ವಿದ್ಯಾರ್ಥಿಗಳ ಶೈಕ್ಷಣಿಕ ಸಾಧನೆಗಳನ್ನು ಗುರುತಿಸುವುದರ ಜೊತೆಗೆ ಅವರ ವೃತ್ತಿ ಜೀವನದ ಹೊಸ ಅಧ್ಯಾಯಕ್ಕೆ ನಾಂದಿ ಹಾಡುವ ಮಹತ್ವದ ಸಂದರ್ಭವಾಗಿದೆ. ಪದವೀಧರರು ತಮ್ಮ ಜ್ಞಾನ, ಕೌಶಲ್ಯ ಮತ್ತು ಸಾಮರ್ಥ್ಯವನ್ನು ಸಮಾಜದ ಹಾಗೂ ರಾಜ್ಯದ ಅಭಿವೃದ್ಧಿಗೆ ಬಳಸಿಕೊಳ್ಳುವಂತೆ ಪ್ರೇರೇಪಿಸುವುದು ಸಮಾರಂಭದ ಉದ್ದೇಶವಾಗಿದೆ.
ಕನ್ನಡಪ್ರಭ ವಾರ್ತೆ ಮಂಡ್ಯ
ನಗರದ ಪಿಇಎಸ್ ತಾಂತ್ರಿಕ ಕಾಲೇಜಿನ ೧೭ನೇ ವರ್ಷದ ಪದವಿ ಪ್ರದಾನ ಸಮಾರಂಭ ನ.೭ರಂದು ಬೆಳಗ್ಗೆ ೧೧ ಗಂಟೆಗೆ ಕಾಲೇಜಿನ ಎಚ್.ಡಿ.ಚೌಡಯ್ಯ ಸಭಾಂಗಣದಲ್ಲಿ ನಡೆಯಲಿದೆ ಎಂದು ಕಾಲೇಜಿನ ಪ್ರಾಂಶುಪಾಲ ಎಸ್.ವಿನಯ್ ಹೇಳಿದರು.೨೦೨೫-೨೬ನೇ ಶೈಕ್ಷಣಿಕ ಸಾಲಿನಲ್ಲಿ ಒಟ್ಟು ೮೨೯ ಪದವಿ, ೧೪೩ ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು ಸೇರಿದಂತೆ ೯೭೨ ವಿದ್ಯಾರ್ಥಿಗಳಿಗೆ ಪದವಿ ಪ್ರದಾನ ಮಾಡಲಾಗುತ್ತಿದೆ. ಇದರಲ್ಲಿ ವಿವಿಧ ವಿಭಾಗಗಳಲ್ಲಿ ಅತಿ ಹೆಚ್ಚು ಅಂಕ ಗಳಿಸಿದ ೧೫ ಮಂದಿ ವಿದ್ಯಾರ್ಥಿಗಳಿಗೆ ಚಿನ್ನದ ಪದಕ ನೀಡಿ ಗೌರವಿಸಲಾಗುತ್ತಿದೆ ಎಂದು ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಜನತಾ ಶಿಕ್ಷಣ ಟ್ರಸ್ಟ್ ಅಧ್ಯಕ್ಷ ಕೆ.ಎಸ್.ವಿಜಯ್ ಆನಂದ್ ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ ಪದಕಗಳನ್ನು ಪ್ರದಾನ ಮಾಡುವರು. ಸಮಾರಂಭದ ಮುಖ್ಯ ಅತಿಥಿಗಳಾಗಿ ಕುವೆಂಪು ವಿಶ್ವವಿದ್ಯಾಲಯದ ಮಾಜಿ ಉಪ ಕುಲಪತಿ ಪ್ರೊ.ಕೆ. ಚಿದಾನಂದಗೌಡ ಪ್ರಧಾನ ಭಾಷಣ ಮಾಡುವರು. ಜನತಾ ಶಿಕ್ಷಣ ಟ್ರಸ್ಟ್ ಕಾರ್ಯದರ್ಶಿ ಎಸ್.ಎಲ್.ಶಿವಪ್ರಸಾದ್ ಉಪಸ್ಥಿತರಿರುವರು ಎಂದರು.ವಿದ್ಯಾರ್ಥಿಗಳ ಶೈಕ್ಷಣಿಕ ಸಾಧನೆಗಳನ್ನು ಗುರುತಿಸುವುದರ ಜೊತೆಗೆ ಅವರ ವೃತ್ತಿ ಜೀವನದ ಹೊಸ ಅಧ್ಯಾಯಕ್ಕೆ ನಾಂದಿ ಹಾಡುವ ಮಹತ್ವದ ಸಂದರ್ಭವಾಗಿದೆ. ಪದವೀಧರರು ತಮ್ಮ ಜ್ಞಾನ, ಕೌಶಲ್ಯ ಮತ್ತು ಸಾಮರ್ಥ್ಯವನ್ನು ಸಮಾಜದ ಹಾಗೂ ರಾಜ್ಯದ ಅಭಿವೃದ್ಧಿಗೆ ಬಳಸಿಕೊಳ್ಳುವಂತೆ ಪ್ರೇರೇಪಿಸುವುದು ಸಮಾರಂಭದ ಉದ್ದೇಶವಾಗಿದೆ ಎಂದರು.
