ಸಾರಿಗೆ ಸೂಚನೆ ಕಡ್ಡಾಯವಾಗಿ ಪಾಲಿಸಿ

ಗಂಗಾವತಿ: ವಾಹನ ಚಾಲಕರು ಕಡ್ಡಾಯವಾಗಿ ಡ್ರೈವಿಂಗ್ ಲೈಸೆನ್ಸ್ ಸೇರಿದಂತೆ ಸಾರಿಗೆ ಇಲಾಖೆ ನೀಡಿದ ಸೂಚನೆ ಪಾಲಿಸಬೇಕೆಂದು ಹಿರಿಯ ಸಿವಿಲ್ ನ್ಯಾಯಧೀಶ ಜಿ.ಬಿ.ಹಳ್ಳಕಾಯಿ ಹೇಳಿದರು.

ಯಾವುದೇ ವಾಹನ ಚಾಲಕರು ಚಾಲನೆ ಮಾಡುವಾಗ ಜವಾಬ್ದಾರಿಯುತವಾಗಿರಬೇಕು ಜತೆಗೆ 18ವರ್ಷ ಮೇಲ್ಪಟ್ಟವರು ವಾಹನ ಚಾಲನೆ ಜೊಜತೆಗೆ ವಿಮೆ ಮತ್ತು ಹೆಲ್ಮೆಟ್ ಕಡ್ಡಾಯವಾಗಿರಬೇಕೆಂದು ತಿಳಿಸಿದರು.

ಇನ್ನೋರ್ವ ಪ್ರಧಾನ ಸಿವಿಲ್ ನ್ಯಾಯಧೀಶ ನಾಗೇಶ ಪಾಟೀಲ್ ಮಾತನಾಡಿ, ಚಾಲಕರು ನೀತಿ ನಿಯಮ ಪಾಲಿಸಬೇಕೆಂದು ತಿಳಿಸಿದ ಅವರು, ವಾಹನಗಳನ್ನು ಎಡಬದಿಯಿಂದ ಸಂಚಾರ ಮಾಡಬೇಕು. ಇದು ಇವತ್ತಿನ ನಿಯಮ ಅಲ್ಲ ದೇಗುಲಗಳಲ್ಲಿ ಎಡದಿಂದ ಬಲಕ್ಕೆ ಪ್ರದಕ್ಷಣೆ ಹಾಕುವ ಸಂಪ್ರದಾಯದಂತೆ ಚಾಲನೆ ನಿಯಮಕ್ಕೆ ಅನ್ವಯಿಸುತ್ತದೆ ಎಂದರು.