತ್ರ ಬರೆಯಿರಿ ಎಂದು ಎಲ್ಲ ಸದಸ್ಯರು ಒಮ್ಮತದಿಂದ ಪಟ್ಟು ಹಿಡಿದರು. ಅಲ್ಲದೇ ಸಭೆಯಲ್ಲಿ ಠರಾವು ಸಹ ಪಾಸ್ ಮಾಡಲಾಯಿತು. ಆಶ್ರಯ ಸಮಿತಿ ಅಧ್ಯಕ್ಷರು ತಾವೇ ಕ್ಷೇತ್ರದ ಶಾಸಕರು, ಸಚಿವರು, ಸರ್ವಾಧಿಕಾರಿಯಂತೆ ವರ್ತನೆ ಮಾಡಿ, ಸರಕಾರದ ಬೊಕ್ಕಸಕ್ಕೆ ಲಕ್ಷಾಂತರ ರುಪಾಯಿ ನಷ್ಟ ಮಾಡಿ, ಜನರಿಗೆ ಮೋಸ ಮಾಡಿದ್ದಾರೆ. ಪ್ರಾಮಾಣಿಕವಾಗಿ ಬಡವರಿಗೆ ನಿವೇಶನ ಕೊಡುತ್ತೇವೆ ಎಂದು ಸುಳ್ಳಿನ ನಾಟಕವಾಡಿ ಇದೀಗ ಗೋಲ್ ಮಾಲ್ ಮಾಡಿ ಜನರಿಗೆ ಉತ್ತರ ಕೊಡದೇ ಪಲಾಯನ ಮಾಡಿದ್ದಾರೆ ಎಂದು ಪುರಸಭೆ ಉಪಾಧ್ಯಕ್ಷ ಸುಭಾಸ ಮಾಳಗಿ