ಚಿನ್ನದ ಪದಕ ವಿಜೇತರು:ಪದವಿ ವಿಭಾಗ:
ಡಿ.ಎಸ್.ತನ್ಮಯ್- ಸಿವಿಲ್, ಕೆ.ಸುದರ್ಶನ್- ಕಂಪ್ಯೂಟರ್ ಸೈನ್ಸ್, ಟಿ.ಆರ್.ಲಿಖಿತಾ-ಕಂಪ್ಯೂಟರ್ ಸೈನ್ಸ್, ಕೃತಕ ಬುದ್ಧಿಮತ್ತೆ ಮತ್ತು ಯಂತ್ರ ಕಲಿಕೆ, ಕೆ.ಪಿ.ಸುಷ್ಮಿತಾ-ಎಲೆಕ್ಟ್ರಾನಿಕ್ ಅಂಡ್ ಕಮ್ಯುನಿಕೇಷನ್, ಪುಣ್ಯಶೇಖರ್- ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ಸ್, ಎಲ್.ಶಶಾಂಕ್ ಗೌಡ- ಇಂಡಸ್ಟ್ರಿಯಲ್ ಅಂಡ್ ಪ್ರೊಡಕ್ಷನ್ ಎಂಜಿನಿಯರಿಂಗ್, ಜಿ.ಕೆ.ಮೇಘನಾ-ಇನ್‌ಫಾರ್‌ಮೇಷನ್ ಸೈನ್ಸ್ ಅಂಡ್ ಇಂಜಿನಿಯರಿಂಗ್, ಜೆ.ಪ್ರಜ್ವಲ್-ಮೆಕ್ಯಾನಿಕಲ್.ಸ್ನಾತಕೋತ್ತರ ಪದವಿ ವಿಭಾಗ:
ಎಸ್.ಸುಷ್ಮಾ-ಎಂಟೆಕ್ (ಸಿವಿಲ್), ಬಿ.ಎನ್.ಪಾವನ- ಎಂಟೆಕ್ (ವಿಎಲ್‌ಎಸ್‌ಐ ಡಿಸೈನ್ ಮತ್ತು ಎಂಬೆಡೆಡ್ ಸಿಸ್ಟಮ್), ಜಿ.ಪಿ.ತನುಶ್ರೀ-ಎಂಬಿಎ, ಕೆ.ಎಂ.ಜಾಹ್ನವಿ- ಎಂಸಿಎ.ಕೆ.ವಿ.ಶಂಕರಗೌಡ ದತ್ತಿ ನಿಧಿ ಪ್ರಶಸ್ತಿ:
ಕೆ.ಸುದರ್ಶನ್ (ಪದವಿ ವಿಭಾಗ- ಒಟ್ಟಾರೆ ಪ್ರಥಮ ಸ್ಥಾನ), ಜಿ.ಪಿ.ತನುಶ್ರೀ- ಎಂಬಿಎ (ಒಟ್ಟಾರೆ ಪ್ರಥಮ), ಕೆ.ಎಂ.ಜಾಹ್ನವಿ- ಎಂಸಿಎ (ಒಟ್ಟಾರೆ ಪ್ರಥಮ).ಗೋಷ್ಠಿಯಲ್ಲಿ ಡಾ.ರುದ್ರೇಶಿ ಅಡ್ಡಮಣಿ, ಡಾ.ಡಿ.ಆರ್.ಉಮೇಶ್, ಡಾ.ಕೋದಂಡರಾಮ, ಡಾ.ಗಿರೀಶ್, ಡಾ.ಪರಮೇಶ್ ಇದ್ದರು.
