ಗೊಂದಲದ ಗೂಡಾದ ಅಂಚೆ ಮತ ಮರು ಎಣಿಕೆ

ತಡರಾತ್ರಿ ವರೆಗೂ‌ ನಡೆದ 1822 ಅಂಚೆ ಮತ‌ಎಣಿಕೆ

ಶೃಂಗೇರಿ ವಿಧಾನಸಭಾ ಕ್ಷೇತ್ರದ ಅಂಚೆ ಮತ ಪತ್ರಗಳ ಮರು ಎಣಿಕೆ ಕಾರ್ಯ ಗೊಂದಲದ ಗೂಡಾಗಿತ್ತು. ಬೆಳಗ್ಗೆ ಒಂಬತ್ತು ಗಂಟೆಗೆ ಆರಂಭವಾದ 1,822 ಮತಗಳ ಎಣಿಕೆ ಕಾರ್ಯ ತಡ ರಾತ್ರಿಯಾದರೂ ಪೂರ್ಣಗೊಳ್ಳಲಿಲ್ಲ.

ನ್ಯಾಯಾಲಯದ ಆದೇಶದಂತೆ ನಗರದ ಐಡಿಎಸ್ ಜಿ ಕಾಲೇಜಿನಲ್ಲಿ ಶನಿವಾರ ಅಂಚೆ‌ ಮತಪತ್ರಗಳ ಮರುಎಣಿಕೆ ಆರಂಭವಾಗಿ ಬೆಳಗ್ಗೆ 7.30ರ ಸುಮಾರಿಗೆ ಸಗನಿಪುರದ ಸ್ಟ್ರಾಂಗ್ ರೂಂನಿಂದ ಮತಪೆಟ್ಟಿಗೆ ಬಾಕ್ಸ್ ತೆರೆದಿದ್ದವು ಎನ್ನುವ ಮೂಲಕ ಆರಂಭಗೊಂಡ ಗೊಂದಲ, ಆರೋಪ ಪ್ರತ್ಯಾರೋಪಗಳು ತಡ ರಾತ್ರಿವರೆಗೆ ಮುಗಿಯಲೇ ಇಲ್ಲ.

ಕಳೆದ ಚುನಾವಣೆ ಮತ ಎಣಿಕೆ ವೇಳೆ ತಿರಸ್ಕೃತಗೊಂಡಿದ್ದ ಮತಪತ್ರಗಳಲ್ಲಿ ಕೆಲವು ಬೇಗನೆ ಸಿಗದ ಕಾರಣದಿಂದ ಮತ ಎಣಿಕೆ‌ ಸಿಬ್ಬಂದಿ ಅವುಗಳಿಗಾಗಿ ಹುಡುಕಾಟ ಆರಂಭಿಸಿದ್ದರು ಹಾಗಾಗಿ ಮತ ಎಣಿಕೆ‌ ಆರಂಭ ವಿಳಂಭವಾಯಿತು.

ಇಬ್ಬರಿಗೆ ಮತ: ಎಣಿಕೆ‌ ಸ್ಥಗಿತ:-

ಮತ್ತೆ ಎಣಿಕೆ ಆರಂಭ:

ವಿಜಯೋತ್ಸವ ಆಚರಿಸಿದ ರಾಜೇಗೌಡ

ಸಂಜೆ ವೇಳೆಗೆ ಮತ ಎಣಿಕೆ ಕೇಂದ್ರಕ್ಕೆ ಆಗಮಿಸಿದ ಟಿ.ಡಿ.ರಾಜೇಗೌಡ ಸ್ವಲ್ಪ ಸಮಯದಲ್ಲಿಯೇ ಮತ ಎಣಿಕೆ ಕೇಂದ್ರದಿಂದ ಹೊರಬಂದು ತಾವು ಮರು ಮತ ಎಣಿಕೆಯಲ್ಲೂ ಗೆದ್ದಿರುವುದಾಗಿ ಘೋಷಿಸಿಕೊಂಡರು. ಅಲ್ಲದೆ ಕಳೆದ ಬಾರಿಗಿಂತ ಈ ಬಾರಿ ಎರಡು ಮತ ಹೆಚ್ಚು ಪಡೆದಿರುವುದಾಗಿ ತಿಳಿಸಿದರು. ಇದರಿಂದ ಕಾಂಗ್ರೆಸ್ ಕಾರ್ಯಕರ್ತರು ಚಿಕ್ಕಮಗಳೂರು ಮಾತ್ರವಲ್ಲ ಶೃಂಗೇರಿ ಕ್ಷೇತ್ರದಾದ್ಯಂತ ಸಂಭ್ರಮಾಚರಣೆ ನಡೆಸಿದರು.

