ಸೌಹಾರ್ದ ಸಾಮರಸ್ಯ ನಡಿಗೆಗೆ ಪೊಲೀಸರ ಬ್ರೇಕ್: ಬಹಿರಂಗ ಸಭೆಗೆ ಸೀಮಿತ

ಕನ್ನಡಪ್ರಭ ವಾರ್ತೆ ಮದ್ದೂರು

ಸಾಮರಸ್ಯ ನಡಿಗೆಗೆ ಮುಸ್ಲಿಂ ಮುಖಂಡರು ತನು, ಮನ, ಧನ ಅರ್ಪಿಸುವುದಾಗಿ ಬಹಿರಂಗವಾಗಿ ಘೋಷಣೆ ಮಾಡಿದ್ದರು. ಪಟ್ಟಣದಲ್ಲಿ ಶಾಂತ ಪರಿಸ್ಥಿತಿ ನೆಲಸಿದ್ದರಿಂದ ಸಾಮರಸ್ಯ ನಡಿಗೆಗೆ ಪೊಲೀಸರು ಆರಂಭದಲ್ಲಿಯೇ ಅವಕಾಶ ನೀಡದೆ ನಿರ್ಬಂಧ ವಿಧಿಸಿದ್ದರು. ಆದರೂ ಪಟ್ಟು ಬಿಡದ ಪ್ರಗತಿಪರ ಸಂಘಟನೆಗಳು ಸಾಮರಸ್ಯ ನಡಿಗೆ ಮಾಡಲು ಮುಂದಾಗಿದ್ದ ಪ್ರಯತ್ನವನ್ನು ಪೊಲೀಸರು ವಿಫಲಗೊಳಿಸಿದರು. ನಿರ್ಬಂಧ ಉಲ್ಲಂಘನೆ ಮಾಡಿ ಪಾದಯಾತ್ರೆ ನಡೆಸಿದರೆ ಸಂಘಟನೆಗಳ ಮುಖಂಡರನ್ನು ಬಂಧಿಸಲು ಸಿದ್ಧತೆ ನಡೆಸಿದ್ದರು.

ಜಿಲ್ಲೆಯಲ್ಲಿ ಕೋಮುವಾದಿಗಳ ಸ್ವಾರ್ಥ ರಾಜಕೀಯಕ್ಕೆ ಎಂದು ಅವಕಾಶ ನೀಡುವುದಿಲ್ಲ ಎನ್ನುವ ಮೂಲಕ ಬಿಜೆಪಿ ಮತ್ತು ಹಿಂದೂಪರ ಸಂಘಟನೆಗಳಿಗೆ ಮುಖಂಡರು ಪರೋಕ್ಷ ಎಚ್ಚರಿಕೆ ನೀಡಿದರು. ಪ್ರಗತಿಪರ ಸಂಘಟನೆಗಳ ಮುಖಂಡರಾದ ಶಿವಸುಂದರ್, ಭೂಮಿ ಗೌಡ, ಎಂ.ಸಿ.ಬಸವರಾಜು, ದೇವಿ, ಕುಮಾರಿ, ಟಿ.ಯಶವಂತ್, ಅಂದಾನಿ ಸೋಮನಹಳ್ಳಿ, ಮರಳಿಗ ಶಿವರಾಜು, ಮಹಮದ್ ಇಲಿಯಾಸ್, ಕಲೀಂಪಾಶ, ಎನ್.ಎಲ್.ಭರತ್ ರಾಜ್, ರೈತ ಮುಖಂಡರಾದ ಕೆಂಪೂಗೌಡ, ಬೋರಾಪುರ ಶಂಕರೇಗೌಡ, ಲಿಂಗಪ್ಪಾಜಿ, ಸಿ.ಎಂ.ದ್ಯಾವಪ್ಪ ಸೇರಿದಂತೆ ಸಂಘಟನೆಯ ಮುಖಂಡರು ಭಾಗವಹಿಸಿದ್ದರು.ಸಂಘರ್ಷಕ್ಕೆ ಪೊಲೀಸರು, ಗುಪ್ತಚಾರ ಇಲಾಖೆ ವೈಫಲ್ಯವೇ ಕಾರಣ: ಭರತ್ ರಾಜ್

ಸಾಮೂಹಿಕ ಗಣೇಶ ವಿಸರ್ಜನೆ ಮೆರವಣಿಗೆ ವೇಳೆ ಹಿಂದೂ ಮತ್ತು ಮುಸ್ಲಿಂ ಕೋಮುಗಳ ನಡುವೆ ನಡೆದ ಸಂಘರ್ಷಕ್ಕೆ ಪೊಲೀಸರು ಮತ್ತು ಗುಪ್ತಚಾರ ಇಲಾಖೆ ವೈಫಲ್ಯವೇ ಕಾರಣ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಸಂಚಾಲಕ ಎನ್.ಎಲ್. ಭರತರಾಜ್ ಕಿಡಿಕಾರಿದರು.

ಶಾಸಕರಾದ ಯತ್ನಾಳ್, ಸಿ.ಟಿ.ರವಿ ಹಾಗೂ ಸಂಸದ ಪ್ರತಾಪ್ ಸಿಂಹ ರಾಜ್ಯದಲ್ಲಿ ಶಾಂತಿ ಬಯಸುವುದಿಲ್ಲ ಕೋಮುವಾದವನ್ನು ಹುಟ್ಟು ಹಾಕುವುದೇ ಇವರ ಗುರಿಯಾಗಿದೆ ಎಂದು ಆರೋಪಿಸಿದರು.