ವಾರ್ಡ್‌ ಸಮಿತಿ ರಚಿಸದ ಪಾಲಿಕೆ ವಿರುದ್ಧ ಪಿಐಎಲ್‌ಗೆ ಸಿದ್ಧತೆ

ಶಿವಾನಂದ ಗೊಂಬಿ

ವಾರ್ಡ್‌ ಸಮಿತಿ ರಚನೆ ಮಾಡದ ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ ವಿರುದ್ಧ ಹೈಕೋರ್ಟ್‌ ಮೊರೆ ಹೋಗಲು ಹುಬ್ಬಳ್ಳಿ- ಧಾರವಾಡ ವಾರ್ಡ್‌ ಸಮಿತಿ ಬಳಗ ನಿರ್ಧರಿಸಿದೆ. ಇದಕ್ಕಾಗಿ ಇದೀಗ ಟ್ರಸ್ಟ್‌ ಮಾಡಿಕೊಂಡು ಚಂದಾ ಸಂಗ್ರಹಿಸುತ್ತಿರುವ ಬಳಗವೂ, ಈ ತಿಂಗಳಾಂತ್ಯದಲ್ಲಿ ಪಿಐಎಲ್‌ ಅರ್ಜಿ ಹಾಕಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ.

ಏನಿದು ಸಮಿತಿ?

2023ರಲ್ಲೇ 2 ಬಾರಿ, 2024ರಲ್ಲಿ 2 ಬಾರಿ ಪಾಲಿಕೆ ಅರ್ಜಿ ಆಹ್ವಾನಿಸಿದೆ. 620, 436. 1058 ಹೀಗೆ ಅರ್ಜಿಗಳು ಬಂದಿವೆ. ನಾಲ್ಕನೆಯ ಬಾರಿ ಅರ್ಜಿ ಆಹ್ವಾನಿಸಿದಾಗ ಬರೀ 36 ಅರ್ಜಿಗಳು ಮಾತ್ರ ಬಂದಿದ್ದವು. ನಾಲ್ಕನೆಯ ಬಾರಿಗೆ ಅರ್ಜಿ ಹಾಕುವುದು ಬೇಡ ಎಂದು ವಾರ್ಡ್‌ ಸಮಿತಿ ಬಳಗ ನಿರ್ಧರಿಸಿತ್ತು. ಹೀಗಾಗಿ ಆಗ ಬರೀ 36 ಅರ್ಜಿ ಮಾತ್ರ ಬಂದಿದ್ದವು. ಬಂದ ಅರ್ಜಿಗಳಲ್ಲೇ ಮಂಗಳೂರು ಪಾಲಿಕೆಯಲ್ಲಿ ಮಾಡಿದಂತೆ ಸಮಿತಿ ರಚಿಸಬೇಕು ಎಂಬ ಬೇಡಿಕೆ ವಾರ್ಡ್‌ ಸಮಿತಿ ಬಳಗದ್ದು.

ವಾರ್ಡ್‌ ಸಮಿತಿ ರಚನೆಗೆ ಪಾಲಿಕೆ ನಾಲ್ಕು ಬಾರಿ ಅರ್ಜಿ ಕರೆದಿದೆ. ಆದರೆ, ನಿಗದಿತ ಅರ್ಜಿ ಬಂದಿಲ್ಲ ಎಂಬುದು ಪಾಲಿಕೆ ವಾದ. ಆದರೆ, ಬಂದಷ್ಟು ಅರ್ಜಿಯಲ್ಲೇ ಸಮಿತಿ ರಚಿಸಲು ಅವಕಾಶವಿದ್ದರೂ ಪಾಲಿಕೆ ಕ್ರಮಕೈಗೊಂಡಿಲ್ಲ ಎಂಬುದು ವಾರ್ಡ್‌ ಸಮಿತಿ ಬಳಗದ ಆರೋಪ.

ಪಾಲಿಕೆ ಸದಸ್ಯರ ವಿರೋಧ?

ಮಂಗಳೂರು ಮಾದರಿಯಲ್ಲಿ ಇಲ್ಲೂ ವಾರ್ಡ್‌ ಸಮಿತಿ ರಚನೆ ಮಾಡಿ ಎಂದು ಕೋರಿದ್ದೇವೆ. ಸಿಎಂ, ಡಿಸಿಎಂ, ಜಿಲ್ಲಾ ಉಸ್ತುವಾರಿ ಸಚಿವರು, ಜನಪ್ರತಿನಿಧಿಗಳಿಗೆಲ್ಲ ಮನವಿ ಕೊಟ್ಟಿದ್ದು ಆಗಿದೆ. ಆದರೆ, ಯಾರು ಸ್ಪಂದಿಸಿಲ್ಲ. ಹೀಗಾಗಿ ಪಿಐಎಲ್‌ ಹಾಕಲು ನಿರ್ಧರಿಸಿದ್ದೇವೆ. ಇದಕ್ಕಾಗಿ ಹಣ ಸಂಗ್ರಹ ಮಾಡುತ್ತಿದ್ದೇವೆ.