ಭಾರತೀಯ ಸೈನಿಕರ ಪರಾಕ್ರಮಕ್ಕೆ ಪಾಕ್ ತತ್ತರ: ಗುರುಪ್ರಸಾದ ಶ್ರೀ

ಕನ್ನಡಪ್ರಭ ವಾರ್ತೆ ರಬಕವಿ-ಬನಹಟ್ಟಿ

ಬನಹಟ್ಟಿಯಲ್ಲಿ ಸಮಸ್ತ ದೇಶಭಕ್ತ ರಾಷ್ಟ್ರ ಪ್ರೇಮಿ ನಾಗರಿಕರಿಂದ ಶುಕ್ರವಾರ ತಿರಂಗಾ ಯಾತ್ರೆಯ ನಂತರ ಈಶ್ವರಲಿಂಗ ಮೈದಾನದಲ್ಲಿ ಜರುಗಿದ ಬೃಹತ್ ಅಭಿನಂದನಾ ಸಭೆಯಲ್ಲಿ ಮಾತನಾಡಿ, ಅಮೆರಿಕ ಸೇರಿದಂತೆ ಯುರೋಪ್ ದೇಶಗಳು ತಮ್ಮ ನಾಗರಿಕರ ಮೇಲೆ ಭಯೋತ್ಪಾದನಾ ಕೃತ್ಯವಾದರೆ ಮಾತ್ರ ಭಯೋತ್ಪಾದನೆ ದಮನ ಬಗ್ಗೆ ಮಾತನಾಡುತ್ತವೆ. ಸತತ ೭೦ ವರ್ಷಗಳ ಕಾಲ ಪಾಕ್‌ನ ಭಯೋತ್ಪಾದನೆಯಿಂದ ನರಳುತ್ತಿರುವ ಭಾರತೀಯ ಯೋಧರ, ಜನತೆಯ ಜೀವಗಳಿಗೆ ಬೆಲೆ ನೀಡದಿರುವುದು ಮತ್ತು ಕಾಲಕ್ಕನುಸಾರ ಭಯೋತ್ಪಾದಕರು ಎಂದು ಘೋಷಿಸಿದ ವ್ಯಕ್ತಿಗಳೊಡನೆ ಸಂಬಂಧ ಹೊಂದುವುದು ಅಕ್ಷಮ್ಯ ಎಂದು ಹೇಳಿದರು.ವೀರಯೋಧ ರಾಮನಗೌಡ ಪಾಟೀಲ ಮಾತನಾಡಿ, ಚೀನಾ ಮತ್ತು ರಷ್ಯಾದ ಸಂಭಾವ್ಯ ದಾಳಿ ಎದುರಿಸಲು ಅಮೆರಿಕ ಪಾಕ್‌ನ ಬೆಟ್ಟ ಪ್ರದೇಶದಲ್ಲಿ ಅಡಗಿಸಿಟ್ಟ ಪರಮಾಣು ಶಸ್ತ್ರಾಸ್ತ್ರಗಳಿಗೆ ಧಕ್ಕೆಯಾಗುವ ಭಯದಿಂದಲೂ ಅಮೆರಿಕ ತಕ್ಷಣ ಮಧ್ಯ ಪ್ರವೇಶಿಸಿದೆ ಎಂಬ ಮಾತು ಇದೀಗ ದಟ್ಟವಾಗಿದೆ. ಭೂಕಂಪದ ಸ್ಥಿತಿಯಲ್ಲಿ ಮೊದಲು ಸಹಾಯ ನೀಡಿದ ಭಾರತಕ್ಕೆ ದ್ರೋಹ ಎಸಗಿದ ಟರ್ಕಿಯಲ್ಲಿ ಮತ್ತೆ ಪ್ರಬಲ ಭೂಕಂಪ ಅಪ್ಪಳಿಸಿರುವುದು ನಮ್ಮ ಸನಾತನ ನಂಬಿಕೆಗೆ ಇಂಬು ನೀಡಿದೆ.ದೇಶದ ಅಖಂಡತೆ ಮತ್ತು ಭದ್ರತೆಗೆ ಧಕ್ಕೆ ಉಂಟಾದಾಗ ದೇಶ ಕಾಪಾಡುವ ಹೊಣೆ ಸೈನಿಕರದ್ದಾಗಿದೆ. ಅವರಿಗೆ ಗೌರವ ಸಲ್ಲಿಸುವುದು ನಮ್ಮೆಲ್ಲರ ಆದ್ಯ ಕರ್ತವ್ಯವಾಗಿದೆ ಎಂದು ಹೇಳಿದರು.ಹುಬ್ಬಳ್ಳಿ ವೀರಬಿಕ್ಷಾವರ್ತಿ ಮಠದ ಶ್ರೀ ಶಿವಶಂಕರ ಶಿವಾಚಾರ್ಯರು ಮಾತನಾಡಿ, ಭವಿಷ್ಯದಲ್ಲಿ ಪಾಕಿಸ್ತಾನ ಯಾವುದೇ ದುಸ್ಸಾಹಸಕ್ಕೆ ಕೈಹಾಕಿದರೆ ವಿಶ್ವಮಟ್ಟದಲ್ಲಿ ದೊಡ್ಡ ಸಂಕಷ್ಟ ಎದುರಿಸಲಿದೆ ಎಂದರು.

ಬನಹಟ್ಟಿ ಹಿರೇಮಠದ ಶ್ರೀ ಶರಣಬಸವ ಶಿವಾಚಾರ್ಯರು, ಬಂಡಿಗಣಿ ನೀಲಮಾಣಿಕಮಠದ ಶ್ರೀಅನ್ನದಾನೇಶ್ವರ ಶ್ರೀಗಳು, ರಬಕವಿ ಶ್ರೀಗುರುದೇವ ಬ್ರಹ್ಮಾನಂದ ಆಶ್ರಮದ ಗುರುಸಿದ್ದೇಶ್ವರ ಶ್ರೀ, ಶಾಸಕ ಸಿದ್ದು ಸವದಿ ಇತರರು ಮಾತನಾಡಿದರು.

ಎಲ್ಲ ಧರ್ಮಗಳ ಮುಖಂಡರು, ಮಾಜಿ ಸೈನಿಕರು, ಶಾಲಾ, ಕಾಲೇಜು ವಿದ್ಯಾರ್ಥಿಗಳು, ಎನ್‌ಸಿಸಿ ಕೆಡೆಟ್‌ಗಳು, ಯುವಕರು, ಚಿಂತಕರು, ಶಿಕ್ಷಕರು, ವಿವಿಧ ಸಂಘ ಸಂಸ್ಥೆಗಳ ಪದಾಧಿಕಾರಿಗಳು, ಎಲ್ಲ ಪಕ್ಷಗಳ ಕಾರ್ಯಕರ್ತರು, ಮಹಿಳೆಯರು, ನೇಕಾರರು ಹಾಗೂ ಎಲ್ಲಾ ನಾಗರಿಕರು ಪಾಲ್ಗೊಂಡಿದ್ದರು.