ಕಲ್ಪವೃಕ್ಷಕ್ಕೆ ಹಾಲು ತುಪ್ಪು ಎರೆದು ಚಳವಳಿ ತೀವ್ರತೆಗೆ ಶಪಥ

ರಾಮನಗರ: ಬಿಡದಿ ಟೌನ್ ಶಿಪ್ ನಿರ್ಮಾಣಕ್ಕಾಗಿ ನಡೆಯುತ್ತಿರುವ ಭೂ ಸ್ವಾಧೀನ ಪ್ರಕ್ರಿಯೆ ವಿರುದ್ಧ ಹೋರಾಟದ ಹಾದಿ ಹಿಡಿದಿರುವ ರೈತರು ಭಾನುವಾರ ಕಲ್ಪವೃಕ್ಷ (ತೆಂಗಿನ ಮರ)ಕ್ಕೆ ಹಾಲು ತುಪ್ಪು ಎರೆದು ಪ್ರಾಣ ಕೊಟ್ಟರು, ಭೂಮಿ ಕೊಡುವುದಿಲ್ಲ ಎಂದು ಶಪಥ ಮಾಡಿದರು.

ಈ ಹೋರಾಟವನ್ನು ವಿವಿಧ ಹಂತಗಳಲ್ಲಿ ನಡೆಸಲು ತೀರ್ಮಾನಿಸಿರುವ ರೈತ ಮುಖಂಡರು, ಭೂ ಮಾಲೀಕರಾದ ರೈತರು, ಪರಿಸರವಾದಿಗಳು, ವಿವಿಧ ರಾಜಕೀಯ ಪಕ್ಷಗಳ ನಾಯಕರನ್ನು ಜೊತೆಗೂಡಿಸಿಕೊಂಡು ಚಳವಳಿ ನಡೆಸುವುದು, ಆಕ್ಷೇಪಣಾ ಅರ್ಜಿ ಸಲ್ಲಿಸಿರುವ 2700 ರೈತರು ಪ್ರತ್ಯೇಕವಾಗಿ ನ್ಯಾಯಾಲಯ ಮೆಟ್ಟಿಲು ಹತ್ತುತ್ತೇವೆ. ಹಸಿರು ನ್ಯಾಯಾಲಯದ ಮೊರೆ ಹೋಗಿ ತಡೆಯಾಜ್ಞೆ ತರಲು ತೀರ್ಮಾನಿಸಿದರು.

ಡಿ.ಕೆ.ಶಿವಕುಮಾರ್ ಅವರಿಗೆ ರಾಜಕೀಯ ಸ್ಥಾನಮಾನ ಸಿಕ್ಕಿರುವುದು ಜನರು ಕೊಟ್ಟ ಮತದಾನದ ಭಿಕ್ಷೆಯಿಂದ ಎಂಬುದನ್ನು ಮರೆತಂತಿದೆ. ನಾವೆಲ್ಲರು ಪ್ರಜಾಪ್ರಭುತ್ವ ವ್ಯವಸ್ಥೆಯಲಿದ್ದು, ಡಿ.ಕೆ.ಶಿವಕುಮಾರ್ ಪಾಳೆಗಾರರಂತೆ ವರ್ತಿಸುವ ಅಗತ್ಯವಿಲ್ಲ. ಈ ರೀತಿ ನಾನು ದೊಡ್ಡವನೆಂದು ಮೆರೆದವರೆಲ್ಲರು ಇತಿಹಾಸ ಪುಟ ಸೇರಿರುವುದನ್ನು ನೋಡಿದ್ದೇವೆ. ಇಂತಹ ವರ್ತನೆ ಪ್ರಜಾಪ್ರಭುತ್ವ ಅವಮಾನ ಹಾಗೂ ಸರ್ಕಾರಕ್ಕೆ ಕಳಂಕ ತರುವ ವರ್ತನೆಯಾಗಿದೆ. ಕೂಡಲೇ ಡಿ.ಕೆ.ಶಿವಕುಮಾರ್ ಬಹಿರಂಗವಾಗಿ ರೈತ ಸಮುದಾಯದಲ್ಲಿ ಕ್ಷಮೆಯಾಚಿಸಬೇಕು ಎಂದು ಒತ್ತಾಯಿಸಿದರು.

ರೈತರಿಂದ ಕೇವಲ ಧಿಕ್ಕಾರವಷ್ಟೇ ಕೂಗಲು ಸಾಧ್ಯವೆಂದು ಡಿ.ಕೆ.ಶಿವಕುಮಾರ್ ದುರಂಹಕಾರದಿಂದ ಸವಾಲು ಹಾಕಿದ್ದಾರೆ. ದೇವನಹಳ್ಳಿಯಲ್ಲಿ 1198 ದಿನಗಳ ಕಾಲ ನಡೆದ ಹೋರಾಟ ನಡೆದಾಗ ಆ ಭಾಗದ ನಾಯಕರು ಡಿ.ಕೆ.ಶಿವಕುಮಾರ್ ರೀತಿಯ ವರ್ತನೆಯನ್ನೇ ತೋರಿಸಿದ್ದರು. ಅದಕ್ಕೆ ಭೂ ಸ್ವಾಧೀನ ರದ್ದು ಪಡಿಸುವ ಮೂಲಕ ರೈತರು ಸರಿಯಾದ ಉತ್ತರವನ್ನೇ ನೀಡಿದ್ದಾರೆ. ಇಲ್ಲಿಯೂ ಅದೇ ಪರಿಸ್ಥಿತಿ ಬರಲಿದೆ ಎಂದು ಎಚ್ಚರಿಸಿದರು.