ಒಂದೆಡೆ ವಿಜಯೋತ್ಸವ, ಇನ್ನೊಂದೆಡೆ ಪ್ರತಿಭಟನೆ:ಮತ ಮರು ಎಣಿಕೆ ನಿಲ್ಲಿಸಲಾಗಿದೆ ಎಂದು ಆರೋಪಿಸಿ ಒಂದೆಡೆ ಬಿಜೆಪಿ ಪ್ರತಿಭಟನೆ ನಡೆಸಿದರೆ ಈ ವಿಷಯ ತಿಳಿದು ಸ್ಥಳಕ್ಕೆ ಬಂದ ನೂರಾರು ಕಾಂಗ್ರೆಸ್ ಕಾರ್ಯಕರ್ತರು ವಿಜಯೋತ್ಸವ ನಡೆಸಲಾರಂಭಿಸಿದರು.

ಪರಿಸ್ಥಿತಿ ಗಂಭೀರತೆ ಅರಿತು ಎಎಸ್ ಪಿ ಜಯಕುಮಾರ್ ನೇತೃತ್ವದಲ್ಲಿ ಮಧ್ಯಪ್ರವೇಶಿಸಿದ ಪೊಲೀಸರು ಗೇಟ್ ಎದುರಿನಿಂದ ಪಕ್ಕಕ್ಕೆ ಸರಿಯದೇ ಇದ್ದಲ್ಲಿ ಬಂಧಿಸಿ ಪ್ರಕರಣ ದಾಖಲಿಸುವ ಎಚ್ಚರಿಕೆ ನೀಡಿದ ಬಳಿಕ ಬಿಜೆಪಿ ಪ್ರತಿಭಟನಕಾರರು ಮುಖ್ಯ ದ್ವಾರದಿಂದ ಸರಿದರು.

ಮತ ಎಣಿಕೆ ವಿಳಂಬಕ್ಕೆ ಬಿಜೆಪಿ ಪ್ರತಿಭಟನೆ:

ನೂರಾರು ಬಿಜೆಪಿ ಕಾರ್ಯಕರ್ತರು ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ಕೂಡಲೇ ಮತ ಎಣಿಕೆ ಪೂರ್ಣಗೊಳಿಸಲು ಆಗ್ರಹಿಸಿದರು.

ಚುನಾವಣಾ ಅಧಿಕಾರಿಗಳು ಯಾವುದೋ ಒತ್ತಡಕ್ಕೆ ಮಣಿದಿರುವ ಅನುಮಾನವಿದೆ. ಒತ್ತಡಕ್ಕೆ ಮಣಿಯದೆ ಅಧಿಕಾರಿಗಳು ಕೋರ್ಟ್ ಆದೇಶ ಪಾಲಿಸಬೇಕು. ಮರುಮತ ಎಣಿಕೆ ಫಲಿತಾಂಶ ಹೊರಬರುವವರೆಗೂ ನಾವು ಪ್ರತಿಭಟನೆ ನಡೆಸುತ್ತಲೇ ಇರುತ್ತೇವೆ ಎಂದು ಪಟ್ಟು ಹಿಡಿದರು.ಕಾಂಗ್ರೆಸ್, ಬಿಜೆಪಿ ಕಾರ್ಯಕರ್ತರ ತಳ್ಳಾಟ ನೂಕಾಟ:

ವಿಜಯೋತ್ಸವಕ್ಕೆ ಸಿದ್ಧತೆ: ಆತಂಕಬಾಳೆಹೊನ್ನೂರಿನಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ವಿಜಯೋತ್ಸವಕ್ಕೆ ಸಿದ್ಧತೆ ಮಾಡಿಕೊಂಡಿದ್ದು, ಪಟ್ಟಣದ ಜೇಸಿ ವೃತ್ತದ ಬಳಿಯಲ್ಲಿ ವೇದಿಕೆ ಸಿದ್ಧಪಡಿಸಿ ಸಭಾ ಕಾರ್ಯಕ್ರಮಕ್ಕೆ ಸಿದ್ಧತೆ ಮಾಡಿಕೊಂಡಿದ್ದಾರೆ. ಕಾರ್ಯಕ್ರಮ ಆಯೋಜನೆ ಮಾಡಿರುವ ಸ್ಥಳಕ್ಕೆ ಶಾಸಕ ರಾಜೇಗೌಡ ಅವರ ಆಗಮನಕ್ಕೆ ಕಾಯ್ದಿದಿದ್ದಾರೆ. ಆದರೆ ಫಲಿತಾಂಶದ ಗೊಂದಲದಿಂದ ಕಾರ್ಯಕರ್ತರಲ್ಲಿ ಆತಂಕ ಎದುರಾಗಿದೆ.