ಸಹಕಾರ ವ್ಯವಸ್ಥೆ ನಾಶಕ್ಕೆ ಅಧಿಕಾರಿಗಳ ಹುನ್ನಾರ

ಕನ್ನಡಪ್ರಭ ವಾರ್ತೆ ಕೋಲಾರ

ನಗರದ ಜಿಲ್ಲಾ ಸಹಕಾರಿ ಯೂನಿಯನ್ ಸಭಾಂಗಣದಲ್ಲಿ ಕೋಲಾರ ಜಿಲ್ಲೆಯ ವ್ಯಾಪ್ತಿಯ ಕೃಷಿಪತ್ತಿನ ಸಹಕಾರ ಸಂಘಗಳ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಗಳಿಗೆ ಒಂದು ದಿನದ ರಾಜ್ಯಮಟ್ಟದ ವಿಶೇಷ ತರಬೇತಿ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದ ಅವರು, ಇಂತಹ ಸಂಕಷ್ಟ ಸ್ಥಿತಿಯಲ್ಲಿ ಡಿಸಿಸಿ ಬ್ಯಾಂಕ್‌ನಂತಹ ಸಹಕಾರಿ ಸಂಸ್ಥೆ ಉಳಿಸಲು ಪ್ಯಾಕ್ಸ್ ಸಿಇಒಗಳು ಕಾವಲುಗಾರರಂತೆ ಕೆಲಸ ಮಾಡಬೇಂದು ಮನವಿ ಮಾಡಿದರು.ಅಧಿಕಾರಿಗಳು, ಸಿಬ್ಬಂದಿ ನಿರ್ಲಕ್ಷ್ಯ

ಪ್ಯಾಕ್ಸ್ ಉಳಿದರೆ ಡಿಸಿಸಿ ಬ್ಯಾಂಕ್, ಡಿಸಿಸಿ ಬ್ಯಾಂಕುಗಳು ಉಳಿದರೆ ಅಫೆಕ್ಸ್ ಬ್ಯಾಂಕ್ ಉಳಿಯುತ್ತದೆ, ಸಾಲ ವಿತರಣೆ ನಿಂತರೆ ಪಡೆದ ಸಾಲ ಮರುಪಾವತಿಗೆ ಮಹಿಳೆಯರು, ರೈತರು ಮುಂದೆ ಬರಲ್ಲ, ವಿಧಾನಸಭಾ ಚುನಾವಣೆ ನಂತರ ವಸೂಲಾತಿ ಇಲ್ಲ, ಠೇವಣಿ ವಾಪಸ್‌ ಪಡೆಯುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಬ್ಯಾಂಕ್ ವಿರುದ್ದ ಸೊಸೈಟಿ ಸಿಇಒಗಳು ಧ್ವನಿಯೆತ್ತಬೇಕು ಎಂದರು.

ರಾಜ್ಯ ಸಹಕಾರ ಮಹಮಂಡಳ ನಿರ್ದೇಶಕ ಸಹಕಾರ ರತ್ನ ಪುರಸ್ಕೃತ ಹೆಚ್.ವಿ.ನಾಗರಾಜ್ ಮಾತನಾಡಿ, ೨೦೧೪ರಲ್ಲಿ ಡಿಸಿಸಿ ಬ್ಯಾಂಕ್ ಮುಳುಗಿ ಹೋಗಿತ್ತು. ಗೋವಿಂದಗೌಡರ ನೇತೃತ್ವದ ನಮ್ಮ ಆಡಳಿತ ಮಂಡಳಿ ಕಷ್ಟಪಟ್ಟು ಉಳಿಸಿದ್ದೇವೆ, ಆದರೆ ಇದೀಗ ಕೆಲವರ ರಾಜಕೀಯ ಹಿತಾಸಕ್ತಿಗಾಗಿ ಮತ್ತೆ ಬಲಿಕೊಡುವ ಕೆಲಸವಾಗುತ್ತಿದೆ, ಪ್ಯಾಕ್ಸ್‌ಗಳು ಆದಾಯ ಕ್ರೋಡೀಕರಣ ಮಾಡುವ ಶಕ್ತಿ ಪಡೆದುಕೊಳ್ಳಿ, ಕನಿಷ್ಟ ೫ ಕೋಟಿ ಕೆಸಿಸಿ ಸಾಲ ನೀಡುವ ಶಕ್ತಿ ಹೊಂದಬೇಕು ಎಂದರು.

ಹೊಸ ಕಾಯ್ದೆಗಳ ಅರಿವು ಅಗತ್ಯ

ಯೂನಿಯನ್ ನಿರ್ದೇಶಕಿ ಆರ್.ಅರುಣ ಮಾತನಾಡಿದರು. ಸಹಕಾರ ಮಹಾಮಂಡಳದ ಕಾರ್ಯದರ್ಶಿ ಲಕ್ಷ್ಮಿಪತಯ್ಯ, ಕಾರ್ಯಾಗಾರದಲ್ಲಿ ಸಹಕಾರ ಸಂಘಗಳ ನಿವೃತ್ತ ಸಹಾಯಕ ನಿಬಂಧಕ ಎಸ್.ವಿ.ಬಸವರಾಜಪ್ಪ, ಯೂನಿಯನ್ ಸಿಇಒ ಕೆ.ಎಂ.ಭಾರತಿ ನಿರೂಪಿಸಿ, ಸ್ವಾಗತಿಸಿದ ಕಾರ್ಯಾಗಾರದಲ್ಲಿ ಸಹಕಾರಿ ಯೂನಿಯನ್ ಉಪಾಧ್ಯಕ್ಷ ಟಿ.ಕೆ.ಬೈರೇಗೌಡ, ನಿರ್ದೇಶಕರಾದ ಅ.ಮು.ಲಕ್ಷೀನಾರಾಯಣ, ಮೂರಾಂಡಹಳ್ಳಿ ಡಾ.ಇ.ಗೋಪಾಲಪ್ಪ, ಎಸ್.ವಿ.ಗೋವರ್ಧನರೆಡ್ಡಿ, ವಿ.ರಘುಪತಿರೆಡ್ಡಿ, ಎನ್.ಶಂಕರನಾರಾಯಣಗೌಡ, ಎನ್.ನಾಗರಾಜ್, ಪಿ.ಎಂ.ವೆಂಕಟೇಶ್, ಕೆ.ಎಂ.ಮಂಜುನಾಥ್, ಕೆ.ಎಂ.ವೆಂಕಟೇಶಪ್ಪ, ಷೇಕ್ ಅಹಮದ್, ಯೂನಿಯನ್ ವ್ಯವಸ್ಥಾಪಕಿ ಎನ್. ಲಕ್ಷ್ಮೀದೇವಿ ಇದ್ದರು.