ಸಮಾಜಮುಖಿ ಕೆಲಸ ಮಾಡಿದವರನ್ನು ಜನತೆ ಮರೆಯುವುದಿಲ್ಲ: ಶಿವಾಚಾರ್ಯ ಸ್ವಾಮೀಜಿ

ಕನ್ನಡಪ್ರಭ ವಾರ್ತೆ ಹೊಳೆಹೊನ್ನೂರು

ಸಮೀಪದ ಆನವೇರಿಯಲ್ಲಿ ಗ್ರಾಪಂ ಅಧ್ಯಕ್ಷ ಜಿ.ಎಚ್ ನಟರಾಜ್‍ಗೌಡ ಶಿವಗಾಣಾರಾಧನೆ ಪ್ರಯುಕ್ತ ಶನಿವಾರ ಹಮ್ಮಿಕೊಂಡಿದ ಸರ್ವ ಶರಣರ ಸಮ್ಮೇಳನ ಕಾರ್ಯಕ್ರಮದಲ್ಲಿ ಆರ್ಶೀವಚನ ನೀಡಿ ಮಾತನಾಡಿದರು.

ಸಂಸ್ಕಾರ ಶಿಕ್ಷಣ ಸೇರಿದಂತೆ ಸುತ್ತಮುತ್ತಲಿನ ವಾತಾವರಣ ಸರಿ ಇದ್ದರೆ ಎಲ್ಲವೂ ಸರಿ ಇರುತ್ತವೆ. ವಿಶ್ವಾಸದ ಬದುಕಿಗೆ ಪರಿಪೂರ್ಣತೆ ಸಿಕ್ಕಾಗ ಮಾತ್ರ ಅರ್ಥಪೂರ್ಣ ಸಮಾಜ ನಿರ್ಮಾಣ ಸಾಧ್ಯ. ಸಮಾಜದಲ್ಲಿ ಒಳ್ಳೆಯವರ ಸಂಘ ನಮ್ಮಲ್ಲಿನ ಅವಗುಣಗಳನ್ನು ಕಳೆಯುತ್ತದೆ ಎಂಬುದು ಸರ್ವಕಾಲಿಕ ಸತ್ಯ. ವ್ಯಕ್ತಿಯೊಬ್ಬ ಸತ್ತಮೇಲೆ ಜನರ ಬಾಯಲ್ಲಿ ಬದುಕುವುದು ಸಾರ್ಥಕತೆ ತರುತ್ತದೆ. ಬಹಳಷ್ಟು ಜನ ಬದುಕಿರುವಾಗಲೆ ಸತ್ತಿರುತ್ತಾರೆ. ಒಳ್ಳೆಯ ಕ್ರಿಯಾಶೀಲ ಬದುಕಿನ ಆತ್ಮ ಸಂತೃಪ್ತಿ ಜೀವನ ನಡೆಸಬೇಕು. ಸತ್ವದಲ್ಲಿ ಸದ್ಗುಣಗಳನ್ನು ಬೆಳೆಸಿಕೊಳ್ಳಬೇಕು. ಆಂತರಿಕ ಹಾಗೂ ಬಾಹ್ಯದಲ್ಲಿ ಸತ್ವವನ್ನು ಬತ್ತಿಸಿಕೊಳಬಾರದು. ಪಾಲಕರ ಮನಸ್ಸಿಗೆ ನೋವಾಗದಂತೆ ನೋಡಿಕೊಳ್ಳಬೇಕು. ಹಿರಿಯರನ್ನು ಉಪೇಕ್ಷೆ ಮಾಡಬಾರದು. ಪ್ರೀತಿ ವಿಶ್ವಾಸಗಳಿಗೆ ಬೆಲೆ ನೀಡುವುದನ್ನು ಮರೆಯಬಾರದು ಎಂದರು.

ಗ್ರಾಮಾಂತರ ಶಾಸಕಿ ಶಾರದಪೂರ್ಯಾ ನಾಯ್ಕ್ ಮಾತನಾಡಿ, ಭೂಮಿ ಮೇಲೆ ಯಾರು ಶಾಶ್ವತರಲ್ಲ. ನಾವು ಮಾಡಿದ ಸಮಾಜಮುಖಿ ಕಾರ್ಯಗಳು ಮಾತ್ರ ಶಾಶ್ವತ. ರಾಜಕೀಯ ಜೀವನದಲ್ಲಿ ಪಕ್ಷ ಬೇದ ಇಲ್ಲದೆ ಜನರ ವಿಶ್ವಾಸಗಳಿಸುವುದು ಸುಲಭದ ಮಾತಲ್ಲ. ರಾಜಕಾರಣಿಗಳ ಮನವೊಲಿಸಿ ಗ್ರಾಮೊದ್ದಾರಕ್ಕೆ ಬೇಕಾದ ಕಾಮಾಗಾರಿಗಳನ್ನು ತೆಗೆದುಕೊಳುವಲ್ಲಿ ನಟರಾಜಗೌಡ ಮುನ್ನಲೆಯಲ್ಲಿದರು. ಭಗವಂತ ಆನವೇರಿಯ ಗೌಡ್ರು ಕುಟುಂಬಕ್ಕೆ ದುಖಃ ಭರಿಸುವ ಶಕ್ತಿ ನೀಡಬೇಕು ಎಂದರು.

ಮುಖಂಡರಾದ ಜಗದೀಶ್‍ಗೌಡ, ಆರ್.ಪ್ರಸನ್ನಕುಮಾರ್, ಬಿ.ಕೆ ಮೋಹನ್, ಶ್ರೀನಿವಾಸ್ ಕರಿಯಣ್ಣ, ವೀರಭದ್ರಪ್ಪ ಪೂಜಾರ್, ರುದ್ರಪ್ಪಗೌಡ, ಸೋಮಶೇಖರಪ್ಪಗೌಡ, ಆಯನೂರು ಮಂಜುನಾಥ್, ಹೆಚ್.ಎಲ್ ಷಡಾಕ್ಷರಿ, ಚನ್ನವೀರಪ್ಪಗೌಡ, ಮನೋರಂಜನ, ಜಿ.ಸಿ ರೇಖಾ ಆನವೇರಿ ಗೌಡ್ರು ವಂಶಸ್ಥರು. ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ಹಾಗೂ ಗ್ರಾಪಂ ಪದಾಧಿಕಾರಿಗಳು ಸಿಬ್ಬಂದಿಗಳು, ಗ್ರಾಮಸ್ಥರು ಉಪಸ್ಥಿತರಿದ್ದರು.