ಬಾಕ್ಸ್‌...............

ತಾಪಂ ಮಾಜಿ ಸದಸ್ಯ ಪ್ರಕಾಶ್ ಮಾತನಾಡಿ, ಗ್ರೇಟರ್ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಹೊರಡಿಸಿರುವ 6 ಸಾವಿರ ನೋಟಿಫಿಕೇಷನ್ ನಲ್ಲಿ ಒಬ್ಬ ರೈತನ ಹೆಸರಿನಲ್ಲಿ 1ರಿಂದ 10 ಪಹಣಿಗಳಿವೆ. ಒಂದು ಪೋಡಿ, ಹಿಸ್ಸಾಗೂ ಒಂದೊಂದು ನೋಟಿಫಿಕೇಷನ್ ಮಾಡಿದ್ದಾರೆ. ರೈತರು ಆಕ್ಷೇಪಣೆ ಸಲ್ಲಿಸುವಾಗ 10 ಪಹಣಿಗೆ 10 ಅರ್ಜಿ ಸಲ್ಲಿಸದೆ 1 ಆಕ್ಷೇಪಣಾ ಪತ್ರ ಮಾತ್ರ ಕೊಟ್ಟಿದ್ದಾರೆ. ಹೀಗಾಗಿ ನೋಟಿಫಿಕೇಷನ್ ಸಂಖ್ಯೆ ಹೆಚ್ಚಾದರೆ, ಆಕ್ಷೇಪಣ ಪತ್ರಗಳ ಸಂಖ್ಯೆ ಕಡಿಮೆಯಾಯಿತು. ಒಟ್ಟಾರೆ 2700 ಆಕ್ಷೇಪಣ ಅರ್ಜಿಗಳು ಸಲ್ಲಿಕೆಯಾಗಿವೆ ಎಂದು ಹೇಳಿದರು.

ಈಗ ಚಳವಳಿಯಲ್ಲಿ ತೊಡಗಿರುವ ರೈತರು ಅರ್ಧ, ಮುಕ್ಕಾಲು ಎಕರೆ ಭೂಮಿ ಉಳ್ಳವರು. ಎಕರೆಗೆ ವರ್ಷಕ್ಕೆ 30 ಸಾವಿರ ಪರಿಹಾರ ಕೊಡುವುದಾಗಿ ಹೇಳಿದ್ದಾರೆ. ಈ ಹಣದಿಂದ ರೈತನ ಕುಟುಂಬ ನಿರ್ವಹಣೆ ಮಾಡಲು ಸಾಧ್ಯವಿಲ್ಲ. 50 ಎಕರೆ ಭೂ ಮಾಲೀಕರಾದ ಅವರೆಲ್ಲರು ಶಾಲೆಗಳು, ಬಾರ್ ಗಳನ್ನು ಹೊಂದಿದ್ದಾರೆ. ಪರಿಹಾರ ಹಣ ಇಲ್ಲದಿದ್ದರು ಅವರ ಜೀವನ ಸಾಗುತ್ತದೆ ಎಂದು ಪ್ರಕಾಶ್ ಹೇಳಿದರು.

ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿದ್ದಾಗ 5 ಟೌನ್ ಶಿಪ್‌ಗಳನ್ನು ಘೋಷಿಸಿದ್ದರು. ಸದಾನಂದಗೌಡರು 4 ಟೌನ್ ಶಿಪ್‌ಗಳನ್ನು ರದ್ದು ಪಡಿಸಿದರು. ದೇವನಹಳ್ಳಿ ಭೂಮಿಯನ್ನು ಸಿದ್ದರಾಮಯ್ಯ ಡಿ ನೋಟಿ ಫೈ ಮಾಡಿದ್ದಾರೆ. ಹಾಗಾದರೆ ಅವರೆಲ್ಲರು ಜೈಲಿಗೆ ಏಕೆ ಹೋಗಲಿಲ್ಲ. ಬಿಡದಿ ಟೌನ್ ಶಿಪ್ ಯೋಜನೆ ಭೂಮಿ ಡಿ ನೋಟಿ ಫೈ ಮಾಡಿದರೆ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಜೈಲಿಗೆ ಹೋಗಲು ಸಾಧ್ಯ.

(ಎರಡೂ ಫೋಟೊ ಬಳಸಿ)

1.ಹೊಸೂರು ಗ್ರಾಮದ ಮದ್ದೂರಮ್ಮ ದೇವಾಲಯದ ಆವರಣದಲ್ಲಿ ರೈತರು ತೆಂಗಿನ ಮರಕ್ಕೆ ಹಾಲು ತುಪ್ಪು ಎರೆದು ಪೂಜೆ ಸಲ್ಲಿಸುತ್ತಿರುವುದು.