ಆಪರೇಷನ್ ಸಿಂದೂರ ಭಾವನೆಗಳ ರಕ್ಷಣೆಗೆ ನಿದರ್ಶನ: ಬಿ.ಎಲ್. ಸಂತೋಷ

ಅಂಕೋಲಾ; ಭಯೋತ್ಪಾದನೆ ವಿರುದ್ಧದ ಹೋರಾಟ ಕೇವಲ ಸೇನೆಯ ಹೊಣೆಗಾರಿಕೆಯಾಗಿರದೆ, ಪ್ರತಿ ನಾಗರಿಕನೂ ರಾಷ್ಟ್ರಭಕ್ತಿಯ ಮೂಲಕ ತನ್ನ ಗುರುತರ ಜವಾಬ್ದಾರಿ ಮೆರೆಯಬೇಕಿದೆ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ.ಎಲ್. ಸಂತೋಷ ಹೇಳಿದರು.

ಮಾಂಗಲ್ಯ ಕೇವಲ ಆಭರಣವಲ್ಲ, ಕುಂಕುಮ ಕೇವಲ ಅಲಂಕಾರವಲ್ಲ. ಇವು ನಮ್ಮ ಸಂಸ್ಕೃತಿ ಮತ್ತು ಪರಂಪರೆಯ ಪ್ರತೀಕಗಳು. ಉಗ್ರರು ಈ ಭಾವನೆಗಳನ್ನೇ ನಿಗ್ರಹಿಸಲು ಮುಂದಾಗಿದ್ದರು. ಆಪರೇಷನ್ ಸಿಂದೂರ ಈ ಭಾವನೆಗಳ ರಕ್ಷಣೆಗೆ ನಿದರ್ಶನವಾಗಿದೆ ಎಂದರು.

ನಿವೃತ್ತ ಯೋಧ ಕೃಷ್ಣಾನಂದ ದಾಮುದ್ದೇಕರ ಮಾತನಾಡಿದರು. ಮಹೇಶ ಮಹಾಲೆ ಒಂದೇ ಮಾತಂ ಗೀತೆ ಪ್ರಸ್ತುತ ಪಡಿಸಿದರು. ಬಿಜೆಪಿ ಜಿಲ್ಲಾಧ್ಯಕ್ಷ ಎನ್.ಎಸ್. ಹೆಗಡೆ ಸ್ವಾಗತಿಸಿದರು. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪ್ರಶಾಂತ ನಾಯ್ಕ ಕಾರ್ಯಕ್ರಮ ನಿರೂಪಿಸಿದರು. ಕುಮಟಾ ಶಾಸಕ ದಿನಕರ ಶೆಟ್ಟಿ, ಮಾಜಿ ಶಾಸಕರಾದ ರೂಪಾಲಿ ನಾಯ್ಕ, ಸುನೀಲ ಹೆಗಡೆ, ಮಾಜಿ ಸಚಿವ ಶಿವಾನಂದ ನಾಯ್ಕ, ಜಿಲ್ಲಾ ವಕ್ತಾರ ನಾಗರಾಜ್, ಭಾಸ್ಕರ ನಾರ್ವೇಕರ, ರಾಜೇಂದ್ರ ನಾಯ್ಕ, ಸಂಜಯ ನಾಯ್ಕ, ಬಿಂದೇಶ ನಾಯಕ ಸೇರಿದಂತೆ ಮೊದಲಾದವರು ಉಪಸ್ಥಿತರಿದ್ದರು.