ಕಾಳಸಂತೆಯಲ್ಲಿ ಪೌಷ್ಟಿಕ ಆಹಾರ ಕಿಟ್‌ ಮಾರಾಟಗಾರರನ್ನು ಬಂಧಿಸಿ

ಹುಬ್ಬಳ್ಳಿ: ಅಂಗನವಾಡಿ ಕೇಂದ್ರ ಮಕ್ಕಳಿಗೆ ಹಾಗೂ ಬಾಣಂತಿಯರಿಗೆ ವಿತರಿಸಬೇಕಾದ ಪೌಷ್ಟಿಕ ಆಹಾರ ಕಿಟ್‌ಗಳನ್ನು ಅಕ್ರಮವಾಗಿ ಕಳ್ಳ ಸಂತೆಯಲ್ಲಿ ಮಾರಾಟ ಮಾಡುತ್ತಿದ್ದ ಪ್ರಮುಖ ಆರೋಪಿ ಹಾಗೂ ಕಾಂಗ್ರೆಸ್ ನಾಯಕಿಯನ್ನು ಕೂಡಲೇ ಬಂಧಿಸುವಂತೆ ಒತ್ತಾಯಿಸಿ ಬುಧವಾರ ಹು-ಧಾ ಪೂರ್ವ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಕಾರ್ಯಕರ್ತರು ಇಲ್ಲಿನ ದುರ್ಗದಬೈಲ್ ವೃತ್ತದಲ್ಲಿ ಪ್ರತಿಭಟನೆ ನಡೆಸಿದರು.

ಈ ವೇಳೆ ಹು-ಧಾ ಪೂರ್ವ ವಿಧಾನಸಭಾ ಕ್ಷೇತ್ರದ ಅಧ್ಯಕ್ಷ ಮಂಜುನಾಥ್ ಕಾಟ್ಕರ್, ಪ್ರಭು ನವಲಗುಂದಮಠ, ಅರುಣ್ ಹುದ್ಲಿ, ಜಗದೀಶ್ ಬಳ್ಳಾನವರ, ರಾಜು ಜರತಾರಘರ, ಪ್ರತಿಭಾ ಪವಾರ, ಸುವರ್ಣ ಜಂಗಮಗೌಡ್ರು, ಲಕ್ಷ್ಮೀಕಾಂತ ಘೋಡಕೆ, ಅಣ್ಣಪ್ಪ ಗೋಕಾಕ್, ಜಗದೀಶ ಕಂಬಳಿ, ರಾಜು ಕೊರ್ಯಾಣಮಠ, ಗೋಪಾಲ್ ಕಲ್ಲೂರ, ಭಾರತಿ ಎಲ್ಕಾನ, ವಿನಾಯಕ್ ಲದವಾ, ಪ್ರವೀಣ್ ಕುಬಸವ, ರಂಗಾ ಕಠಾರೆ, ನೀಲಕಂಠ ತಡಸದಮಠ, ವಿರೇಶ್ ಸಾಲಿಮಠ ಸೇರಿದಂತೆ ಹಲವರಿದ್ದರು.