ಕಲಿಕೆಯಲ್ಲಿ ಕೇಳುವಿಕೆಗಿಂತ ಗಮನಿಸುವಿಕೆ ಮುಖ್ಯ

ದಾಬಸ್‌ಪೇಟೆ: ಮಾನವ ಜೀವನದಲ್ಲಿ ಗಳಿಸುವ ಎಲ್ಲಾ ಸಂಪತ್ತಿಗಿಂತ ಜ್ಞಾನ ಸಂಪತ್ತು ಪ್ರಮುಖವಾದುದು ಎಂದು ನಿವೃತ್ತ ಉಪನಿರ್ದೇಶಕ ಹಾಗೂ ಸಾಹಿತಿ ಎಂ.ವಿ.ನೆಗಳೂರು ತಿಳಿಸಿದರು.

ಕನ್ನಡ ಭಾಷೆಯ ಒಂದು ಪದದಲ್ಲಿ ನೂರಾರು ಪದಗಳನ್ನು ಕಟ್ಟಬಹುದು ಹಾಗೂ ನೂರಾರು ಸಮಾನ ಪದಗಳನ್ನು ಕಾಣಬಹುದು. ಇದು ನಮ್ಮ ಭಾಷೆಗಿರುವ ಶಕ್ತಿ. ಆಂಗ್ಲಭಾಷೆಯ ವ್ಯಾಮೋಹಕ್ಕೆ ಒಳಗಾಗದೆ ಮಾತೃ ಭಾಷೆಯನ್ನು ಅಭಿಮಾನದಿಂದ ಮಾತನಾಡಬೇಕು. ಮಾತೃ ಭಾಷೆಯನ್ನು ಗೌರವಿಸಬೇಕು. ಪ್ರೀತಿಸಬೇಕು. ಅದನ್ನು ಇತರರಿಗೂ ಕಲಿಸಬೇಕು ಎಂದು ಹೇಳಿದರು.

ಪ್ರಾಂಶುಪಾಲ ಪ್ರೊ.ತಿಮ್ಮಹನುಮಯ್ಯ ಮಾತನಾಡಿ, ಇಂದಿನ ದಿನಗಳಲ್ಲಿ ಮಾತೃ ಭಾಷೆಯ ಪರಿಪೂರ್ಣ ಕಲಿಕೆ ಅನಿರ್ವಾಯವಾಗಿದೆ. ಕನ್ನಡ ಭಾಷೆ ವಿಶ್ವದ ಎಲ್ಲಾ ಭಾಷೆಗಳಿಗಿಂತ ವೈವಿಧ್ಯಮಯವಾಗಿದೆ. ಕನ್ನಡಿಗರೇ ಭಾಷೆ ಬಳಕೆಯಲ್ಲಿ ಹಿಂದೇಟು ಹಾಕುವುದು ದುರಂತ. ಮೊದಲು ಮಾತೃಭಾಷೆಯನ್ನು ಗೌರವಿಸಬೇಕು. ಮನೆಯಲ್ಲಿ ಮಕ್ಕಳಿಗೆ ಮಾತೃಭಾಷೆ ಕಲಿಸಬೇಕು. ಇತರೆ ಭಾಷೆಗಳನ್ನು ಮುಂದೆ ಕಲಿಯಬಹುದು. ಆದರೆ, ಮೊದಲು ಮಾತೃಭಾಷೆ ಕಲಿಸಬೇಕು ಎಂದು ಹೇಳಿದರು.